¹ Oi kirau o Paula vata ki Timoci, na talatala i Jisu Karisito, vi ira keceliga mai Filipai, ra sa tu vata ki Karisito Jisu, vata ki ira nai talatala matua vata ki ira na tuirara. ² Me nomudou na loloma vata na vacegu mai vua Kalou o Tamada vata na Turaga o Jisu Karisito. ³ Au sa vavinavinaka vua na noqu Kalou ina vigauna keceliga au vananumi ikodou kinia, ⁴ ina visiga keceliga, ina noqu masu keceliga, au sa dau masulaki ikodou ina marau, ⁵ ni dou sa lomavata tu ina tukutuku-vinaka mai nai vatekivu me yacovia mai na gauna ke. ⁶ Ia na ka ke au sa vadjinajia sara, o koya sa vatekivutakia na cakacaka vinaka i na lomamudou, ena caka jiko me yaco mada na siga na qai voki mai kinia o Jisu Karisito. ⁷ Sa dodonu meu nanumi ikodou keceliga vake, ni dou sa jiko i na lomaqu; ni dou sa rawa vata ki au na loloma oi ikodou keceliga, niu sa vesu tu, ka totakia ka vadjinadjinatakia nai tukutuku-vinaka. ⁸ Ni sa kila na Kalou, niu sa lomani ikodou keceliga valevu sara i na yalololoma i Jisu Karisito. ⁹ Ia na ke au sa kerea me tubu cake valevu sara na nomudou loloma ina vuku vata na lewa vinaka keceliga ¹⁰ mo dou vinakatakia kinia na vika sa vinaka sara, mo dou yalodjina ka reva ni cala me yaco mada na siga i Karisito; ¹¹ ni dou sa sinai i na vua ni yalododonu, sa tubu ina vuku i Jisu Karisito, me varokorokotaki ka vavinavinakataki na Kalou. ¹² Au sa vinakatakia, mo dou kila na viwekani, na vika ma yaco vi au, sa vukea valevu sara na kena vatetei na kosipeli. ¹³ Sa varaitaki kinia na noqu vesu i na vuku i Karisito vi ira keceliga na sojia i na vale n i tui, vi ira kece vokiliga na kena vo. ¹⁴ a ra a le levu na viwekani ra sa tu vata ki na Turaga, ra sa guamtua mai niu sa vesuki tu, ra sa dodou cake kinia me ra tukunia na Vosa ni Kalou ka reva ni rava. ¹⁵ E djina liga ni so vi ira sa vunautaki Karisito balejia ni ra sa dauvuvu ka dauvileji, eso vokiliga ni ra sa loma vinaka. ¹⁶ Sa vunautaki Karisito o ira eso ni ra sa dauvileji ka reva i na lomadjina, ra nakijia liga me ra vaikuritakia na noqu vesu i na ka rarawa eso. ¹⁷ Eso voki i na lolomam, ni ra sa kila au sa lesi meu totakia nai tukutuku-vinaka. ¹⁸ Ia ka vacava? Au sa marau liga ni sa vunautaki kinia na Karisito, vitalia liga se caka ina yalodjina se ina yalo ni vivakaisini. Io, au sa marau jikoliga, ¹⁹ niu sa kila ni na yaco na ka ke meu bula kinia, ina vuku ni nomudou masu vata nai solisoli ni Yalo i Jisu Karisito. ²⁰ Me va na ka au sa dau warakia ka vavanuinuitakia meu kua ni madua i na dua na ka, meu doudou sara liga, me va iliu, me vakinia ni kua me valevulevui na Karisito i na vuku ni yaqogu, se sa bula se sa mate. ²¹ Ni sai Karisito au sa bula jiko kinia, ia sa ka vinaka keu sa mate. ²² Ia ke sa vavuana jiko na noqu cakcaka niu sa bula vayago ke, au sa qai reva ni kila na ka meu djigitakia. ²³ Niu sa lomalomarua i na ka e rua niu sa vinakatakia meu qai yani, ka jiko vata ki Karisito; o koya sa daumaka cake sara. ²⁴ ia sa yaga cake vi ikodou meu jiko liga vayago. ²⁵ Niu sa vadjinajia ke, au sa kila niu na jiko liga, io, ka jiko vata ki ikodou keceliga, mo dou tubu cake kinia i na marau ni vabaujia; ²⁶ me levu cake na nomudou cibitakia ina vukuqu na nomudou bula ni viwekani vata ki Karisito Jisu ina gauna sa na qai voki mai kinia. ²⁷ O koya ke sa bibi kinia me vidonui na nomudou i tovo ni bula vata na vika sa vinakatakia na tukutuku-vinaka i Karisito, me na rawa kinia vi au, ke'u mani qai yani se reva, me'u rogocia ni dou sa tu dei i na yalovata ka gumatua sara i na lomavata me tubu kinia na vabauji ni tukutuku-vinaka. ²⁸ Me kua ni varavai ikodou o ira na nomudou meca i na dua na ka, koya gona nai vatakilakila vi ira ra sa rusa, ia vi ikodou ni dou na bula ia ke mai vua na Kalou. ²⁹ Ni sa soli vi ikodou i na vuku i Karisito, e reva liga ni dou vabauji koya, mo dou vosojia vokiliga na vika rarawa ina vukuna. ³⁰ Sa qai rawa kinia ke mo dou vaitavi vata ki au ina i valu, sai koya liga ke nai valu vata liga dou raicia ni'u sa vala jiko kinia mai liu, au se caka jikoliga ke ni kua, me va na vika dou sa raicia.