¹ Ke nai vola mai vi ratou o Paula, o Sailasa vata ki Timoci vi ira na le ni soqosoqo lotu mai Cesalonaika, o ira sa nona na Kalou o Tamada vata na Turaga o Jisu Karisito: Me nomudou na loloma vata na vacegu. ² Kitou sa dauvavinavinaka jikoliga vua na Kalou i na vukumudou keceliga , ka dau nanumi ikodou ina nitou masu. ³ E reva ni mudu na nitou vananumakia i na mata ni noda Kalou o Tamada na nomudou vavatukanatakia na nomudou vabaujia, na nomudou cakacaka vagumatua i na vuku ni nomudou loloma, vata na tudei ni nomudou vinaka vua na noda Turaga o Jisu Karisito. ⁴ Ikodou na wekai kitou, kimamu sa kila sa lomani ikodou na Kalou ka sa djigitaki ikodou o koya mo dou nona djina sara, ⁵ ni kitou sa reva ni yadjia yani vi ikodou nai tukutuku vinaka ina vosa laliga, ia ina kaukauwa liga vata na Yalo Tabu, vata ni kitou sa vadjinadjinatakia i na vu ni yalo i kitou ni sai tukutuku djina, ni dou sa kila vinaka jiko nai varau ni nitou bula i na gauna kitou jiko vata kinia ki ikodou. Kitou ma qaravia vagona mo dou kila vinaka cake kinia. ⁶ O dou mai vadamurimuri kitou ka vavokiliga kinia na Turaga, ka djina liga ni ikodou sa vararawataki valevu kinia, ia ikodou sa vabaujia nai tukutuku ki na reki sa vu mai vua na Yalo Tabu, ⁷ o iko sa yaco kinia mo ivaraitaki vi ira keceliga na tamata vabaujia mai Masitonia vata ki Akaia. ⁸ Ka ni reva laliga ni o vavuna me rogo nai tukutuku ni Turaga mai Masitonia taucoko vata ki Akaia, ia sa tete vokiliga nai rogorogo ni nomudou vabaujia na Kalou ina vivanua keceliga, ka sa reva vokiliga na ka me kitou tukunia kinia. ⁹ Ni ra sa dauvivosakitakia o ira kece na tamata i vanua na nomudou ciqomi kitou ina gauna kitou ma sikovi ikodou kinia, vata na nomudou ma samakia mai na vimatakau vua na Kalou, mo qaravia kinia na Kalou bula djina; ¹⁰ ka mo warakia vokiliga na Luvena mai lomalagi, o koya sa tucake voki mai na mate, o Jisu, o koya sa vabulai kita mai na cudru ni Kalou se bera mai.