¹ Enai vatekivu sa bula ko koya na Vosa, rau sa tiko voki lia kei na Kalou ko koya na Vosa, a sa Kalou voki lia o koya na Vosa. ² Enai vatekivu e sa tiko voki lia o koya koya kei na Kalou. ³ Sa caka na ka kece lia ko koya; a sa yali ni dua na ka sa caka, me yali ni caka ko koya. ⁴ Sa tu voki lia vi koya na bula; ia na rarama ni tamata na bula. ⁵ A sa cilavia na butobuto na rarama; ia na butobuto sa yali ni raicia. ⁶ Sa dua na tamata sa yadia mai vua na Kalou, a yacana ko Joni. ⁷ O koya koya sa qai mai me dautukutuku; me tukunia na Rarama, me ra vabautia na tamata kece lia e na vukuna. ⁸ Sa yali ni Rarama koya ko koya, ia sa nonai tavi lia me tukunia lia na Rarama. ⁹ Sai koya lia koya na Rarama dina, sa qai mai ki vuravura ka sa varaitaki vi ira na tamata kece lia. ¹⁰ Sa tiko e vuravura ko koya, a sai koya ka caka kinia na vuravura, ia ka yali ni kilai koya na kai vuravura. ¹¹ Sa qai voki lia mai vi ira na kai nona, ka yali ni vabauti koya ko ira na kai nona. ¹² Ia ko ira voki lia sa vabauti koya, sa solia voki lia vi ira ko koya me ra yaco me ra luve ni Kalou, vi ira era vabautia na yacana: ¹³ era sa vasucumia, e yali ena vukudra na qase, se na sucu vayago se na vitalia ni tamata, mai vua lia na Kalou. ¹⁴ A sa yaco voki lia me tamata o koya na vosa, ka tiko voki lia ki ita, (ia kitou sa raicia voki lia na nona i ukuuku, sa va voki lia nai ukuuku ni Le dua loa lia sa vatuburia mai vi Tamana) Sa sinai voki lia ena loloma ki na dina. ¹⁵ Sa tukunia ko Joni ka kacivakia, ka cavutia, Sai koya koya ka'u a vosatakia, O koya sa muri au sa uasivi cake vi ki rau: ni sa liu vi kirau ko koya. ¹⁶ Ia eda sa rawatia kece lia, mai na ka sa sinai tu vua, a loloma sa vaikuritakia. ¹⁷ Ia ko Mosese sa solia kinia na vanua; ko Jisu Karisito sa yaco kinia na loloma kei na dina. ¹⁸ E yali ni dua na tamata e raicia na Kalou ena dua na gauna; na Luvena lia e dua loa lia, sa vatuburia o koya sa tiko e lomasere i Tamana, sa tukuni koya. ¹⁹ Ia sai koya koya nai tukutuku i Joni ni sa vayadia eso na bete ka so na luvei Livai ko ira na kai Jutia mai Jerusalemi me ra tarogi koya, "Ko cei beka o iko?" ²⁰ A sa cavutia ko koya, ka yali ni cakitakia; ka yadia lia, "Au sa yali ni Karisito koi au." ²¹ A ra sa tarogi koya, "Ko cei voki? ko Ilaija beka? " A sa cavutia o koya, "E yali ko iko beka na parofita koya?" A sa cavutia o koya, "E yali." ²² Era sa tarogia vua, "Ko cei beka o iko, me kitou tukunia vi ira sa talai kitou?" "Ko sa tukuni iko me ko cei?" ²³ Sa cavutia o koya, "Koi au na domo ni dua sa kacikaci e loma ni vi co, Vadodonutakia na sala i Jiova me vaka sa tukunia ko Aisea na parofita." ²⁴ Ia ko ira sa vayadi, ena sa vayadi mai vi ira na Farisi. ²⁵ A ra sa tarogia vua, ka tukunia vua, ko sa qai vipapitaisotakia ena vuku ni cava, ni ko sa yali ni Karisito, se ko Ilaija, se parofita koya? ²⁶ Sa saumia vi ira ko Joni, ka tukunia, Au sa vipapitaisotaki ena wai: ia ka sa tu ena ikodou maliwa e dua loa sa yali ni kila; ²⁷ sai koya koya sa muri au ka sa uasivi cake vi au, ia na wa ni nonai vava mada lia au yali rawa ni serekia. ²⁸ Sa caka na veika koya mai Pecani ena tai kadua ki Joritani, a tikinia sa vipapitaisotaki kinia ko Joni. ²⁹ Ena savulaci sa raici Jisu ko Joni ni sa qai tiko mai vua, a sa tukunia, "Raicia na Lami ni Kalou, ko koya sa yadia tani na nodrai valavala ca na kai vuravura! ³⁰ Sai koya koya ka'u a tukunia, 'Sa muri au e dua na tamata, sa uasivi cake vi au; ni sa liu vi kirau.' ³¹ Ia ka'u a sa yali ni kila koya; ia me ra kilai koya voki lia na Isireli, o koya koya kau sa qai mai kinia ka vivakapapitaisotaki ena wai. ³² A sa cavutia ko Joni ka tukunia, "Au a raicia na Yalo Tabu ni sa qai sobu mai lomalagi me vaka sara lia na ruve toka vua: ³³ ia kau sa yali ni kilai koya e liu: ia ko koya sa talai au mai meu vipapitaisotaki ena wai, sa tukunia vei au, 'O koya ko na raicia ni sa qai sobu ki na na Yalo Tabu, a sa mai toka vua, sai koya koya sa mai vipapitaisotaki ena Yalo Tabu.' ³⁴ Ia kau a raicia, ka tukunia, ni sai koya koya na Luve ni Kalou." ³⁵ Ena savulaci sa tu voki ko Joni, ka lewe rua nona tisaipeli; ³⁶ a sa varaici Jisu ni sa qai a sa tukunia, "Raicia na Lami ni Kalou" ³⁷ A sa rogocia na nona vosa koi rau na tisaipeli, ka rau sa muri Jisu. ³⁸ Sa qai vuki ko Jisu ka raici rau voki lia ni rau muri tu mai ka tukunia vi ira, "A cava drau sa vaqara?" E rau sa qai tukunia vua, "Rapai ( a kenai balebale, vavuvuli) ko sa tiko mai vi? ³⁹ Sa tukunia vi rau ko koya, "Qai mai ka raicia" E rau sa qai ka raicia na yasana sa tiko kinia ko koya, ka ratou sa tiko vata kaya ena siga koya; a sa voleka nai katini ni aua. ⁴⁰ Sa dua vi rau sa rogoci Joni, ka muri Koya, ki Adriu na taci Saimoni Pita. ⁴¹ Sa kunea eliu na tuakana ko Saimoni ka tukunia vua, Kitou sa raicia na Mesaia; (a kenai balebale, na Karisito). ⁴² A sa yadi koya vi Jisu. Ia sa varaici koya ko Jisu, ka tukunia, "O iko ko Saimoni na luvei Jona: ko na vatokai ko Kifa (a kenai balebale ko Pita.) ⁴³ Ena savulaci sa via qai ki Kalili ko Jisu, a sa raici Filipi ka tukunia vua, "Muri Au." ⁴⁴ A kai Pecisaita ko Filipi, a nodrau koro ko Adriu ki Pita. ⁴⁵ Sa kunei Nacanieli ko Filipi, ka tukunia vua "Kitou sa raici koya sa volavola kinia ko Mosese ena vanua, kei ira voki lia na parofita, ko Jisu na kai Nasareci, a luvei Josefa." ⁴⁶ A sa tukunia vua ko Nacanieli, "E tubu rawa beka mai Nasareci e dua na ka vinaka? Sa tukunia vua ko Filipi, "Qai mai mo raicia" ⁴⁷ Sa raici Nacanieli ko Jisu ni sa qai tiko mai vua, a sa tukunia ni sa tukuni koya, "Raicia e dua na luvei i Isireli dina, sa yali vi koya na dauvivakaisini!" Sa tukunia vua ko Nacanieli, "O ni sa kilai au mai vi?" ⁴⁸ Sa tukunia ko Jisu, ka tukunia vua, "Ni sa bera ni kacivi iko ko Filipi, ni ko a tiko a ruku ni lolo au a raici iko. ⁴⁹ Sa tukunia ko Nacanieli, ka tukunia vua, "Vavuvuli, ko ikonu na Luve ni Kalou, ko ikonu na nodra tui na Isireli." ⁵⁰ Sa vosa ko Jisu ka tukunia vua, "Ni'u sa tukunia vi iko, Au sa raici iko e ruku ni lolo, ko sa vabautia ne? ko na raicia na veika uasivi koya." ⁵¹ A sa tukunia ko koya, "E dina, e dina au sa tukunia vi ikodou, Ena gauna mai muri dou na raicia na lomalagi ni sa tawase, ki ira na agilose ni Kalou ni ra sa qai cake ka qai sobu vua na Luve ni tamata."