¹ Mago tapimo'a lapagai tapifati ke hanesi yana lokaeno alu mogi taga. Husigeta koti-le alita ugafiye inagi apaga apagu ai-a afeole vaya mogi ali-a koti-le fago huga inagi apatege'a apaga mono nopi kava vemogi koti tapi lapaga oafiga fiye a? ² Lapaga maya huta oafina fiye apametiti vealave mogi koti hupatega apaga mopafi vaya? Inagi higeno lapaga mopafi vaya koti hupatega, hanaya husigeta lapaga alita fago osuga'e muki aise ase ke-go lapagai tapi folagapi afole ai? ³ Lapaga oafinafiye maya huta lagai ena apaga Agelo ena alita fago hugune? ⁴ Higeno lapaga alageputa ke tapi fago husa yana lapaga muki kanale, hnaya higeta lapaga koti tapi ategeno viye lapaga apaya-pi apaga ve kava mono nopi omaina? ⁵ Naga mani ke-go huvana lapaga lapavagage alisa yafe. Higeno omainafiye mago ve'a lapaga folaga tapifi alagepa afiya alina mani muki kanaya ali-a fago husa folaga tapifi muki kogana inagi nugana? ⁶ Inagi ke-mo'a maya huno hetiye, mago ametiti vegamo'a alu ametiti vega avalelino viye koti-le, inagi apaga God-tite apametiti osuna vemogi lapaga koti tapi ali-a fago ha'e ⁷ Lamake ae muki mani ke-leti laneha kava-a folaga tapifi haneniye lapaga muki alita fatago huna vaya aipi, aga hulapate geta lapaga fanane huna'e. Hanaya husigeta lapaga mani kanaya oaliga'e. Hayana husigeta lapaga atesage'a apaga kapaloke huga'e lapagai-te? ⁸ Inagi, lapaga ago alita haviya huna'e inagi kapaloke huna'e apagai-te, alu-ale, mani nofina aga muki-a kogna tapiye lapaga. ⁹ Lapaga maya huta oafina'e, apaga havi vayamogi uhai-a ofalega'e God-ti koguna kegiya vegofi? Ha-ao kametiti osuwo muki kapaloke efena. Aga muki kumai kva fena, inagi kapalo god-ti fena inagi vealave ya ai-a apa hesa inagi vemo'a ve alisa yanagi inagi muki keoke havi kavana, ¹⁰ Inagi kumaya alisa kavana nagi inagi muki atafa hua alagi husa kava nagi sapaki gi inagi hua haviya hupatesa kavana gi inagi apaga alu vaya-ai ya vayu hua alisa ya nagi mago apimo'a mani apaga nofi God-ti koguna kegiya vegofi ua ohaiga'e. ¹¹ Lapaga mago atapimogi ago huna'e mani kavana alufina. Higeno, meni lapaga fatago huna'e inagi lapaga asene huna'e inagi lapaga fatago huta hamale-na'e God-ti aulagale Ala Yesu Mesia aliya teti inagi God-ti Avamu-amo lokiya leti. ¹² Muki ya-a ha-ao osuniye naga husa ya, higeno muki yamo'a na-oma gaiye naga." Inagi muki ya-a ha-ao osuniye naga husa ya, husigena naga mago ya atesugeno naga yagai onatesiye. ¹³ "Neyana aga aipamo yane, inagi taipa aga neya alisi yane." Higeno, henaga God-ti-a tole ala alino haviya huna ana tale gaiye lokaeno. Higeno, kagufa aga kumaiya osusana yane. Higeno agufa aga Ala-mo yana inagi Ala-mo'a muki ya alino talotala nehiye agufa haemaesi yafe. ¹⁴ God-ti-a Ala-na ago alino hetite inagi aga laga alino hetilate ala lokiya aleti aga. ¹⁵ Lapaga maya huta oafinafiye lapaga lapagufa aga Mesi-a agufa ae? Inagi naga Mesia agufa alina inagi kumai ane apamigufi. Ha-ao maya huno afole oaisiye. ¹⁶ Lapaga maya huta oafina-fiye, mago vegamo'a kumai a-e alino lokaesi yana tole-la mogani magoke anagufa hane? Maya huno God-ti Vuku-mo'a ke huni, "tolela mogani magoke anagufa hamale ago." ¹⁷ Higeno, la-a Ala-mo'e aino lokaesi yana, aga eno magoke hamale God-ti Avamumo aguafinaga. ¹⁸ Kumai kavafena afagite maiyo! Muki alu faipa ya-a apaga vayamogi nehaya-na aga malaga agufamo malaga'e, higeno mago vegamo'a kumai kava nehusi yana, aga hiyana agai-a agufa alino haviya nehiye. ¹⁹ Lapaga oafina-fiye maya huta lapagufa tapi aga Avamumo'a lapagu afinaga mainiye lapaga inagi God-ti yane? Lapaga maya huta afiyo lapagai tapi ege maina-fiye a? ²⁰ God-ti-a ago miya huniye lapaga lokaeno ala miya teti. Inaya higeno muki ya lapaga husayana, God-ti agi alita asaga hiyo lapaga lapagufa leti'e lokaeta.