¹ O hari ke delapan etnogo waga at Musa at Harun inom at Harun aburi inom inom waisasikhe nen it inalrue-inarlue Israel meke emenogo inom waisasikhe. ² Etnogo nen at Mwusa etnogo nen at Harun jogokhikhe, "Hat halrigat nen wam lembu awan kok ari ogo meke etnogo waganilan, warogo palogo nen dosa weak meke joma horogo buak nen, nen agikhe wam domba opakiat kulok meke wolok wetno warogo palogo buak nen, nen agikhe wam domba opakiat kulok meke wolok wetno warogo palogo nen hetumo werago nen, it inewe persembahan hagarogo biluk nen at Tuhan Allah elokhoma bino. ³ Hat nen it akhuni Isreal meke jigisano, wene ewejigisogon: Hit nen wam kambing kulok apaki at meke wolok witluk nen warogo palogo nen dosa weak meke joma horogo buak nen, nenagikhe wam lembu eak opakiat inom nen agikhe wam domba apakiat inom wolok wetno, umur inasokhotek satu Tahun meke wolok wetno, nen inogalumo paledek mek, warogo nen palogo hetumo werago nen bino. ⁴ Nen agikhe wam lembu opakiat inom nen wam domba kulok opakiat inom warogo palogo nen at Tuhan Allah elokhoma bino, nen warogo palogo nen nasak meke minyak owaisago bino, jogotakne jiwaga at Tuhan Allah hit hinelokhoma usasiginmo." ⁵ It nen wolok at Musa nen isikhe talak at wolok wogukha at Tuhan Allah ane jakulralekma emenogo, nen it akhuni umat Israel meke emenogo at musa owa horogat lagukha nen it inewe sabokhogon at Tuhan Allah elokhoma melasilagukha. ⁶ At Musa nen isikhe, "Ji at Tuhan Allah ane nen ekhe meke at Tuhan Allah nen hagat ni ekhe hit hagatni, at Tuhan Allah owat ne hit hinelokhoma usasigin." ⁷ At Musa nen at Harun jogakhikhe, "Hat o mezbah pelrogoma owa horokhogon eme, nen wam domba warogo palogo nen isago nen dosa weak meke horogo bino nen wam domba warogo nen hetumo werago nen bin, nen hit hinewe oakino opakial dapulogo bino, nen it akhuni bangsa Israel meke iti it inewe opakimo opaki at dapulogo bisano, at Tuhan Allah nen ekhe talak. ⁸ At Harun etnogo o mezbah pelragoma emenogola horoak at lagikhe, nen at wam lembu eak etnogo warogo palogo nen at meke dosa weak at ekagarek owa meke horogo bakhasikhe. ⁹ At Harun aburi emenogo nen wam lembu meep emenogo wogokhukha nen at Harun etnogo nen at iki ekakak emenogo wam meep emenogo wagausaisikhe, nen meep emenogo o mesbah pelrago owa aik upuwaga owa dawulogo etnogo owa aweleken wemawagake emenogo owa tisalogo usuilik lagikhe. ¹⁰ Wam lembu amok apusu inom, aliluke meke hupulren eta inom nen etaiken eta rago o mezbah pelrogo etomaga upuwaga bino, at Tuhan Allah nen at Musa jogokhikhe talak. ¹¹ Meke ino inom oado inom hit o welagepma elomala sikman owa werago sabokhogon bino. ¹² It isagon nen at wam lembu iti warogo nen palogo hetumo werago bino, at Harun aburi nen wam lembu iti warogo nen meep wetoma inom at Harun wogotno, at Harun nen wam lembu meep etoma Mezbah pelrago iti waga aweleken ewetlak-ewetlak tisalogo usa ilik laok nen. ¹³ Wam lembu warogo palogo at Harun wogokhukha at Harun nen emenogo palogo nen emenogo asokhotek owalikmo dopok-dopok hunhigik bilik lagikhesik nen hetumo werakhigik bilik lagikhe nen ukuloak inom werago bisikhe, at Harun nen o mezbah pelrogo owa upuwaga etomala werakhikhe. ¹⁴ Wam lembu etnogo warogo palogo nen al elawutla meke inom nen oalriken inom wam lembu warek etnogo meep owa dawulogo nen o mezbah pelrago waga nogola biluk nen hetumo werago bino. ¹⁵ Emenogo arat hagarogo nen it akhuni bangsa Israel meke emenogo nen persembahan hagarogo nen wolok o mezbah pelrogoma emenogola bilagukha; wam kambing ea etnogo waganilagukhasik nen warogo palogo nen it akhuni bangsa Israel meke iti it dosa weak meke it inowa werek meke horogo bisa sukha. Wam kambing eak etnogo warogo palogo nen it meke dosa inaweak emenogo harogo nen dipersembahkannya hagarogo bisukha it nen alep hak gagarogo bisukha talak hagarogo bisukha. ¹⁶ Wam kambing eak etnogo warogo palogo wolok nen o mezbah pelrago waga werago nen bino, wen ago nen hagakharek owa hagarogo bino. ¹⁷ Esa nogo nen wam kambing eak etnogo warogo palogo nen nasak iluk hagarogo bisukha nen doalekhakinikimo waganukha, nen o mezbah pelrogo o waupuwaga emenogo huwenhak, wam kambing eak etnogo warogo palogo nen aliluke eranogo huwenhak werakhukha. ¹⁸ At nen wam lembung inom domba kulok inom warogo palogo nen it akhuni bangsa Israel meke emenogo inowasik nahulral hawulral hagarogo bisakhe, wam lembu domba kulok warek palek meep emenogo it Harun aburi emenogo nen at Harun wogokhukha, at Harun nen meep emenogo o mezbah pelrago waga emenogo oweleken ewetlak-ewetlak tisalgo bilik lagikhe. ¹⁹ Wam lembu amok apusu inim nen wam domba kulok iti amok apusu inom, age iti amok apu inom, amok apusu etoma al elawula meke sewelgo bino, o eken aliluke werek eta inom nen etaiken'ma iti agikhe inom bino. ²⁰ Wam lembu domba kulok amok apusu etoma it nen wam lembu domba kulok warek palek eta amioak owa upuwaga dukhhon bisukha, at Harun nen wam lembu domba kulok etnogo amok apusu ukuloak'ma meke emenogo inom o mezbah pelrago owa upuwaga itila werago bisikhe. ²¹ Wam domba kulok etnogo amioak inom nen ae eweke inom at Harun nen iki upuwaga owa dukhogon bisikhesik nen dipersembahkan persembahan at Tuhan Allah elokhoma hagarogo bisikhe, at Musa nen jogokhekhe talak. ²² At Harun etnogo pereke it akhuni bangsa Israel etnogo inowaupuwagadukhogon bisikhe, mempersembahkan hagarogo bisasikhe, etnogo nen at upuwaga nen usagukhe nen at wam lembu domba kulok etnogo waga nikhesik nen warogo at wam lembu domba kulok etnogo waganikhesik nen warogo palogo nen mepersembahkan hagarogo bisasik nen dosa weak meke it inowa welagikhe emenogo horogo bisasikhe, nen wam lembu domba kulok emenogo warogo palogo nen hetumo warogo bisikhesik nen wam lembu domba kulok etnogo warogo palogo nen nawulral hawulral hagarogo bisikhe. ²³ At Musa dok at Harun dok it o at Tuhan Allah ane jakulharekma eso malala ukisukha. It arat dukiagukasik nen it nen it akhuni bangsa Israel meke emenogo memberkati hagarogo bisasukh, nen at Tuhan Allah owatne kuasa kemuliaan etnogo it akhuni bangsa Israel meke emenogo inowa usagikhe. ²⁴ Nen hetu amulok at Tuhan Allah elokhoma dagekhe lagikhe atnogo nagulagikhe, nen wam lembu domba kulok warek palek emenogo hetu amulok emenogo sabokhon hali tilruk tabrak khagon halinasikhe nen amok apusu emenogo o mezbah pelragowago waga upuwaga bisukha. Nen iti akhuni bangasa Israel meke emenogo sabokhogon ineleken hasukha, it inewe sabokhon inakla alreken agukha, nen it nen it Tuhan Allah hogorakhukha.