¹ O koya oqo kau sa varotia kinia, me ia mada eliu na masumasu, na kerekere, na vimasulaki, na vavinavinaka, ena vukudra na tamata kece lia: ² ena vukudra na tui, kei ira kece lia era turaga; me da tiko vinaka kinia ka vacegu, me da caka nai valavala kece sara lia sa valotu ka kilikili: ³ Sa dodonu koya, ka vinaka voki lia ena mata ni Kalou na nodai Vabula; ⁴ o koya sa vinakatia me bula na tamata kece lia, ka mai kila sara lia nai vavuvuli dina. ⁵ Ni sa dua bau lia na Kalou, ka dua bau lia na dauvisorovaki, ena maliwa ni Kalou kei ira na tamata, io, na tamata ko Jisu Karisito; ⁶ o koya sa soli koya me kedrai voli na tamata kece lia, a ka me tukunia ena kena gauna. ⁷ Koya kau a lesi kinia meu dauvunautakia meu kenai apositolo voki lia, (au sa vosa dina, au sa yali ni lasu;) meu nodra i vavuvuli voki lia na vimatanitu ena vabautia kei nai vavuvuli dina. ⁸ O koya koya kau sa vinakatia kinia me masu ko ira na tagane ena yasana kece lia, ni ra sa dodokia cake na liga savasava, ka me yali na cudru kei na viba. ⁹ Me vaisulu vaka voki lia kinia ko ira na yalewa e nai sulu e kilikili, ni ra sa lokomi ka yalomatua: me kakua ni tali na drau ni uludra, me kakua ni vakoula, se vamata-ni-civa, se vaisulu vinaka: ¹⁰ ia (me vaka lia sa kilikili kinia kei ira na yalewa era tukunia era sa lotu) enai valavala vinaka. ¹¹ Me tiko lo na yalewa ka me vatavulici, ka vamalumalumutaki koya valevu. ¹² Ia kau sa yali ni laiva na yalewa mei vavuvuli, se viavialewa vei koya na tagane, ka me tiko lo lia. ¹³ Ni sa buli taumada ko Atama, ka muri ko Ivi. ¹⁴ A sa yali ni temaki ko Atama; na yalewa lia sa temaki, ka sa talaidredre kinia. ¹⁵ Ia ena vabulai ni sa vasucu gone, kevaka era sa tu dei ena vabautia, kei na loloma, kei na yalosavasava, kei na yalomatua.