¹ O koya koya, ikodou na viwekani yalosavasava, sa kacivi mei taukei ni ka valomalagi, dou vananumia nai Apositolo vata kei na Bete Levu eda sa vatusa tiko, ko Jisu: ² o koya ka lomadina vua sa lesi koya, me vataki Mosese voki lia ena nona mataqali taucoko. ³ A sa dodonu me dokai valevu ko koya ka valailai ko Mosese, ni sa dokai valevu ko koya sa tara na vale, ia ka valailai lia na vale. ⁴ Ni sa dua e tara na vale yadua; ia ko koya sa tara na ka kece lia sa Kalou. ⁵ Ia e dina lia sa lomadina ko Mosese e na nona mataqali taucoko, me vaka sai talatala, me vatakilai kinia na ka ena tukunia mai muri; ⁶ ia na Karisito sa dina me vaka sa Gone e na nona mataqali; ia sa nona mataqali koi ita, kevaka eda sa tauria matua na noda doudou ki na reki ni nuinui me tu dei, me yacovia nai vataotioti. ⁷ O koya koya, me vaka sa tukunia na Yalo Tabu, E na siga koya kevaka dou sa via rogocia na domona, ⁸ Kakua ni vakaukauwatakia na yalomudou, me vaka e na vivacudrui, Me vaka e na siga ni dauvere e na lekutu: ⁹ Era sa dauveretaki au kinia ko ira na nomudou qase, era sa vatovolei au vaca, Ni ra sa raicia tiko na noqu cakacaka ka yabaki vasagavulu. ¹⁰ O koya koya ka'u a cudru kinia vi ira nai tabatamata ko ya, Ka tukunia, Era sa cala tiko lia e lomadra; Ia era a yali ni kila na noqu i valavala. ¹¹ Au a bubului kinia e na noqu cudru, Ni ra na yali sara ni curu ki na noqu i vavacegu. ¹² Dou raici ikodou vinaka, na viwekani de tiko e na lomadra eso vi ikodou na yalo sa ca e yali ni vabautia, dou sa dainia laivi kinia na Kalou bula. ¹³ Ia dou dui vivatavulici vakai ikodou e na veisiga kece lia, ni sa vatokai lia, Na siga ni kua; de vayalokaukauwatakia e dua vi ikodou e na vuku ni sa dauvivaisini nai valavala ca. ¹⁴ Ni sa noda lia na Karisito, kevaka eda sa tauria matua nai vatekivu ni noda dinatia me tu dei, me yacovia nai vataotioti. ¹⁵ Ni sa tukunia tiko vakoya, E na siga koya, kevaka dou sa via rogocia na domona, Dou qai kakua ni vakaukauwatakia na yalomudou, me vaka e na vivacudrui. ¹⁶ Ia ko cei ko ira era a vacudruya ni ra sa rogocia oti? ko ira kece lia era sa qai vata kei Mosese mai Ijipita se yali? ¹⁷ Ia sa cudru vi cei ko koya ka yabaki vasagavulu? vi ira sai valavala ca, ka bale na yagodra e na lekutu se yali? ¹⁸ Ia ko cei sa bubului kinia ko koya me ra kakua ni curu ki na nonai vavacegu, vi ira lia sa yali ni vabautia? ¹⁹ Ia eda sa raicia, ni ra sa yali ni curu rawa kinia, ni ra yali ni vabautia.