¹ Lapaga maya huta afune mago folaga tapifati kumaiya kava hiye aga havi kava tafane. Mani mona aga apaga apagu ai-a afole vayamogi-e nosa'e. laga afune mago vega folaga tapifati lokaeno nehava'e afo-amo agano'e aga. ² Lapaga ke amagiye! lapaga lapagai tapi ege lapau hiyo lapaga mani vega haeta hafai taleyo la-a mani kava nehifi lapaga folaga tapifi. ³ Nayafene, naga lapagai'e lokaena omainove ma nagufa'e, higena Avamu tena, naga lapagai'e lokaena mauve naga ago alina fago huve mani vega la-a mani agufa kava hiya, magoke kava huno naga lapagai'e lokaena muga aupilaga maino. ⁴ Lapaga alita atalu aisa kanale lokaeta Yesu Mesia agile, nagai ena Avamu nimo'a lapagai'e lokaeno maigiye muga aupilaga, inagi Ala Yesu lokiya-amo'a lokaeno lapagai'e maigiye. ⁵ Naga mani ya huvana mani vega sata ayapi ategeno vino aga agufa alino haviya husi yafe inagi Avamu-mo'a aga alagepuno hane gaiye laga Ala timo kanale. ⁶ Aga kanare osuniye lapagai tapi lapagi alita haisaya lapaga afinafi oha-ao, aise ysi tomo'a breti neya alino aeno ala-ale apafu nele. ⁷ Lapagai tapi aeta kalopaeyo inagi alita ataleyo mani atafa yisi husigeta lapaga saufa breti hamale sayafe mago'e apafu olesi yafe, nayafene, Mesia ago agai-a laefi-a laga laminiye, inagi mani afu sipsip hamaleniye apaga ago amagina'e mani kanale God-ti-a apaga Isreli vaya alagepu'a maina kanale. ⁸ Ina-ausigeta laga lategeta mono ala kanati amuse hino. mani atafa yisi lefe lokaeta amuse osusune, havi kavamo yisi ye inagi havi kavane. ha-ao, lategeta laga amuse hino lokaeta mani breti-mo yisi-a omaleni. Mani breti-mo'a lekanapai-niye alagepa kava'e inagi ke lamake ae. ⁹ Avo-mo'a aguafinaga naga ago kaenove lapagai taga, naga lapapauve lapaga apagai'e aita lo-okaeyo apaga lagi kumai ya nehusa kavapi. ¹⁰ Naga apagu ai-a afeolena vaya-ai apagai-fe osuve mani mopafi. ¹¹ Inaya higena naga mani avo kao ve lapagai taga ke afita halesa lapaga mani agufa kogana'e lo-okaesa'e lagi kumai kava nehusa, o lokae'a apaga kugena gi'e lagi apagai-api efege neafi, apaga kapalo god-tite mono neafiye, o apaga havi ke nehae, o apaga sapaki neha'e, o apaga kapaloke neha'e, apaga ani agufa vaya, neya apagai'e lokaeta oneyo. ¹² Naga hanaya husigena apaga mono-mo malaga maina va-a alina fago huguve? ha-ao, lapaga alita fago hiyo apaga mono aguafinaga maina vaya. ¹³ God-ti agai-a alino fago hugiye apaga vaya mono mona malaga maina. "Hafai taleyo mani havi vega la-a maini lapaga folaga tapifi."