¹ Higena naga apaga vaya-ai apage fati muki ke-ge husuvana inagi apaga Agelo'e, inagi higena naga apaga alu vaya hapausa kavani omaleni siyana, inagi naga ke nimo'a velomo'a agene ai ya huni o mago atupa kapamo'a. ² Higena naga Aune ke huna afole aisa amuse yani haneni siyana, inagi ke lamake'a afinove inagi falagi ke, inagi ala kametiti ya haneni siyana agoya aliga hafai talegane aga noaleti, husigena naga apaga vaya hapausa kavani omaleni siyana, inagi naga afa ae, ³ Higena naga kugagemi-api omale vaya muki yani apami suvana, Inagi naga nagufani apaga ataga'e, inagi higena naga mago alu vaya hapausa kavani omaleni siyana, inagi naga mago alagepa ya oaliguve mani yateti-na. ⁴ Hapausa kavamo'a, aga vase huga maigane inagi mago alu vaya aliga alagepu pategane.Hapausa kavamo'a aga agena haye osugiye o agai-a agi alino ohaino. Aga viketi yanomane inagi ke oafi yana, ⁵ Alu vaya ali-a haviya husa. Inagi aga kagaife agesa oafigi yatene. Aga magale'a haio-vaino inagi aga agesa noafiye apaga alu amogi ali-a haviya huta yafena. ⁶ Aga havi kavafena amuse nosiye, ha-ao, aga lamake kava aefege amuse nehiye. ⁷ Hapausa kavamo'a aga alagepa alaga alineate muki ya-ale inagi ametiti aliniye muki ya-ale aga hiya ya-a inagi henaga afole aisi yafe agawa nehiye inagi kana nealiye muki ya-ale. ⁸ Hapausa kavamo'a uno hano husa ya-a omaleniye higeno Aune ke haneni siyana, muki-a hano hugiye. Inagi higeno keoke apage haneni siyana muki-a hano huga'e. Inagi higeno alagepa afiyana agai aguagesa afi haneni siyana, apagai ena hano huga'e. ⁹ Nayafene, laga atupa atupa'a agege afinone inagi Aune ke huta hanelone atupa atupa'a agege. ¹⁰ Higena, lamake ya esi kanale-mo muki atupa atupa ya-a hano hugiye. ¹¹ Naga mafane ago maino kanale-na, naga mafane kanagana huna ke laga nehuve, mafane kanagana huna afifi nehuve, inagi afiyani-mo'a mafane mogi muki nehaya kava'a nehuve. higena naga ena ala vega alopa hemalo kanale-mo, naga muki mafane mogi kvamo atalo'e. ¹² Meni kanale-mo, laga muki ya agone, magoke kava huno laga kalasi fati neagona ya huno inagi henaga laga laugosa alita atalu aita inagi alageputa agegaune. Meni, naga aise atupa'a agove, inagi henaga naga afina alagepa hugu. Nayafene naga afina alagepa hunove meni muki ya-a. ¹³ Inagi meni, mani tole'e mago'e kavana afa'a hane siye. Aga ametiti mo agi inagi ametiti muki ya-ale henaga afole aisi inagi hapausa kavamo. Inagi alu vaya hapausa kavamo'a hogote-niye mani muki ya-alena.