¹ Me'u tinia iko dou na veiwekani, dou masulaki kitou, me cici yani na Vosa ni Turaga ka me dokai tiko, me vaka vei iko dou, ² ka me kitou vabulai voki lia mai vei ira na tamata ena yalo vatani ka ca; ni sa yali vei ira kece lia na vakabauta. ³ Ia sa lomadina na Turaga, o koya ena vakataudeitakia vei iko dou ka maroroi iko dou mai na ca. ⁴ Ia kitou sa vadinatia na Turaga ena vukumunu, ni dou sa qai caka ka dou na caka voki lia i muri na veika kitou sa varotia vei iko dou. ⁵ Ia me tuberia mada na yalomudou na Turaga ki na loloma ni Kalou, kei na dauvosotia me vataki Karisito. ⁶ Ia kitou sa varotia vei iko dou na veiwekani, ena yaca ni noda Turaga ko Jisu Karisito, mo dou kakua ni tiko vata kaya e dua vei ira na veiwekani sa dau ia nai valavala vatani; ka yali ni vaka nai vavuvuli era sa rogocia vei kitou. ⁷ Ni dou sa kila sa kilikili vei iko dou mo dou vadamurimuri kitou ni kitou a yali ni valavala vatani ena ikodou maliwa; ⁸ ka kitou a yali ni kana loa lia vua e dua na tamata, ia kitou a oga ka oca ena bogi kei na siga, me kitou kakua ni vabibitakia e dua vei iko dou. ⁹ E yali ni dodonu vei kitou, ia me kitou sa nomudou i varau lia, mo dou vadamurimuri kitou. ¹⁰ Ia, ni kitou a tiko vei iko dou, sa nitou i varo koya vei iko dou; me kakua ni kana ko koya sa yali ni cakacaka. ¹¹ Ni kitou a rogocia ni sa so vei iko dou era ia tiko nai valavala vatani, era sa yali sara ni cakacaka a ra sa makutu. ¹² Ia ko ira era sa vaka tiko koya kitou sa varotia ka vamasutia ena vuku ni noda Turaga ko Jisu Karisito, me ra tiko vamalua, ka daucakacaka, ka kania lia na kedra. ¹³ Ia ko iko dou na veiwekani, dou kakua ni cegu oca ena cakacaka vinaka. ¹⁴ Ia kevaka e dua sa yali ni talairawarawa kinia nitou vosa enai vola koya, dou vatakilakilatakia na tamata gona, ka kakua ni tiko vata kaya, me madua kinia ko koya. ¹⁵ Ia dou kakua lia ni nanumia koya me meca, ia mo dou vatavulicia me vaka sa wekamudou. ¹⁶ Ia na Turaga ni veivacegui me solia tiko vei iko dou na vacegu ena ka kece lia, me tiko vata kei iko dou kece lia na Turaga. ¹⁷ Au sa loloma yani, koi au ko Paula kau sa vola ke ena ligaqu dina. O ko ya ke nai vatakilakilatakia enai vola kece lia au sa vola vakinia. ¹⁸ Me nomudou kece na loloma ni noda Turaga ko Jisu Karisito. Emeni.