¹ Ia sa jiko vi ira na kai noda eliu na parofita seseni eso, me va ni na jiko vokiliga vi ikodou nai vavuvuli seseni eso, era na yadjia vuni mai na visei e vivarusai, ni ra sa cakitakia na Turaga sa voli ira, ra sa vayacorai vasauri mai na nodra rusa. ² Era na lewe levu vokiliga era na muria na nodra i valavala e dauvasisila: ina vosavacacataki vokiliga nai vavuvuli dina ina vukudra. ³ Ia ni ra sa daukocokoco era na vaiyau voli ina vukumudou ina vosa e dauvivakaisini: ia na lewa makawa me ra ca sa reva soti ni berabera, sa reva ni moce na nodra rusa. ⁴ Io, keva sa reva ni lomani ira na agilose i valavala ca na Kalou, ka sa daini ira sobu ki eli, a sa vesuki ira ena sinucodo ni butobuto, me ra tauria jiko me yaco mada na siga ni lewa; ⁵ sa reva voki liga ni lomani ira jiko na kai vuravura makawa, sa vabulai Noa ka lewe vitu voki, o koya ma dauvunautakia nai valavala dodonu, sa luvuci ira na kai vuravura era sa reva ni lotu: ⁶ sa vakamai rau na koro o Sotoma vata ki Komora me dravusa, ka sa vaqeavutakia ni sa cudruvia, a sa qisia me kedrai varau na reva ni lotu ina gauna emuri; ⁷ a sa vabulai Loti na tamata yalododonu, o koya sa rarawa na lomana ena vuku ni nodra i valavala vasisila na tamatai valavala ca; ⁸ (io, sa jiko na tamata yalododonu o ya ena kedra maliwa, ia ni sa raicia ka rogocia, sa vararawatakia na yalona sa dodonu ena visiga ena nodra i valavala ca;) ⁹ sa kila kinia na Turaga me vabulai ira era sa daulotu mai na vivatovolei, me maroroi ira vokiliga na reva ni yalododonu me yaco mada na siga ni lewa me ra qai cudruvi: ¹⁰ ia ka valevu sara liga o ira era sa daumuria na yagodra ina gagadre ca e dukadukali, a ra sa beci ira era sa turaga. Era sa daubole, era sa yalokaukauwa, era sa reva ni rere ni ra vosavacacataki ira na turaga. ¹¹ Ia ko ira na agilose, era sa uasivi cake ina kaukauwa ki na qaqa, era sa reva ni vosavacacataki ira ka beitaki ira ina mata ni Turaga. ¹² Ia o ira ke me va na manumanu reva ni vuku, sa muria na lomadra, sa caka me vesuki ka varusai, era sa vosavacacatakia na vika era e reva ni kila; ia era na rusa sara liga ena nodra i valavala e vivarusai; ¹³ ka na rawajia nai sau ni valavala tawa dodonu: ni ra sa vakasama me ka ni reki nai valavala mamarau e na siga: era sa dukadukali ka velavela! a ra sa daucaka na ka era marau kinia ni ra dau vivakaisini, a ra sa dau caka na kana vilomani vata ki ikodou: ¹⁴ a sa sinai na matadra ina dauyalewa, ka sa reva ni mudu rawa ni valavala ca; a ra sa dauvacalai ira na tamata era sa yalowai: a yalodra sa dauia na kocokoco: era sa luve ni vivarusai: ¹⁵ era sa lesu tani mai na sala dodonu, a ra sa sese, ni ra sa muria nai valavala i Pelami na luve i Piori, o koya sa vinakajia nai voli ni valavala reva ni dodonu; ¹⁶ ia sa vunauci ena nonai valavala ca: sa vosa na asa galu ina domo ni tamata sa tarovia na lialia ni parofita. ¹⁷ Gona na mata-ni-wai sa reva ni to, na o sa viyadjiyaki ina cava; sa tu liga me nodra na butobuto loaloa sa reva ni mudu. ¹⁸ Ni ra sa vosatakia na vosa sa tubu cake la liga ena lialia, ra sa coriji ira sa qai bula la liga mai vi ira era sa dau caka na caka cala, ina vuku ni gagadre ca ni yago, e nai valavala vasisila. ¹⁹ Era sa yalatakia vi ira na lalaga, ia o ira era sa vabobulataki ina ca; ni sa vabobulatakia na tamata ina ka sa rawai koya. ²⁰ Ia kevaka era sa dro tani mada mai na dukadukali ni vuravura ke ni ra sa kila na Turaga nai Vabula o Jisu Karisito, ka sa tao voki kinia, ka rawai, era sa qai ca valevu ina gauna emuri, era ca valailai liga e nai vatekivu. ²¹ Ni sa vinaka cake vi ira me ra reva ni kila nai valavala dodonu, ka ca me ra kila mada, ka qai lesu tani mai na vunau tabu sa soli vi ira. ²² Ia sa yaco liga vi ira na ka sa vosatakia na vosa vaibalebale djina, Sa lesu voki na koli ki na nona lua, vata na vuaka sa vasilimi oji me boroboro voki ena lolobo.