¹ At Tuhan Allah nen at Musa jogokhikhe, ² "Hat nen at Harun inom at Harun aburi inom waisan at inom, hat nen su it meke etoma waganilan, minyak it inowa dawulogo bisasak meke inom, wam domba pere warogo palogo nen inom, domba kulok pere nen o mul keranyang jago meke roti hano meke ukhalrogo begarek meke iti inom wolok eme. ³ Hat nen it umat Israel meke jogisa it hulogo nen o at Tuhan Allah ai halekma at ane jakulharekma sukham etala hulogo wusuak nen." ⁴ At Musa etnogo at Tuhan nen jogokhe tatak at hagakhikhe, nen it umat Israel meke emenogo it inewe hulogo nen o at Tuhan Allah ane jakul harekma sukham emenogola hulogo lagukha. ⁵ Musa nen it akhuni Israel meke emenogo jogosisasikhe, "Wene joma at anenen ekhe meke at Tuhan nen hit hagarik lanio iluk ekhe." ⁶ At Musa nen at Harun inom harun aburi inom hit an nowa harokhogon witi o iluk jogosasikhe, nen hit hinowai dawulik lani o iluk jogosasikhe. ⁷ At musa esoma arat hagakhehesik nen at Harun su imam meke ikhogo bisikhe, nen ban owakha waga ikhogo bisikhe, nen su kemeja ikhogo bisikhe nen su baju upuwaga meke ikhogo bisikhesik nen su kain owa dewelek meke waga owakha waga helre warogo bisikhe, nen su kain owa dewelek meke ikhogo bisikhesik nen helre owakha warogo su kain owa dewelek meke waga owa dikilogo bisikhe. ⁸ Su bayu owa dewelek meke waga at harun amioak owa dakulogo ikhogo bisikhe iti agikhe etaga Urim nen agikhe etaga Tumin eta at Harun ami okma akman kagak dakulogo bisikhe. ⁹ At Musa nen at Harun ukuloakma su kain meke ukuloakama helre warogo bisikhe, nen awkleken su kain meke ukuloakma helre warogo bisikhe moke etnogoke kain emas meke ukuloakma helre warogo bisikhesik nen aweleken elokhomake bisikhs, nen emas kudus tegelek meke talak hagokhikhe. ¹⁰ At Musa etmogo minyak etnogo waganikhesik nen o emenogola tegelogo hagarogo bisikhe, nen at Tuhan Allah ai halekma etnogola owa dawulogo biaikhesik nen tegelogo hagarogo bisikhe nen ji meke ti meke o itiakla welogikhe emenogo nen tegelogo hagarogo bisikhe nen jimeke timeke o iti akla welagikhe emenogo kudus tegelogo sabokhogon hagarogo bisikhe. ¹¹ O mezbah pelrago etnogo owa minyak agikhe hemulruk at wagani khesik nen tujuh kali dawulogo bisikhesik nen tegelogo bisikhe jime timeke akla welagikhe emenogo inom, nen panci emenogo inom ima owa sowalogo nen o jimeke timeke aklawelgikhe emenogo inom menguduskan tegelogohagarogo bisikhe. ¹² Etnogo nen minyak etnogo agikhe hemulrukat agikhe waganikhesik nen at Harun ukuloakma tisalogo usai agikhe nen ukuluak sewelogo bisikhesik nen at menguduskannya hagarogo nen tegelogo hagarogo bisikhesikhe. ¹³ At Musa etnogo nen at Harun aburi elege emenogo it inewe anawahoro anowa horokhogon wenek o, iluk isikhe nen at Musa etnogo nen it elege at Harun aburi emenogo su bayu kemeja emenogo ibisasikhe, nen ban inowakha waga warogo nen ibisasikhe nen agikhe su kain inukuloakma dikilogo warogo bisasikhe, at Tuhan Allah nen at Musa jogokhikhe talak hagarogo bisasikhe at Harun aburi emenogo . ¹⁴ At Tuhan Allah nen at Musa jogokhike hat nen wam lembu kulok meke walok wetno warogo palogo nen akhuni dosa weak inowa werek joma horogo buak nen, nen at HArun inom at Harun aburi inom iniki wam lembu etnogo ukuloak owa upuwaga dukhogo bisukhasik nen wam lembu kulok etnogo warogo palogo nen dosa weak meke emenogo horogo korogo bisukha. ¹⁵ Wam lembu etnogo palikhe, nen at Musa etnogo wam lembu etnogo wam lembu etnogo meep waganikhe meep emenogo iki ekaka waga dawulhigik waganikhesik nen meep emenogo o mezbah pelrago etnogo alilike wemawaga bisikhe; meep ato emenogo tisa logo o Mezbah pelrago eetnogo aliluke wemawagake tisa logo usasikhe, itigi sogon hagarogo bisikhesik nen o mezbah pelrago etnogo dikuduskannya tege logo bisikhe nen at elekagarek owa dapulogo hagarogo bakhasikhe. ¹⁶ At Musa nen wam amok apusu emenogo waganikhesik nen wam alowake dawulogo bilik lagikhe, etaiken agikhe inom waganikhe, alilike meke pere waganikhesik nen emenogola bisikhe. ¹⁷ Meke lembu jantan etnogo odo inom, ino nen al emenogo sabkhogon it o welagukama emenogola aweleken sikmanhagak ewe rakhikhe, at Tuhan Allah nen at Musa jogokhikhe talak hagakhikhe. ¹⁸ Etnogo nen at Tuhan Allah nen at Musa jogokhikhe hat Musa jogokhikhe hat domba kulok wolok eme warogo palogo nen hetumo weratno iluk jogokhikhe, nen at Harum inom at Harum aburi inom it iniki wam domba kulok iti ukuloak owa iniki upuwaga dukhogon bua. ¹⁹ Hat domba iti warogo nen palino, nen at Musa nen meep etoma o mezbah plragoma itila aliluke ewetlak-ewetlak tisalogo bilik lano. ²⁰ Domba etnogo palhigik-palhigik hagarogo bisukhasik nen ji jihasik buak nen ji jihasik buak iluk bilik lagu khasik nen amene tomok-tomok hagarogo bisikhe, at Musa nen wam domba etnogo ukuloak wenago nen paligik-paligik hagarogo nen awalikmo motok-motok bilik lagikhe nen amok apusu etoma inom at itigisogon hagarogo bisikhe. ²¹ At akla meke inom nen oalriken inom idowwulogo nen bisikhe, nen at musa etnogo nen wam domba kulok etnogo sabokhogon o mezbah pelrago etnogo waga upuwaga emenogo bisikhesik nen weakhikhe, iti pelrago etmnogo waga upuwaga emenogo bisikhesik nen werakhikhe, iti wam domba warogo palogo nen werago begarek owa werogo bisikhe, owasi at Tuhan Allah akla walrok asuak iluk hagarogo liakhesik nen; wam domba etnogo wanogo palogo hetumo werago nen at Tuhan Allah hasik werago bisikhe, at Tuhan Allah nen at Musa jogokhikhe talak hagarogo bisikhe. ²² At Tuhan Allah nen Musa jogokhikhe hat nen wam domba kulok ato wolok wetno, owa horogo nen persembahan hagorogo bino. Nen at Harun inom at Harun aburi inom it iniki wam domba kulok iti ukuloak owa iniki dukhagon upuwaga buak. ²³ Wam domba kulok iri palino, at Musa nen meep hemulruk at agikhe waganuak nen aweleken oak dekmake eta meke waganiluk nen at Harun asuk oak aweleken eweke owa harogo bigik, nen iki isa aweleken eweke meke inom nen isok isa eweke meke inom owa horogo bilik loak. ²⁴ At Musa nen at Harun aburi jogo sekhe dogolik hit an nowawi iniluk jogosasikhe, nen wam domba etnogo meep hemulruk at wagani khesik nen at Harun aburi inasuk eweke inoak dek meke inom wam domba meep emenogo dawulogo bisilik lagikhe, at Musa nen wam domba meep emenogo doalek agikhe mo nen o mezbah pelragoma etnogo aweleken ewtlak-ewetlak dawulogo bilik lagikhe. ²⁵ At Musa nen wam domba amok apusu emenogo waganikhe, age amok apusu emenogo inom wagankhe, nen al elawutla meke amok apusu owa dekelek werek emenogo inom, nen etaiken owa agikhe dawulogo bino, aweleken aliluke meke pere eta inom, nen alrisu aleken eweke meke iti inom owa dawulogo bilik lano. ²⁶ Nen roti awa hano meke loyang akla ukalrek werek etoma inom at Tuhan elokhoma werek wetoma, roti hano meke hupulreken werago iti wwaganino, roti hupulreken minyak owa werago iti inom nen rati opaki alapum dek meke iti inom, nen wam domba amok apusu owa upu waga etomala owadukhogon bino nen alrisu aweleken eeweke meke witi inom upuwaga amok apusu owa upuwaga etoma inom bino. ²⁷ At Musa nen wam domba amok apusu emenogo at Harun iki agolowak bigi 1nen eat Harun aburi iniki agot owa bisigik hagakhikhe, di persembahkannya sabokhogon persembahkan hagarogo bisikhe sik nen at Tuhan Allah elokhoma it inukuloak at Musa iki nen sebelogo bisasikhe. ²⁸ At Musa nen etnogo at Harun iki agot waganhik nen at Harun aburi iniki agut wogonakhik hagakhikhesik nen wam domba warogo palogo nen o mezbah pelrogo waga upuwaga emenogo hetumo werago bisikhe. Persembahkan tegelogo hagarogo at Musa nen bisikhe at Tuhan Allah etaikrn alreken asuak iluk wam domba warogo palogo nen hetumo werago nen at Tuhan hasik bisikhe at Musa nen. ²⁹ At Musa nen wam domba amioak waganike, at waganikesik nen mepersembahkannya iki upuwaga dukhogon bisikhe nen persembahan hanorogon bisikhe, at Musa at Tuhan Allah nen jogokhikhe talak hagokhikhe. ³⁰ Nen agikhe at Musa minyak hemulruk at waganikhesik nen dawulogo bisikhe nen meep etnogo o mezbah pelrogoma etnogo lapuwaga bisikhe, nen at Harun etnon bigik nen at Harun aburi inowa dawulogo bisigik nen iti inasu owa dawulogo bigik hagakhikhe. At Musa nen arat hagarogo bisasikhe sik nen at Harun ewe tegelogo bisikhesik nen, subayu at Harun meke inom tegelogo bisikhe, nen at Harun aburi tegelogo bisasikhe sik nen it meke su bayu tegelogo bisasikhe. ³¹ At Musa nen at Harun inom at Harun aburi inom jogisasikhe, "Hit nen wam domba inom etoma isatni o at Tuhan Allah eane ejakulharekma elokhoma etomala: Etomala nen hi nano nen Roti keranjang jago aklawerek etoma persembahan biluk nen tegelogo bino, an nen hit jokhisigerek nen hagatno iluk jokhisigi talak at Harun inom at Harun eaburi inom nano. ³² Nen wam domba inom ato inom roti inom huaga halok hetumo weragon nen heredisano. ³³ Hit nen esomala welagusep, hulri o tegelogo hagarogo bugun esaga hagatlasiagumen halok, o tegelogo hagarogo bugun iti hagarik lagunem-lagunem tujuh hari hagstlasiligin. ³⁴ Hit nen jogotak ne whagakhep jitalak hagatno, iti talak at Tuhan Allah nen hit wagikhe johisagin wene ewe hit dapulogo binausak hasik. ³⁵ A at Tuhan Allah ane jakulharekma elokhoma etomala hit hiwa nedikagane tujuh hari etomala motok dogono, nen hit at Tuhan Allah nen hit hagatno iluk hinowa bekhe meke inetaiken sewelogon hagarik lano, hit hinetakiken sewekhogon hagarik lugun dekhalok hit watlasunogo, isi halok at Tuhan Allah nen hit jawu hinetaiken sewekhogon hatno iluk jokhisekhe." ³⁶ Nen at Harun inom at Harun aburi inom ir at Tuhan Allah nen ane isikhesik nen at Tuhan Allah nen jogisasikhe at Musa owa nen.