¹ Lapaga kogana nimogi tapa'e, meni naga lapapai gesuve lapaga muki aliya tapi, Avamu teti. Inaya higeno naga naipamo'a lapaga alageputa afita haleyo. ² Lapagai tapi maya huta afiyo lapaga ago aifo maina kanale-mo, apaga alu vayamogi lapaga vayu huli-a wagetapa lapaga muki kapalo god-tite ke laga nosi yate mono neafiye inagi apaga afifi yatapi ali-a yagalenena'e inagi lapaga afa-a uneata'e. ³ Inaya higena naga naipamo'a lapaga maya huta afiyo huna'e suve ha-ao mago vegamo'a God-ti Avamu alineno mage hugiye, Yesu-a haviya hugiye," Inagi ha-ao mago vegamo'a loki-a waino ke hugiye, Yesu-a aga Ala-ne," inagi Avamu teti gene. ⁴ Avamumo'a keoke aliya-a haneniye, higeno magoke Avamu to agege haneniye. ⁵ Inagi God-ti aliya yana keoke aliya-a haneniye, higeno magoke Ala-neagege mainiye, ⁶ Inagi keoke aliya-a haneniye, higeno magoke God-ti-agegene, aga aliya nealiye vase huno alino afole aiye muki vaya-ai apagu ainaga. ⁷ God-ti-a Avamu loki-a amigeno magoke magoke vayapi muki vaya hapaemaesa yafe. ⁸ Mani magoke Avamumo'a, inagi mago vega lokiya neamiye alagepa afifi yate mono husa, higeno aga loli-a ametiti ya magoke vega, inagi alu vega aga kali alino kanale husi amuse aliya aminiye. ⁹ Mani magoke Avamu-ne, higeno inagi aga loki-a ametiti amiye mago vega, inagi mago alu vega aga aminiye amuse ya gali alino kanare husi yafe. ¹⁰ Inagi alu mona aga lokiya avame ya husi ya aminiye, inagi alu mago mona alagamuna mono husi amuse ya aminiye, Inagi alu mago mona aga aminiye alagepa afiya ageno halesi alagepa Avamu'e havi avamu'e, inagi alu mago vega aga aminiye keoge kefati ke lagausa amuse ya, inagi alu mago mona aga afiya aminiye keoge ke aino afelesi amuse ya. ¹¹ Higeno magoke Avamumo'a aguafinaga aliya nealiye mani muki ya-alena inagi amuse ya apaminiye apaga magoke magoke ve God-ti-a lekanapai maleni. ¹² Magoke kava huniye maya huno agufamo'a aga magoke-ne, higeno magoke magoke atupamo'a aino afole huniye magoke agufa, maya huno magoke huno Mesi-a. ¹³ Magokke Avamu-te laga ani falone inagi magoke agufa hamalone. Kaga Juda o Griki o vega aliya woi maiyo o vega afa-a maiyo, God-ti-a alino atalu ailate laga muki-a magokke Avamu pati nesunafe. ¹⁴ Agufamo'a agai-a magoke aupilaga ohane aga, ha-ao aga hailaga atupa-a haneniye aga. ¹⁵ Higeno aiyamo'a mage hiye, naga naya nomana gena inagi naga agufamo atupa aomane. ¹⁶ Inagi higeno agesamo'a mage hiye, naga aulaga omaino wana gena inagi naga agufamo atupa aomane, higeno agai ena agufamo mago atupa ae. ¹⁷ Inagi muki ke afigiye? Inagi higeno muki agufa'a aga agesa to agege haneni siyana, agufamo'a hanaya huno atufai giye muki yana? ¹⁸ Higeno God-ti-a ateniye agufa atupa aga talo aga hiya kanale. ¹⁹ Higeno muki amo'a magoke agufa kava ago afole hunesi yana, agufamo'a hanate hanegaiye? ²⁰ Inaya higeno magoke magoke agufamo'a atupa, muki amo'a eno afole huno magoke agufa'e ²¹ Aulagamo'a ayana maya huno haopai-giye, kagai fena onauniye ²² Higeno muki atupa lagufamo laga lagesa afitaemo lokiya a omaleniye, higeno aga ala yane laga lagufale-na. ²³ Inagi muki lagufamo atupa-a lagesa afitaemo apaga kanare osuniye, aga laga alita vilasi hune apatone apaga. Inagi lagufamo atupa-a laga oagesu ya huni laga alagepu-ta aitati negaone apaga ²⁴ Inagi lagufamo apaga alu atupa'a laga vilasi osunone, higeapa apaga ago ala apagi aliye. Inagi God-ti-a muki agufamo atupa'a alino atalu aiye ea magoke husa yafe, inagi aga ala agi amiye apaga lagufamo atupa'a laga lagesa afitaemo apaga kanare osuna'e. ²⁵ Aga maya huni yamo ai-a apa osesa yafe agufamo aguafinaga afole osusiye. Higeno alino magoke magoke agufamo atupa amo'a alu mago'a yagai tesi magoke kava ato leti. ²⁶ Magoke atupa-amo'a agafu gisigeno aena muki aupilaga amo'a ala agi alisi yana apaga mago amogi lokae'a amuse huga'e. ²⁷ Inaya higena inagi laga muki-a Yesu agufa ae inagi laga magoke mogita agi atupa ae. ²⁸ Inagi siosi-mo aguafinaga God-ti-a ago lekanapai maleniye nayafene apaga Aposoli, inagi mago ena aga muki Apaune ve, tole-e mago ena aga apaga ali-a apaya husa ve, inagi mago'a aga amuse ya apaminiye muki loka-a avame ya husa yafe, mago amogi alina'e amuse ya mago alu nofi vaya hapae maesa yafe, mago amogi siosi aliyate yagai sayafe amuse ya alina'e, mago'a aga apaminiye keoke ke lagausa amuse ya. ²⁹ Higeta laga muki-a Aposoli-ye inagi Aune ve'ae inagi ali-a apaya vefi a? ³⁰ Higeta laga muki amogita gali alita kanare hupatesa amuse yana alinopi a? Higeta laga muki amogita apave funale keoke ke lagausa amuse ya alinopi a? Inagi higeta laga muki amogita mani ke aita afele gaupi? ³¹ Laga lokiya waita lagesa afisune hogote amuse ya Avamu tagati alisuna yafe. Inagi naga lapaveli-guve lapaga alagepa kamo kava laefi alisa ya.