¹ O Paula nai apositolo, (e reva mai vi ira na tamata, se nai lesilesi vatamata, i nai lesilesi liga i Jisu Karisito, ki na Kalou o Tamana, o koya ka vaturi koya cake mai na mate;) ² ki ira keceliga na mataviwekani sa tiko vi au, kivi ira na visoqosoqo lewe ni lotu mai Kalatia: ³ Me nomudou na loloma vata ki na vacegu mai vua na Kalou o Tamada, ki na noda Turaga o Jisu Karisito, ⁴ o koya ka soli koya ena vuku ni nodai valavala ca, me vabulai kita kinia mai na vuravura ca ke, me va na loma ni Kalou o Tamada: ⁵ me nona na varokoroko ka reva ni mudu. Emeni. ⁶ Au sa kurabui ni dou sa vuki tani vatotolo vake ki na dua tani nai tukutuku-vinaka, mo dou daini koya ka kacivi ikodou ena loloma i Karisito: ⁷ ia ka sa reva dina ni dua tani; ia ka so era sa vararawataki ikodou, ka via vatanitakia nai tukutuku-vinaka ki Karisito ⁸ Ia keva oi kitou, se dua na agilose mai lomalagi, sa vunautakia vi ikodou e dua tani nai tukutuku-vinaka sa reva ni va gona kitou a vunautakia vi ikodou, me rusa o koya. ⁹ Me va na ka kitou a tukunia eliu, au sa qai tukunia voki vakinia, Keva e dua na tamata sa vunautakia vi ikodou e dua tani nai tukutuku-vinaka sa reva ni va na ka dou sa vabaujia, me rusa o koya. ¹⁰ Ia, kau sa qai valomavinakataki cei, na tamata, se na Kalou? seu caka beka me ra vinakati au ko ira na tamata? keva sa ka liga me ra vinakati au ko ira na tamata, au na qai reva ni talatala ni Karisito. ¹¹ Ia au sa vatakila vi ikodou, na viwekani, ni sa reva ni ka vatamata nai tukutuku-vinaka kau a vunautakia: ¹² niu a reva ni rawajia mai vua e dua na tamata, seu vatavulici kinia, ia sa yaco vi au i sa varaitakia o Jisu Karisito. ¹³ Ni dou a rogocia na noqu i valavala eliu ena nodra lotu na Jiu ka niu a vacacania valevu sara nai soqosoqo lewe ni lotu ni Kalou, ka vaqeavutakia: ¹⁴ ia kau sa uasivi cake ena lotu va-Jiu vi ira na kai noqu era lewe levu era taba vata ki au, niu sa gumatua valevu sara tiko ena nodra i tukuni na noqu qase. ¹⁵ Ia ni sa vinaka vua na Kalou, o koya sa lesi au, mai na kete i jinaqu, ka qai kacivi au ena nona loloma waleliga, ¹⁶ me vatakila na Luvena ki na lomaqu, meu vunautaki koya vi ira na vimatanitu tani; au sa qai reva ni bose ki ira na tamata, ¹⁷ seu qai cake ki Jerusalemi vi ira era sai apositolo taumada vi au; ia kau sa qai sara ki Arepea, ka lesu voki ki Tamasiko. ¹⁸ Ia ni sa oti e tolu na yabaki, au sa qai qai cake i colo ki Jerusalemi me kirau vikilai ki Kifa, ka kirau a tiko vata ka bogi tinikalima: ¹⁹ ia kau reva ni raicia e dua tani voki vi ira nai apositolo, ko Jemesa liga na tacina na Turaga. ²⁰ Ia na ka kau sa qai vola vi ikodou, raicia, ena mata ni Kalou, au sa reva ni lasu. ²¹ Au sa qai qai ki na viyasana mai Siria ki Silisia; ²² a ra sa reva tiko ni kila na mataqu o ira na visoqosoqo lewe ni lotu mai Jutia era sa tu vata ki Karisito: ²³ era sa rogocia liga, O koya ka vacacani kita eliu, sa qai vunautakia na vabaujia ka vaqeavutakia eliu. ²⁴ A ra sa varokorokotakia na Kalou ena vukuqu.