¹ Me ra talairawarawa vei ira na turaga levu ko ira na tamata kece lia. Ni sa yali na turaga sa tubu loa, mai vua lia na Kalou: ko ira era sa turaga tu, sa lesi ira na Kalou. ² Ia ko koya sa voratia na turaga, sa voratia nai lesilesi ni Kalou: ia ena cudruvi ko ira era sa voratia. ³ Ko ira na turaga era sa yali ni vu ni rere vei ira sa caka vinaka, vei ira lia sa caka ca: o sa qai gadrevia li mo yali ni rerevakia na turaga? mo caka na ka e vinaka, ena qai dokai iko kinia ko koya: ⁴ ni sa nona talai na Kalou ko koya vei iko mo vinaka kinia. Ia kevaka ko sa caka ca, mo rere lia; ni sa yali ni tauria lowa lia nai seleiwau ko koya: ni sa nona talai na Kalou, me cudruvi koya sa caka ca. ⁵ O koya koya e dodonu kinia mo dou talairawarawa, e yali lowa lia e na vuku ni cudru, e na vuku ni lewa-eloma voki lia. ⁶ O koya mo dou qai ia voki lia na soli: ni ra sa nona talai na Kalou, era sa qaravia tiko na ka koya. ⁷ O koya mo dou qai solia vei ira kece lia na ka e dodonu: na soli vei ira sa nodra nai solisoli; ai sigana vei ira sa nodra nai sigana; dou rerevaki ira e dodonu me ra rerevaki: varokorokotaki ira e dodonu me ra varokorokotaki. ⁸ Me kakua na nona ka e dua ko sa yali ni saumia, na dauveilomani lia me caka tiko; ni sa muria na vunau taucoko ko koya sa daulomania na tani. ⁹ Io, koya: Mo kakua ni ia na veibutakoci, Mo kakua ni laba, Mo kakua ni butako, Mo kakua ni kocokoco; ia kevaka sa dua voki nai vakaro, sa tu vata kece lia e na vosa koya, Mo lomania na kai nomu me vaka ko sa lomani iko. ¹⁰ O koya sa dauloloma sa yali ni caka ca vua na kai nona: o koya koya sa caka kinia na vunau taucoko ko koya sa dauloloma. ¹¹ Ia koya, ni da kila na gauna, ni sa gauna koya mo dou yadra kinia mai na moce; ni sa qai voleka na noda bula, ka yawa e na gauna ni noda vabauta. ¹² Sa varau oti na bogi, a sa voleka na siga: o koya me da qai dainia tani nai valavala ni butobuto, ka me da vaiyaragi tu e na rarama. ¹³ Me da qai voli me vaka e kilikili, me vaka e na siga; me kakua nai soqosoqo lialia, se na mateni, me kakua na daudara se nai valavala velavela, me kakua na veileti se na vuvu. ¹⁴ Ia dou vaisulu e na Turaga ko Jisu Karisito, ka kakua ni ia me varau ki na gagadre ca ni yago.