¹ Koi au ko Paula, nai apositolo i Jisu Karisito ena lewa ni Kalou, kei Timoci na wekaqu, kivei ira nai soqosoqo lewe ni lotu ni Kalou mai Korinica, kei ira kece sara lia era sa lotu mai Akaia taucoko: ² Me nomudou na loloma kei na vacegu mai vua na Kalou ko Tamada, kei na Turaga ko Jisu Karisito. ³ Me vavinavinakatakia na Kalou, ko koya na Tama ni noda Turaga ko Jisu Karisito, a Tama ni loloma, kei na Kalou ni vivacegui kece sara lia, ⁴ ko koya sa vacegui kitou ena nitou rarawa kece sara lia, me kitou vacegui ira rawa era sa rarawa ena dua na ka, ena vivacegui kitou sa vacegui kinia mai vua na Kalou. ⁵ Ia me vaka sa yaco valevu sara vi kitou na rarawa ena vuku i Karisito, sa vacegui kitou valevu sara vakinia na Karisito. ⁶ Ia kevaka kitou sa vararawataki, sa ka mo dou vacegui kinia ka vabulai, ka sa yaco koya ni dou sa vosotia voki lia na veika rarawa kitou sa vararawataki kinia; se kitou vacegui, sa ka mo dou vacegui kinia ka vabulai. ⁷ Ia sa tu dei na nitou nuitaki ikodou, ni kitou sa kila, dou sa votai ena vivararawataki, dou na votai voki lia ena vivacegui. ⁸ Ni kitou sa yali ni vinakatia, na viwekani, mo dou lecavia na nitou rarawa sa yaco vi kitou mai Esia, ni kitou sa bitaki valevu sara, sa dredre kinia na vosotia, ka kitou sa yali ni dinatia ni kitou na bula: ⁹ ia kitou sa vaka ni kitou sa lewai me kitou mate, me kitou kakua ni vararavi kinia vi kitou, vua lia na Kalou ko koya sa vaturi ira cake voki na mate: ¹⁰ ko koya ka vabulai kitou mai na mate levu ko ya, ka na vabula tiko lia: ko koya voki lia kitou sa vararavi kinia ni na vabula tiko lia; ¹¹ ni dou vivuke voki lia ena masulaki kitou, me lewe levu kinia era vavinavinaka ena vuku i kitou, ena vuku ni ka sa soli vi kitou ena vukudra na lewe levu. ¹² Ia koya na ka kitou sa reki kinia, nai tukutuku ni nitou lewa e loma, ni sa ia na nitou i valavala e vuravura koya ena loma e dua loa lia, kei na loma dina vua na Kalou, ka valevu sara vi ikodou, sa yali ena vuku vavuravura, ena loma lia ni Kalou. ¹³ Ni sa yali na ka tani kitou sa vola vi ikodou, koya lia dou sa wilikia se kila; ia kau sa vadinatia dou na kila ka yacovia nai vataotioti, ¹⁴ me vaka na nomudou kilai kitou lia ena ka eso; ni kitou sa nomudou mo dou reki kinia, me vaka dou sa nitou ka ni reki voki lia, ena siga ni Turaga ko Jisu. ¹⁵ Ia ka'u a vadinatia koya ka'u a nanumia me'u qai eliu vi ikodou, me yaco kinia varua vi ikodou nai solisoli loloma; ¹⁶ ka me'u qai daini ikodou ka qai ki Masitonia ka lesu voki mai Masitonia vi ikodou, mo dou yadi au ena noqu qai vaka ki Jutia. ¹⁷ Ia ni ka'u a nanumia me vakoya, au sa qai lomalomarua kinia, se yali? se na ka ka'u sa nakitia, au sa nakitia vavuravura beka, me tu kinia vi au na io na io, kei na yali na yali? ¹⁸ Ia me vaka na nona dina na Kalou, sa vakinia sa yali ni io ka yali ni yali na nitou vosa vi ikodou. ¹⁹ Ni sa yali ni io ka yali ni yali na nitou vosa vi ikodou. Ni sa yali ni io ka yali ni yali na nitou vunautakia vi ikodou na Luve ni Kalou, ko Jisu Karisito, koi kitou ki Silivenuse ki Timoci, a sa caka lia ko koya me io: ²⁰ ni sa io na vosa ni yalayala kece lia ni Kalou ena vukuna, era sa vaemeni voki lia ena vukuna, me vacaucautaki na Kalou ena vuku i kitou. ²¹ Ia sai koya na Kalou sa vataudeitaki kitou kei ikodou me da tu vata kei Karisito, a sa lumuti ita; ²² ko koya voki lia sa dregati ita, a sa solia ki na lomada na Yalo Tabu me kenai sevu. ²³ Ia ka'u sa kacivia na Kalou me lewa na yaloqu kevaka ka'u yali ni dina, ni sa noqu lomani ikodou lia kau sa vaberaberatakia kinia na noqu qai ki Korinica. ²⁴ Sa yali ni kitou sa vitaliatakia na nomudou vabautia, kitou sa vivuke lia ena nomudou reki ni dou sa tu dei lia ena vabautia.