¹ Ia me vaka na nona qai mai na noda Kalou o Jisu Karisito, kei na noda soqoni vata kei koya, keitou sa kerea vei kemunu na taciqu, ² mo dou kakua ni yavalati ena vakanananu, se mai na yalo se mai na dua na vosa sa cavuti, se dua nai vola tukuni ni sa mai vei keitou, me vaka sa voleka dina mai na siga i Karisito. ³ Me kakua sara ni dua vakaisini iko ena dua na gaunisala. Ni na yali qai mai na siga gona, vakavo me vakaraitaki mai liu na tamata valavala ca, ka na vakavotui na tamata yali dau muria na lawa, kei na luvei ni dauveivakarusai. ⁴ O koya sa dau voratia, a sa vakalevulevui koya me uasivi ena ka kece lia sa vakatokai me Kalou, se dauqaravi, sa tiko kinia ko koya ena vale n Kalou; a sa vakaraitaki koya me Kalou. ⁵ Dou sa yali beka ni nanumia; ni'u ma tukunia vei iko dou na veika ke, niu na tiko vata kei iko dou. ⁶ Ia dou sa qai kila na ka sa tarovia, me vakaraitakia mai kinia ko koya ena kena gauna. ⁷ NI sa cakacaka vakavuni ni kua na ca, ia sa dua e tarovia tiko lia, ka warakia me yadi tani ko koya. ⁸ Ena qai vakaraitakia na vuni ca ko koya, o koya ena vakarusa na Turaga enai cegu ni gusuna, ka vakaotia ena nona rairai mai. ⁹ Sa vaka na cakacaka i Setani na nona qai mai, ia ena kaukauwalevu vata na veivakatakilakila kei na veika vakailasu e veivakurabuitaki, ¹⁰ kei na ka e yali ni dodonu sa veivakacalai vei ira era sa rusa; ni ra sa bese ni lomania na dina, me ra bula kinia. ¹¹ Ena vuku ni ka ke, sa tala tiko na veivakacalai mana vei ira na Kalou, me ra vakadinatia kinia na ka e yali ni dodonu. ¹² Me cudruvi kinia ko ira kece lia era sa yali ni vakabautia na ka dina, a ra sa vinakatia lia na ka e yali ni dodonu. ¹³ Ia sa kilikili kei keitou me keitou ia tiko lia na vakavinavinaka vua na Kalou, ena vukumunu, na veiwekani, o ¹⁵ iko dou sa lomania na Turaga, ni sa digitaki iko dou na Kalou mai nai vakatekivu monu bula ni dou sa vakasavasavataki ena Yalo Tabu ka dou sa vakabautia na ka dina. A sa kacivi iko dou kinia ko koya ena neitou tukutuku vinaka, monu rawa kinia na kena kalougata ni noda Turaga ko Jisu Karisito. ¹⁴ O koya monu tudei na veiwekani, ka tauria tiko nai tukutuku dou sa vakavulici kinia mai vei keitou, ena vosa se ena vola. ¹⁶ Ia noda Turaga ko JIsu Karisito, kei na Kalou ko Tamada, o koya sa lomani keda ka solia vei ita ena loloma na vakacegu sa yali ni mudu kei nai nuinui vinaka. ¹⁷ Me vakaceguya mada na yalomunu ka vakataudeitaki iko dou ena vosa kei na cakacaka vinaka kece lia.