¹ O Paula nai apositolo, (e yali ni maivi ira na tamata, se e nai lesilesi vatamata, e nai lesilesi lia i Jisu Karisito, kei na Kalou ko Tamana, o koya ka vaturi koya cake mai na mate;) ² ki ira kece lia na mataviwekani sa tiko vi au, kivi ira na visoqosoqo lewe ni lotu mai Kalatia: ³ Me nomudou na loloma ki na vacegu mai vua na Kalou ko Tamada, ki na noda Turaga ko Jisu Karisito, ⁴ o koya ka soli koya e na vuku ni nodai valavala ca, me vabulai ita kinia mai na vuravura ca koya, me vaka na loma ni Kalou ko Tamada: ⁵ me nona na varokoroko ka yali ni mudu. Emeni. ⁶ Au sa kurabuitakia ni dou sa vuki tani vatotolo vakoya ki na dua tani nai tukutuku-vinaka, mo dou daini koya ka kacivi ikodou e na loloma i Karisito: ⁷ ia ka sa yali dina ni dua tani; ia ka so era sa vararawataki ikodou, ka via vatanitakia nai tukutuku-vinaka ki Karisito. ⁸ Ia kevaka koi kitou, se dua na agilose mai lomalagi, sa vunautakia vi ikodou e dua tani nai tukutuku-vinaka sa yali ni va koya, kitou a vunautakia vi ikodou, me rusa ko koya. ⁹ Me vaka na ka kitou a tukunia eliu, au sa qai tukunia voki vakinia, Kevaka e dua na tamata sa vunautakia vi ikodou e dua tani nai tukutuku-vinaka sa yali ni vaka na ka dou sa vabautia, me rusa kinia ko koya. ¹⁰ Ia, kau sa qai valomavinakataki cei, na tamata, se na Kalou? seu tovolea beka me ra vinakati au ko ira na tamata? kevaka sa ka lia me ra vinakati au ko ira na tamata, au na qai yali ni talatala nei Karisito. ¹¹ Ia kau sa vatakila vei ikodou, na viiwekani, ni sa yali ni ka vatamata nai tukutuku-vinaka kau a vunautakia: ¹² niu a yali ni rawatia mai vua e dua na tamata, seu vatavulici kinia, ia sa yaco vi au ni sa varaitakia ko Jisu Karisito. ¹³ Ni dou a rogocia na noqu i valavala eliu e na nodra lotu na Jiu ka niu a vacacania valevu sara nai soqosoqo lewe ni lotu ni Kalou, ka vaqeavutakia: ¹⁴ ia kau sa uasivi cake e na lotu vaka-Jiu vi ira na kai noqu era lewe levu era taba vata ki au, niu sa gumatua valevu sara tiko e na nodra i tukuni na noqu matua. ¹⁵ Ia ni sa vinaka vua na Kalou, o koya sa lesi au, mai na kete i tinaqu, ka qai kacivi au e na nona loloma lowa lia, ¹⁶ me vatakila na Luvena ki na lomaqu, meu vunautaki koya vi ira na vimatanitu tani; au sa qai yali ni bose ki ira na tamata, ¹⁷ 17seu qai cake ki Jerusalemi vei ira era sai apositolo taumada vi au; ia kau sa qai sara ki Arepea, ka lesu voki ki Tamasiko. ¹⁸ Ni sa oti e tolu na yabaki, au sa qai qai cake ki Jerusalemi me'u la'ki sota kei Kifa, ka keirau a tiko vata ka bogi tinikalima: ¹⁹ Au a yali ni raicia e dua voki vei iratou na i apositolo, o Jemesa lia na tacina na Turaga. ²⁰ Ia na ka kau sa qai volai vei ikodou, raicia e na mata ni Kalou, au sa yali ni lasu. ²¹ Au sa qai qai ki na viyasana mai Siria kei Silisia; ²² A ra sa yali tiko ni kila na mataqu ko ira na vei soqosoqo mai Jutia era sa tu vata kei Karisito. ²³ Era sa rogocia lia, o koya ka vacacani ita e liu, sa qai vunautakia na vabautia ka vaqeavutakia e liu. ²⁴ Ara sa varokorokotakia na Kalou e na vukuqu.