¹ Afo Farisiuc namac Lo tare wayom waintauc namaci Jerusaremi ke yereeni Jisasi namac waya sirani yeno. Yeni macnin teno, ² " Neware tireyac enic disaipoliuc ike unamac tinafu nan yic Lo iyewac awakure yafono ? Yeni yunan nani yiyamac iyen ukenone. " ³ Afo Jisasi yewekem macnin tiren tiyimemi, " Ikeni ne anda warac Gotinic Lo ukarekac iken yinafunan yic bar awakureka fono ? ⁴ Gotinic Lo temi, Iken yino yifouc yira finac bako. Akac yeweken temi, Wanta ben ano afom madaci tiyinkewe, Puki nonano. ⁵ Afo ike teko, Afo wanta benano afonam macni tene, " Nenenec ikemi yimentekafu, mini manac Gotin akonke amen teka." ⁶ Micnenim waintaci iye wakac ben afon arafim beno. Icnayemi tinafu tikaka uyic lo, Gotin awayani arin teno. ⁷ Umac tekom wainta uko, Aisayan awayani afotafic meno, Profeti uken tiyimenim bayaye, ⁸ Mo miyi uni yofem poni temi mam tisinkeyo, yen yinduni nen kaci beno ten tanaka iyem beno. ⁹ Yeni umaci tike tenkac man teyo, newarafi wantauc yenaco uwande dam Lo we, minim mandeni mami teyom baruc anasi wanta yoc yikarani ten kaci mam teyonic meyo. ¹⁰ Afo icnayemi Jisasi mini iniya waintauc yararemi macnin tiren tiyimemi," Indirekac awokufi kac urec mana baya marako. ¹¹ Wanta nan namandan ofempac kumenimi, iye waci yindun areno." Afo wanta baya tiram kumenimi, wanta anduni anan kayeno. ¹² Icnayemi disaipoliuc Jisasimi macnin tire tameno, "Eni inde fono mini wayani teona Farisiuc umam mareni yiran ame yone? ¹³ Jisasi macnin tiren yeweken tiyimemi, "Umaden yani benimi inarum paci ten tifom beniwa yoc dukanaino, uma demi anuc namaci dara fin teyo. ¹⁴ Yen eca, mini Farisiuc yukami daci dakeno. Afo okam mandac ukam wainta akona okam mandac irom awikem bemi yekanda awakimi indacinteyo. ¹⁵ Pita mini bayay indiremi Jisasin kaci macnin temi '' Aman kaka eni mana baya yanda tisi minte fono, wanta nacn namandan ofem kumemi, wanta iye waci andur arin tenon teona we '' ¹⁶ Jisasi yeweken temi, "Ike yabac mini wayay anda iyec indikeka teno ? ¹⁷ Ike yacba yewa beke indeko, nec yofem kumenafi, yirapimic kunden yanka eno. ¹⁸ Afo wanta ofen ken manda wayani tenimi, wanta anduni areno. ¹⁹ Yindun tinke mana baruc uwareye, manda indiriec, wanta arumam puke, akac bayic ukenin ini namac manda uware, ena ena manda uware, akac umore, akac umac baya kokin te, akac manda bayaso anasi wanta manaci tiyinke. ²⁰ Moc miniuc poni wanta andur ari nonano. Afo ayan ucde yunan ne onaci, wanta anduni iye waci aranano aranano." ²¹ Afo Jisasi mikake yereremi mana Distrikici, mana Tauni kimi Taia nic namac Sidoni mini kimi uremi. ²² Afo mini makusaci, mana inini Keneni ke yewam Jisasimi araremi macnin temi, "Iyeno, Devitin akako ten nanayin timeno, manda spritin ten tiramumi acnavisici amewako." ²³ Afo Jisasi mana wayayac iyen tamemi, Disaipoliuc macnin tire Jisasin tameno, "Mini inini ike unamaci tiwa kuremi bacdon yemisifo, tamin yewekano ? ²⁴ Jisasi yemi macnin tiren tiyi memi, "Goti Isreliuc mana yivi kano vani tisinka kumeko. Yeni sipsipi ken dom pirukeyo." ²⁵ Afo mini inini Jisasin on tapaci ye akon donan duemi macnin temi, "Iyeno, tasaseno." ²⁶ Afo Jisasi macnin tiren tamemi, "Anucyi bredi mandeke iyan akaku yime nuna awoku kaino." ²⁷ Afo mini inini macnin tiren temi, "Iyeno, pukan tanano, akac titoc iyanuci yen yifo yunan namandan pafa sem teibori arafim kun dacimi, minim manden neno." ²⁸ Jisasi mini inini macnin tiren tamemi, "Anasi, eni eram bilivin dukanano, minci mukami en akaci amankafic min teno."Micni sewanimi manda spiritiuci ben kinke yerere boyomi, mini akinta aman kafic emi. ²⁹ Jisas mini maku sake yereremi Galili non awafaci bemi, oremi mana anu akac bami, mini kaci unc kuman demi. ³⁰ Afo mini kac banimi amucna iniya waintan be wapaci yeno. Afo mini kimi yeni amucna iniya waintan, yikam mandac ukem, yukam mandac ukem, acyabac iye te, akac wanta yen yu koec keyo unamac akac ena yic duke yo unamaci yeno. Micnu ka uni yivike mare rami Jisasi yofa emi. ³¹ Afo anasi wanta yic duka yocu yone wayomi, ayuc iyewac teyo ucni ani teno, akac yen yu koec kani ucni yeb beken antekemi, akac yikam mandac ucke yocuni yem beken antekemi, akac yukam mandac uka bake yocuni yem beken antekemi, afo mini onareni Isreli ucyi Gotimi avici yanic eno. ³² Afo Jisasi benic disaipoliuc yararem macnin temi, "Mana iniya waintan yone wac tikumi kako, newarafi, tenamaci tari fara nuranic mure beni yunam mac iyewac nami bako. Bakec tiyin karana asapac bewam yaram pukina ya yan dinayon akare." ³³ Akac disaipoliuc macnin tire Jisasimi tameno, " Mana awafac wanta wac iye wam makusaci waci, amankac iyen yunan afakarec anasi wanta yimen teko?" ³⁴ Akac Jisasi yem paci inda emi temi, ikeni yunami dukac kanac disaipoliuc teya teno.? "Seveni breti namac kamore noyac namaci beno." ³⁵ Afo Jisasi mini iniya wainta wan temi, kuman deko tenini ucmade kuman deno. ³⁶ Afo beni mini seveni breti namac kamore noyac namac maremi, mandemi Gotim paci okam mukemi, afo mini acnayem paci kicdiremi mandekem disaipoli ukaci demi. Afo disaipoliuc mandeni anasi wantan yimeno. ³⁷ Umaden iniya wainta mini nayomi yimuci kuremi. Afo mini acnayem paci arayuc yuekedayomi seveni basketin untikemi. ³⁸ Mini yunam nayom wintauc yandami, fo tausenici, mini kimic iyewaci anuc namac anasiuc namac yadeyo. ³⁹ Mini acnayem paci Jisasi anasi wanta tiyinkanini yen yimapac beyo, tiyin karemi akac beni boutikim uckuman demi Makadanic Distriki kimi beno.