¹ Me'u jinia, vi ikonu na viwekani, dou masulaki kitou, ² me kitou vakusakusatakia yani na Vosa ni Turaga, me dokai, me va vi ikodou, me kitou vabulai vokiliga mai vi ira na tamata sa yalo vatani, ra sa tamata ca, ni sa reva keceliga vi ira na vabaujia. ³ Na Turaga sa dau yalodina, o koya sa vataudeitaki ikodou, sa maroroi ikodou mai na ca. ⁴ Kitou sa nuitakia na Turaga ina vukumudou, ni dou sa na caka vaoji na vika kece kitou sa varojia vi ikodou. ⁵ Me na liutakia na Turaga na yalomudou ina loloma ni Kalou, vata na dauvosojia me vataki Karisito. ⁶ Ke kitou sa varojia vi ikodou na viwekani, i na yaca ni Turaga o Jisu Karisito, mo dou reva ni jiko vata ki koya e dua vi ira na viwekani sa daucaka nai varau vatani, ka reva ni sala vata nai vavuvuli dou sa rogocia vi kitou. ⁷ Ni dou sa kila ni sa dodonu mo dou vatamurimuri kitou, balejia ni kitou sa reva ni caka nai varau vatani vi ikodou. ⁸ Kitou sa reva ni kana laliga vua e dua na tamata, kitou sa cakacaka i na bogi vata na siga ka oca, me kua ni kitou na vabibitakia e dua vi ikodou. ⁹ E reva ni kitou caka ke balejia ni reva vi kitou na kaukauwa, kitou caka liga na lewa ke me varaitaki vi ikodou, mo dou vatamurimuri kitou kinia. ¹⁰ Ni kitou ma jiko vata ki ikodou, sa nitou i varo vi ikodou, "me kua ni kana o koya sa reva ni cakacaka". ¹¹ Ni kitou sa rogocia sa so vi ikodou, ra sa caka jiko nai valavala duatani, ra sa reva tu ni cakacaka, ra sa dau makutu tani. ¹² O ira vake kitou sa varojia, sa masujia ina vuku ni Turaga o Jisu Karisito, me ra jiko vamalua ka daucakacaka, me ra kania liga na kedra. ¹³ Ikonu na viwekani, dou kua ni ceguoca ina caka vinaka. ¹⁴ Ke dua sa reva ni talairawarawa ina vuku ni vosa kitou sa vola ke, dou vatakilakilatakia na tamata gona, kua ni dou vailala vata ki koya, me madua kinia o koya. ¹⁵ Mo dou kua ni wiliki koya me nomudou meca, dou vavulici koya liga me va e dua na wekamudou. ¹⁶ Na nona vivacegui na Turaga me solia jikoliga vi ikodou na nona vacegu ina vigauna keceliga. Me jiko vi ikodou keceliga na Turaga. ¹⁷ Au sa loloma yani, o au o Paula, au sa vola ina ligaqu djina nai vola ke, koya na kenai vadjinadjina inai vola keceliga au sa vola. ¹⁸ Me nomudou keceliga na loloma ni noda Turaga o Jisu Karisito. Emeni