3 ¹ Ia erau a qai vata ko Pita kei Joni ki na vale ni soro e na aua sa dauia kinia na masumasu, ai kaciwa ni aua. ² A sa dua na tamata sa lokiloki mai na kete i tinana sa colati voli, o koya era sa vakadavora lia e na veisiga ena mata ni katuba ni vale ni soro, sa vakatokai ko Lagilagi, me kere ka-ni-loloma vei ira sa curu ki na vale ni soro; ³ ni sa raici rau lia ko Pita kei Joni ni rau sa voleka ni curu kina vale-ni-soro, a sa kerekere me dua na ka-ni-loloma. ⁴ A rau sa vakaraica matua ko Pita kei Joni, ka tukunia, 'Raici keirau mai.' ⁵ A sa vakasami rau ko koya, ni sa nanumia ena rawatia maivei rau e dua lia na ka. ⁶ Sa qai tukunia ko Pita, 'A siliva kei na koula e yali ni tu vei au, ia na ka lia sa tu vei au kau na solia vei iko: Ena yaca i Jisu Karisito na kai Nasareci mo tucake lia ka qai. ⁷ Sa qai tauria na ligana i matau, a sa tubera cake: sa qai vakaukauwataki sara lia na yavana kei na nona qurulasawa. ⁸ Sa qai rika i colo o koya ka wavu tu, ka qai voli, a sa curu vata kei rau ki na vale ni soro, a sa qai, ka rika, ka vakarokorokotakia na Kalou. ⁹ A sa raici koya ko ira na tamata kece lia, sa qai voli ka vakarokorokotakia na Kalou: ¹⁰ a ra sa kila ni sai koya ka dautiko e na mata ni katuba ko Lagilagi, mai na vale ni soro, me kere ka-ni-loloma: a ra sa rere ka kurabui sara lia ena vuku ni ka sa qai yaco vua. ¹¹ Ia ni rau sa tubera na lokiloki sa qai vakabulai koya ko Pita kei Joni, a ra sa cici vata kece lia na tamata kivei iratou ki na varada sa vakatokai Na nei Solomoni, a ra sa kurabui vakalevu. ¹² Ia ni sa raicia ko Pita, sa tukunia vei ira na tamata, "Oi kodou na tamata na Isireli, dou sa kurabui ena ka koya ena vuku ni cava? se cava dou sa vakaraici keirau matua kinia, me vaka sa neirau kaukauwa se yalododonu, keirau sa kitaki koya kinia me qai rawa? ¹³ A Kalou i Eparaama, kei Aisake, kei Jekope, a nodra Kalou na noda qase, sa vakarokorokotakia na Luvena ko Jisu: o koya dou a solia yani, ka cakitakia ena matai Pailato, ni sa lewa lia o koya me serekia. ¹⁴ Ia dou a cakitaki koya lia na Yalosavasava ka Dodonu, ka masuta me soli vei kodou e dua lia na daulaba: ¹⁵ ka dou a vakamatea na Vu-ni-bula, o koya a vakatura cake voki mai na mate na Kalou; ka keitou sai vakadinadina ena ka koya. ¹⁶ Ia na yacana, ena vuku ni sa vakabauti na yacana, sa vakaukauwataki kinia o koya koya, o koya dou sa raicia ka kila: io, ni sa vakabauti koya, sa soli lia vua na bula vinaka sara koya e na matamudou vakaaduaga. ¹⁷ Ia vei kodou na veiwekani, au kila ni kodou a yali ni kila na ka dou caka, me vaka voki lia vei ira na nomudou Turaga. ¹⁸ Ia ena veika sa tukunia e liu na Kalou ena gusudra kece lia na parofita, ni na mate lia na nona Karisito, sa qai vakayacora vaka kinia o koya. ¹⁹ O koya mo dou qai veivutuni ka saumaki lia mai, me bokoci kinia na nomudoui valavala ca, me yaco kinia na gauna ni vakacegu mai na mata ni Turaga: ²⁰ ka talai Karisito o koya, io ko Jisu ka vunautaki e liu vei kodou. ²¹ o koya e dodonu me tiko mada lia mai lomalagi, me yaco mada lia na gauna ena caka voki vinaka kinia na ka kece lia, ka vosa kinia na Kalou e na gusudra kece na nona parofita yalosavasava, e na gauna makawa. ²² Ni sa dina sa kaya ko Mosese, 'Ena vakatubura cake vei kodou ko Jiova na nomudou Kalou, mai vei ira lia na wekamudou e dua na parofita me vakataki au; o koya dou na rogocia e na ka vakaadua lia ena vosatakia vei kodou: ²³ ia ena yaco, a tamata yadua sa na yali ni rogocia na parofita koya ena vakarusai tani lia vei ira na tamata.' ²⁴ Ia ko ira voki na parofita kece lia, sa kenai vakatekivu ko Samuela kei ira voki lia sa tarava, ko ira kece lia era sa vosa, era sa tukunia eliu na gauna koya. ²⁵ Oi kodou sa luvedra na parofita, kei na vosa lia ni veiyalayalati sa caka na Kalou ve ira na noda qase, ni sa tukunia vei Eparaama, 'Ena Kalougata na veimataqali kece lia e vuravura e na vuku ni nomu kawa.' ²⁶ Sa tala na Luvena ko Jisu na Kalou, ka liu vei kodou, ni sa vakatura cake, me vakalougatataki kodou, ni sa saumaki kodou ya dua mai na nomudoui valavala ca.