¹ Jemaat orang Israel emenogo it o limo sin, etnogola nen dukhiluk lagukha, it o welagukhama emenogo nen o it ukilalok dogosakma emenogo lagukha, at Tuhan nen isikhe higit hogon at lagukha, it lagukha, it lagukhasik nen it o Rafidim nogeisukha, meke it o lagukhama etonogla i motok dekma lagukhama it i neke dogosak owa. ² Etnogo nen it akhuni Israel meke emenogo at Musa inom jakhukha, it nen ekhedogolik: "Hat nen nit i waknisan, hat nen nit iwaknisamo nen nit nuak nen." At Musa nen it akhuni Israel meke emenogo sasikhe: "Hit nenaluk nen an ninom jawuok iluk hagakhe lagep? Nenaluk nen at Tuhan hinom walhekhe lagep?" ³ It akhuni Israel meke emenogo iti awu elro motok welagukha o esomala; it Israel meke emenogo nen it inane apik jogokhe dogolik nen it at Musa jogokhukha: "Hat nenaluk nen nit o Mesir nen woknisik dukhiagen, hat nit watninawiluk woknisik dukhagen a, nen nit ninaburi inom nit ninako kambing domba lembu sapi joma iawu nen sabokhogon watlasugun joma?" ⁴ Etnogo nen at Musa etnogo ane kogat at Tuhan jogokhikhesik nen, at jogokhike: "An nen nenameke hagakhima nen it akhuni bangsa Israel meke ji an nen it inowa nen ameke hagakhima nen itan hagatnawi ogi? Ja hemulruk at dogoluk nen it nen an helekit owa an nasugun o." ⁵ At Tuhan nen at Musa jogokhikhe: "Hat akhuni Israel meke iti inelokhomake lalok nen hat it inewe inalruetek-inalruetek inewe meran hakene wogosik lan o, nen hat segetlruk hikimo wolok nekhelagen etnogo hat hikimo wolok lalok nen i Nil etnogo tugi wasino isikhemo nen at lagikhe. ⁶ An lalk nen hat helokhoma melasilalok dogogin tom Horep owa dagiluk dogin; Hat tom iti wasumo nen at tom iti akla nen idukhisigin o, it bagnsa akhuni Israel meke iti it inoak nen o. At Musa etnogo it inalruetek-inalruetek emenogo inelokhomama at Tuhan nen isikhe talak hagakhikhe. ⁷ o esanogola etaga Musa inom nen Meriba inom salogo nisikhe, o etala at Musa inom it akhuni Israel meke inom jakhukha iti nen at Tuhan etnogo it akhuni Israel meke iti nen inane apik jogokhukha nen: it nen ekhe dogolik at Tuhan etnogo nit ninakla Tulrumo joma werek a, deka isukha?" ⁸ It akhuni amalek meke wagukhasik nen it akhuni Israel meke inom wim inom o Rafidim jawiagukha. Rafidim iti artima set walharekma. ⁹ At Musa nen at Yosua jogokhikhe: "Hat nen akhuni agikhe hulinawin nit hasik, it dukhilalok nen it akhuni amalek meke inom wim jawuak nen, huwuluke an o tom owa esomala lalok nen segelruk at Allah meke etnogo nikimo wolok lalok nen metek esomala dogogin." ¹⁰ At Yosua etnogo at Musa nen isikhe talak hagkhikhesik nen it wiminom o Rafidim jowiagukha. Rafidim iti artina set walharekma. ¹¹ Nen it akhuni Israel meke emenogo it akhuni amalek meke inom wim jakhu nem nen at Musa etnogo iki upuwaga ke liaisikhe, nen it akhuni Israel meke inowatne agikhe, meke at Musa ili upuwaga nen usaiagu nen, it akhuni amalek meke inowatne agalagikhe. ¹² At Musa etnogo iki owatne dek agikhemo nen at Harun nen Hur hit etnogo he lekit wagani lagukhasik nen wemaga talogo bisukha, nen at Musa etnogo upuwaga huredisuka; at Harun nen Hur dok etnogo it at Musa aweleken ewetlak-ewetlak hukagukha at Musa ewe legerogo iniki ewetlak-ewetlak hago werekma o mulikin etnogo dukhiagikhe. ¹³ At Yosua etnogo it akhuni Israerl meke inom it akhuni amalek meke emenogo sikhe mare sege owa warogo wulaisasukha. ¹⁴ Nen at Tuhan nen at Musa jogokhikhe: "It Israel meke inowatne hagat laga iti hat holan waganogo bino hit hiniluk-hiniluk dogowagik nen, nen hat at Yosua etnogo asukmo jogotmo, an nen akhuni Amalek meke emenogo sabokhogon inewe warogo degerogo bisagin o." ¹⁵ Nen at Musa etnogo o Mezbah pelrago bisikhesik nen etaga: Tuhan panji-panjiku salogo bisikhe." Kota panji-panji artinya at Tuhan owatne an an nowa werek o. ¹⁶ At Musa etnogo nen isikhe : "At Tuhan owatne at Tuhan iki waga welagarek etnogo nen at iki owatne it akhuni Amalek meke inom wim jakho motok it itakklago helalago inom jakho motok-motok dogogun o."