¹ Oi keitou ko Paula kei Silivenuse, kei Timoci, ki nai soqosoqo lewe ni lotu mai Cesalonaika era sa tu vua na Kalou ko Tamada kei na Turaga ko Jisu Karisito. ² Me nomunu na loloma, kei na vakacegu, mai vua na Kalou ko Tamada kei na Turaga ko Jisu Karisito. ³ Sa kilikili kei itatou me ia tiko lia na vakavinavinaka vua na Kalou ena vukumunu na veiwekani, ni sa dodonu lia oqori, ni sa tubu vakalevu sara na nomunu vakabuata, a sa uasivi cake na nomunu veilomani vakataki iko dou yadua; ⁴ ia keitou sa vakacaucautaki iko dou vei ira na veisoqosoqo lewe ni lotu ni Kalou, ena vuku ni nomunu lomadei kei na nomunu vakabauta ena nomunu vakacacani kece lia, kei na vakararawataki dou sa vosotia. ⁵ Ke nai vakatakilakila ni lewe dodonu ni Kalou, monu vakabau kinia monu yaga me rawati na matani tu ni Kalou, o koya dou sa vakararawataki voki lia kinia. ⁶ Ni sa dodonu vua na Kalou me saumi ira vakarawarawa era sa vakararawataki iko dou, ⁷ ia vei iko dou voki lia sa vakararawataki, me vakacegui vata kei keitou, ni na vakaraitaki mai lomalagi na Turaga ko Jisu kei ira vata kaya na nona agilosi kaukauwa, ⁸ e na yameyame ni bukawaqa, me cudruvi ira era sa yali ni kila na Kalou, a sa yali ni vakabautia nai tukutuku vinaka ni noda Turaga ko Jisu Karisito. ⁹ Ena tau vei ira na totogi ni veivakarusai tawamudu, ka yawa voki lia mai na serau ni Kalou kei na lagilagi ni nona kaukauwa, ¹⁰ ni na qai mai ena siga koya me vakarokorokotakia ko ira na nona tamata yalo savasava, ka me dokai koya ko ira kece lia era sa vakadinatia ena siga gona, baletia na neitou tukuni yalo vei kemunu sa vakabauti. ¹¹ Ena vakataotioti keitou sa dau masulaki kemunu, me vakabauti iko dou na neitou Kalou mo dou yaga me rawati na ka dou sa kacivi kinia, ka me vakayacoria sara ena kaukauwa ni gagadre vinaka kece lia kei na cakacaka ni vakabauta, ¹² me rawa ni vakarokorokotaki na yaca ni Kalou Jisu vei iko, ka vaka voki lia iko vei koya, me vaka na loloma ni noda Kalou kei na Turaga ko JIsu Karisito.