¹ Oi kitou o Paula, vata ki Silivenuse, vata ki Timoci, i nai soqosoqo le ni lotu mai Cesalonaika, o ira sa nona na Kalou o Tamada vata na Turaga o Jisu Karisito. ² Me nomudou na loloma vata na nona vacegu na Kalou o Tamada vata ki Jisu Karisito ³ Sa kilikili ki kitou me kitou caka jikoliga na vavinakavinaka vua na Kalou i na vukumudou na viwekani, ni sa dodonu liga o koya ke, ni sa tubu valevu sara na nomudou vabaujia, sa uasivi cake na nomudou vilomani vataki ikodou yadua. ⁴ Ni kitou sa vacaucautaki ikodou vi ira nai soqosoqo le ni lotu ina vuku ni nomudouu lomadei vata ki na vabaujia i na nomudou vacacani keceliga vata na vivararawataki dou sa vosojia. ⁵ Ke nai vatakilakila ni lewa dodonu ni Kalou, mo dou rawa ni wili kinia mo dou yaga me rawa na matanitu ni Kalou, o koya dou sa vararawataki vokiliga kinia. ⁶ Ni sa dodonu vua na Kalou me saumi ira vararawa ni ra sa vararawataki ikodou; ⁷ ia vi ikodou vokiliga sa vararawataki, me vacegui vata vi kitou, ni na varaitaki mai kinia i lomalagi na Turaga o Jisu vata ki ira na nona agilosi kaukauwa, ⁸ ina yameyame ni bukawaqa, me cudruvi ira sa reva ni kila na Kalou, vata ki ira sa reva ni vabaujia nai tukutuku-vinaka ni noda Turaga o Jisu Karisito: ⁹ Ra na cudruvi na vivarusai reva ni mudu mai na mata ni Turaga, vata na nona kaukauwa taucoko; ¹⁰ ni na qai mai me ra varokorokotaki koya o ira na nona tamata yalosavasava, me dokai ira keceliga sa vadjinajia ina siga gona, (ni sa vadjinajia na nitou i tukutuku vi ikodou.) ¹¹ Koya gona kitou sa masulaki ikodou jikoliga kinia, me vabauji ikodou na nitou Kalou ina vuku ni ka dou sa kacivi kinia, me vayacoya sara i na kaukauwa na gagadre vinaka keceliga vata i na cakacaka ni vabaujia; ¹² me vacaucautaki kinia na yaca ni noda Turaga o Jisu Karisito i na vukumudou, o kitou vokiliga i na vukuna, me va na loloma ni noda Kalou vata i na Turaga o Jisu Karisito.