¹ Afo sapati kukakantaci Jisasi beni disaipoliuc namaci witi anayo kinkaci bewayomi akac beni disaipliuc yaram pukonini witin dakade nenoyo. ² Afo Farisiuc mini onareni Jisasimi macnin tire tameno, '' Onano, neanda warac enic disaipoliuc sabati ukareya fono.'' ³ Afo yemi Jisasi macnin tiren tiyimemi, '' Ikeni Deviti aram puke wanim waintauc namac banimi iye waci yandare onamino, ⁴ Beni Gotin amaci oremi ao sirukayom bredin omanden nemi, mini iye waci mandekem benamaci beyocu yimin teno, Pristiuc yeya nami beno. ⁵ Sabati Lo wani tikenimi iyewakac eni yandarec one fono, Pristiuc yeni sabati Lo ukarareni yeni umandac iyec dukayafo? ⁶ Micni mukaci teni ikemi tiyimeko, mayan mam macbac yean kakam makaci beno. ⁹ Icnayemi Jisasi mini kac yere yinkaremi Judac mam makimi uremi. ¹⁰ Mini faci mana wainta ayam mandac ukam bami. Farisiuci Jisasi mi indaeno, '' Amankakaci ac dukenim wainta sabati kaci tasasin teya? '' Jisasi sinic ino wani yeni mini bayani teno. ¹³ Afo Jisasi macnin tirem mini wainta tamemi, '' En ayan ante kano, '' afo beni Jisasin teni nic murami ena yacmani ante keninic memi ena yacman dacbaci antekemi. ¹⁴ Afo Farasiuc yerere weni yeni manacin ayuc afakare Jisasin aruman pukirani beno. ¹⁵ Jisasi yenyic indini indinkami, micni mukami beni mini makuni yere rem bini amucna iniya waintan bemi awakuromi, akac yen yinawi sici beni amanka fic uyin kemi. ¹⁶ Afo beni eram bayani yemi tiyimemi beni iyec benafi anasi wanta iyewac tiyimeko ware, ¹⁷ Profet Asaia tenimi antekukami demi mini wani tiyimemi. ¹⁸ ''Onano, tentic yokam waitan beno,teni bemi avicdeci ten tirapinkem benani tiyeno. Tentic spiritin bemi amenami beni antekenin awucawaci beni nani iyeuyac yeni Judauc iye beyafo yemi tiyimin temi. ¹⁹ Beni iyewaci yen yiwayayuc bekinem bac duyinken, akac iyewaci mana wainta ayana ben awayauc indinteyo. ²⁰ Beni iye waci akoya ewananim on ukaran teno, Akac beni iye waci dusimirar ewananim on dusiman teno. Beni bem yokam bewami antekananim bani acnaric minteno. ²¹ Akac ben avi timanam Juda bac iyewac beyon iniya wainta wac bilivic inteyo.'' ²² Mini acnayem paci mana wainta akar ayam mandac ukam wainta avike Jisasi wapaci yeno, afo beni mini wainta tasa sirami mini wainta okam makemi asen emi. ²³ Umacden iniya wainta mini onareni yinduc dureni macnin teno, '' Amankac mana intai Devitin akac ino? '' ²⁴ Afo Farisiuc Jisasi mini mirakori enim wayay indireni yeni macnin teno, '' Beni Belsebali nic eran taci manda spiriti yomanan deno, beni manda spiritiuc kac acnonic ukam waintam beno. '' ²⁵ Afo Jisasi yenyic indini onaremi macnin temi, '' Umacden kindomin kan timi ukarake nimi mandac minteno. Umacden tauni wa makuci kantimi ukara kenimi iyewaci ereru kanteno. ²⁶ Afo Bananom yewekem Bananom tankene, beyani acbami dakakan teno. Afo benic kindomi inkenikac urenac erarin tena? ²⁷ Afo tena Belsebali nic eranto manda spiritiuc awaku reke, afo iken yikafandauci iyenic eran toyac manda spiritiuc awakureya ? Mini anda fonanan ikemi daimin teyo. ²⁸ Afo tena Gotinic Spiriti ic eranto manda spiriti awakureke, aci Goti nic kindomi iken namaci yeweno. ²⁹ Inke nurenac umo wainta mana eram wainta amac ukara rem umpec enac benic andandauc maran tena ? Afo maran temi, ben akar ayan nare damurenac benic andandauc marano. ³⁰ Afo mana wainta tenamac iyewac yene, afo beni tentic namukom beno, afo mana wainta tenamac manakin iyewene, afo mini wainta temi yereren nenkaci beno. ³¹ Puka ukami ikemi tiyimeko, sini ka intekafe o Goti nac manaic ukankan tekafe beni iken yic sini daonanan yinkan teno, afo Holi Spiriti amaric uankarami mini sini iyen daoyin teno. ³² Iyec eni wanta akac amaru ankan tefe, beni enic sini daoni ankan temifo, ena Holi Spiriti amar uankarami beni iye waci mana makakac namac inarumpac namac mini umani iyen daoyin teno. ³³ Yani awokuci bami ben akamaci awokuci beno. Akac yani manda ukami, ben akamci manadaci mukan teno. Mini ya yakami benafoni weyani afoctafic intemi beni ne yayac benafi. ³⁴ Ikeni manda memay akafandan bano. Inkec nikac ekac ikeni manda awuc awac uwarekaci akac awokuc andanda uwareka ? Wantan mini umuna indini tenimi ben arapimi untikakemi. ³⁵ Afo wanta ben anduntim awokuc banami mini awokuci yocyikanteno, aka wanta ben anduntin mada wanami mini mandan yoyikan teno. ³⁶ Teni puka ukami ikemi tiyimeko, kotinayon kukakan take, anasi wanta iyewac ante kananim wayayuci tinteyo. ³⁷ Aka en awaya sonanam awokuc wainta be akac manda wainta be inonano. ³⁸ Mini acnayem paci indim wainta ucnama aka Farisiuc namaci macnin teno, '' Tisa, mana saini enkinke yinac onarare. '' ³⁹ Afo Jisasi yewekemi macnin tirem tiyimemi, " Ike manda spiriti duke pamuki ekon iniya wainta mini saini onararac teka teno. Afo, saini ikenka iyewaci ampamin teno Profet Jona kaci saini ampa menim manan indin nakono. ⁴⁰ Jona tari fara ayufu namac bayan konamaci iyena noyac arapimi baranin amankaci, wanta akaci tarifara ayufun namac bayan namaci masipim wanteno. ⁴¹ Afo kotinayom kukakanta Ninive kenuni mini iniya wainta ucnamac kokaci ukukan teto. Yema Jona waya tiyi mewanina yindum waeka youye. Afo, onano Jona mac ye ankakam waintam makim beno. ⁴² Sauti fatena Kuini anasi wantauc namaci mini kukakanta kokaci ukukanteyo. Mana maka mare arayic ewani Solomoninic indin indire onan teyo, Solomonimac ye ankakam makaci eno. ⁴³ Afo manda spiritin wanta kinkem yanka emi, beni yerem kafukam makfaci aun darani bemi, afo be bananin awafabaci iye waci afake mi. ⁴⁴ Afo beni temi, teni yekuna makimi yewekec bontekon temi.Afo bena yeweken oren onani mini makim anuc are ante dukami onemi. ⁴⁵ Afo beni yeweken oremi 7 spiritin bemac ye ankaka uni oyiwiken yemi, yereni mini wainta kimi ureno. Akac mini wainta peni banim baric iye memi, benic baruci ananu kami kayemi. beni yewekem manda baric uke yo unamaci manaic memi. ⁴⁶ Afo Jisasi amucna iniya waita ucnama pa ase wanini, ben ano wa ben awawa sen mapaci ye ukukeno, benamac asirani. ⁴⁷ Mayan macnin tiren Jisasimi tamemi, " mapaci enano wa en awanana sen anti keyo enamac asirare. " ⁴⁸ Afo Jisasi yeweken tamemi semi, " iye uyac yeni tentino wa ten tiwanam bayac teno ? " ⁴⁹ Afo Jisasi ayan yani uremi benic disaipoli ucpa demi temi " Onano mana ten tino wa ten tiwanami mana beyo ! ⁵⁰ Afo iyen iniya wantac yeni tentifonic ayir awakure yafo, yeni tentino wa ten tiwanam beyo."