¹ Ia sa kena levu ni veika sa vosatakia oti: Sa vakoya na noda bete levu, sa tiko ena liga i matau ni tikotiko i Koya sa levu mai lomalagi; ² ai talatala ena tikinia tabu, ki na vale tabu dina, sa yali ni tara na tamata, sa tara lia na Turaga. ³ Ni ra sa lesi kece lia na bete levu me vacabora nai madrali ki nai soro: o koya koya sa dodonu voki lia kinia vi koya na bete levu koya me dua na ka me vacaboria. ⁴ Ia kevaka sa tiko lia e vuravura ko koya, ena yali ni bete, ni ra tiko na bete era vacaboria nai madrali me vaka na vunau: ⁵ o ira sa caka nai vatakarakara ki na yaloyalo ni veika valomalagi, me vaka sa vatakila vi Mosese na Kalou ni sa voleka ni tara na vale tabu: ka tukunia, Raicia, mo caka na ka kece lia me tautauvata ki na kenai vatakarakara ka vatakilai vi iko ena ulu-ni-vanua. ⁶ Sa qai nona na cakacaka vabete e uasivi cake, me vaka sa dautataro voki lia ko koya ena dua na viyalayalati e uasivi cake, o koya sa vataudeitakia ena vosa ni yalayala e uasivi cake. ⁷ Kevaka sa vinaka koya sa taumada, e yali voki ni vaqarai e dua tani. ⁸ Ia ni sa yali ni vinakatia, sa tukunia ko koya, Sa vosa ko Jiova, ena yaco na siga, Ka'u na caka kinia na viyalayalati vou vi ira na mataqali ni Isireli ki na mataqali ni Juta: ⁹ Ena yali ni vaka na viyalayalati ka'u a caka vi ira na nodra qase Ena siga ka'u a tauria kinia na ligadra me tuberi ira mai na vanua ko Ijipita; Ni ra sa yali ni tu dei ena noqu viyalayalati, A sa tukunia kinia ko Jiova, ka'u a yali ni maroroi ira. ¹⁰ A sa tukunia ko Jiova, Sa vakoya na viyalayalati ka'u na caka vi ira na mataqali ni Isireli ni sa oti na gauna ko ya; Au na tugania na noqu vunau ki na lomadra, Ka vola ena yalodra: Ia ka'u na yaco me nodra Kalou, Ia era na yaco me noqu tamata: ¹¹ era na yali ni vavulici ira yadua me nona lewe-ni-koro vata ki na wekana, ka tukunia, Mo kila na Turaga: Ni ra na kilai au kece lia, ko ira sa tamata lalai ki ira voki lia sa turaga. ¹² Ni'u na yalovinaka vi ira sa yali ni dodonu, Ia ka'u na yali ni nanumia voki na nodra i valavala ca ki na nodra talaidredre. ¹³ Ni sa cavutia ko koya e dua sa vou, sa vamadratakia koya ka taumada. Ia na ka sa qai madra mai ka makawa sa voleka ni takali sara.