¹ Oi au o Pita, nai apositolo i Jisu Karisito, kivi ira era jiko vavulagi ni ra sa dui viseyaki ki Ponito, ki Kalatia, ki Kapatosia, ki Esia, ki Picinia, ² era sa djigitaki tu me va na nona lewa iliu na Kalou o Tamada, me ra vasavasavataki ena Yalo Tabu, me ra talairawarawa kinia me kureitakia vokiliga kivi ira na dra i Jisu Karisito: Me valevutaki vi ikodou na loloma, ki na vacegu. ³ Me caka na vavinavinaka vua na Kalou, na Tama ni noda Turaga o Jisu Karisito, o koya sa vatuburi kita voki me noda nai nuinui bulabula me va na nona loloma levu ni sa tu cake voki mai na mate ko Jisu Karisito, ⁴ me da taukenia kinia nai votavota e reva ni ca rawa, a reva ni dukadukali, a reva ni malai mai, sa maroroi mai lomalagi me nomudou, ⁵ oi ikodou sa maroroi ena kaukauwa ni Kalou ena vuku ni vabaujia ki na bula sa varau tu me varairaitakia ina gauna maimuri. ⁶ Ia na ka ke dou sa reki valevu kinia, ia ena gauna lekaleka ke, ke sa yaga, dou sa vararawataki ena dauvere e levu: ⁷ me sa kune kinia na nomudou vabaujia ni sa vatovolei, me talei valevu la liga ka talei valailai na koula sa caca rawa ni sa vatovolei ina bukawaqa, me ka ni vavinavinaka, ka me dokai ka me vacaucautakia kinia, ni na rairai mai o Jisu Karisito: ⁸ o koya ke dou a reva ni raicia kinia, ia dou sa lomania liga; o koya dou a reva ni raicia ni kua, ia dou sa vabaujia liga, ka reki ena reki e reva ni cavuji rawa ka vinaka la liga: ⁹ ni dou sa rawajia na kenai tinitini ni nomudou vabaujia, io, na bula ni yalomudou. ¹⁰ A bula ke era sa tarogia o ira na parofita ka vasaqara matua, o ira era sa parofisaitakia na loloma ena nomudou: ¹¹ ni ra sa vasaqara se gauna cava, se vaevei na gauna sa vatakila vi ira na Yalo i Karisito sa tiko i na lomadra, ni sa tukunia mada eliu na rarawa i Karisito ki na ka vinaka la liga ena qai muri mai. ¹² A sa vatakilai vi ira, ni sa reva waleliga i na vukudra, ia ena vukuda era sa yaco me rai talatala e na vika sa qai tukunia mai vi ikodou o ira era sa vunautakia vi ikodou nai tukutuku-vinaka, ki na Yalo Tabu sa talai mai lomalagi; a vika ke era vinakajia ko ira na agilose me ra ilovia. ¹³ O koya ke mo dou qai vaucia na tolo ni lomamudou, dou yalomatua, ka vanuinui jiko me yaco mada nai vataotioti, mo dou rawajia kinia na loloma ena kau mai vi ikodou ni na rairai mai o Jisu Karisito; ¹⁴ me va na gone e dautalairawarawa, dou kakua ni vatauvatani ikodou ki na gagadre ca eliu ni dou a lialia: ¹⁵ ia ni sa yalosavasava o koya sa kacivi ikodou, dou yalosavasava vokiliga oi ikodou e nai valavala keceliga; ¹⁶ ni sa volai, Dou yalosavasava; niu sa yalosavasava oi au. ¹⁷ Ia keva dou sa masu vua, me va sa Tamamudou, o koya sa lewai ira yadua me va na ka era a caka, ka reva ni djigitakia vailo e dua, me sa caka i na rere na nomudou i valavala, i na gauna dou sa vulagi tu kinia; ¹⁸ ni dou sa kila dou a reva ni voli e na vika e caca wale, i na siliva se na koula, mai na nomudou i valavala sesewa dou sa rawajia maivi ira na nomudou qase; ¹⁹ i na dra talei liga i Karisito, me va na lami e reva ni ca e dua na jikina; ²⁰ o koya sa lesi i liu sa qai tauyavutaki emuri o vuravura, a sa qai varaitakia i na gauna emuri ke i na vukumudou, ²¹ ia sai koya dou sa vabaujia kinia na Kalou, o koya a vaturi koya cake voki mai na mate, ka solia vua nai ukuuku; me sai koya liga na Kalou dou a vabaujia ka vanuinui kinia. ²² Dou vasavasavatakia na yalomudou ni dou sa talairawarawa ki nai vavuvuli dina i na vuku ni Yalo Tabu, mo dou lomani ira kinia na viwekani i na loloma reva lasu ia dou vilomani vai ikodou i na yalosavasava ki na lomakatakata: ²³ ni dou sa sucu voki, a reva i na sila e vuca rawa, gona liga a reva ni vuca rawa, i na vosa ni Kalou, sa bula ka tu dei ka reva ni mudu. ²⁴ Ni sa va na co na tamata keceliga, A sa va na se ni co nai ukuuku keceliga ni tamata. Sa daumalai na co, a sa mira voki liga na sena: ²⁵ Ia na Vosa ni Kalou sa tu dei ka reva ni mudu. Ia gona na vosa ni tukutuku-vinaka sa vunautaki vi ikodou.