¹ Koya sa tu mai nai vatekivu, o koya kitou a rogoica, o koya kitou a raicia i na mata i kitou, o koya kitou a varaicia sara, ia a tara na liga i kitou, na vuku ni Vosa ni bula; ² (ka sa varaitaki na vu-ni-bula, ka kitou a raicia, ka dautukunia, ka vatakila vi ikodou na vu-ni-bula reva ni mudu, o koya ka jiko vata ki Tamana, ka sa qai varaitaki mai vi kita;) ³ o koya kitou a raicia ka rogocia, kitou sa tukunia vi ikodou, mo dou viwekani kinia ki kitou; ia kitou sa viwekani kinia vata ki Tamada, ki na Luvena o Jisu Karisito. ⁴ Ia kitou sa vola na vika ke vi ikodou, me vayacori sara kinia na nomudou marau. ⁵ Ia ke nai tukutuku kitou a rogocia mai vi koya, a sa tukunia vi ikodou, ni sa rarama na Kalou, a sa reva sara vi koya na butobuto. ⁶ Kevaka eda sa tukunia eda sa viwekani kaya, a sa caka nai valavala butobuto, eda sa seni liga, ka sa reva ni caka na ka djina: ⁷ ia kevaka eda sa caka nai valavala ni rarama, me va sa tu i na rarama o koya, eda sa qai duiviwekani vata, a sa vasavasavataki kita mai na ca keceliga na dra i Jisu Karisito na Luvena. ⁸ Keva eda sa tukunia sa reva ni tu vi kita na ca, eda sa vaisini kita, a sa reva ni tu vi kita na djina. ⁹ Kevaka eda sa vatusa na nodai valavala ca, sa yalodjina ka yalododonu o koya me bokocia na nodai valavala ca, ka vasavasavataki kita mai na ka keceliga sa reva ni dodonu. ¹⁰ Keva eda sa tukunia eda a reva ni valavala ca, eda sa senitaki koya, a sa reva ni tu vi kita na nona vosa.