8 ¹ Án tistis tu'teshki Jesús ki'apaski weti kaá abrí ka'a aye'yas, tapuríí aña'we'ka eña ñe'hí weti del reino Patatishta. Toh ukua pokró nerí ekaño. ² Inka akes korta tis entishkerwá aakiriraí toh iña warkuaña i achanañari taró Maria Magdalenarí, toró walash tawak akachií, ³ Juana akuawá chuza Herodes archana, Susana i korta wriha'ka akuatissi taro eka artepe'rerurí eka peshta puntarí. ⁴ Akashki pesh wriha'katis atauwe'ri peshmá te'keruri, ekaña kaa kaá, eka parábola as ñe'hii. ⁵ "Tishta as apaski tiwiwá tishña. Inka tishkuamá, tisma chre'toki ta'ña i tohma kuas piríh chataña akaspascherá warka'cheri. ⁶ Akuama sá aaña taenrí wape tawe'ra onrí toh kuh masus riraí. ⁷ Inka toh sikí aña taenrimá, toh sikimá asken tawe'ra tiwiwayó toshkrí. ⁸ Inka akuama kuh eñâñá taenri i en awapaki tohmá kres wé ukua ukuaripé." Inka inró ñehiteshkuamá eka ñehí paski "Taro asun weshka akachuma weshki." ⁹ Eka su'nata akape'ri insa in parábola. ¹⁰ Eka ñe'i: "Inma ari'bara toh piriña akenaí toh Patatishta kawishkií parohwá, inkariké akuama ta'kaka awá en parábola, inkakes "CHERA, CHERETIPIRO, I WESHKRA WESHKERTIPIRO." ¹¹ Ankatamá inhi toh parabolahí: toh tiwiwam‌á Patatishta aña'hí. ¹² Toh ta'ke taenrimá, tohmá toh weshker kénaí, inkakes amaisará te'ki kartesukuá toh aña weshkrí aturusaña toh ekaroh weshkra salva aki'lertipiró. ¹³ Toh sá aaña aakrimá, i aña weskermá, to'ma suku¿en ki'rera, inkariké apis kakachituw; ekamá weshkra katînatis en to'keki'rera inkakes warkua te,kuamá tisteshkerrá. ¹⁴ Toh tiwiwá taenrimá siki aña, toh pesh añpa'weshker keñaí, ankariké ekama pestá suku'hí nerera, akes ameshyopé chirera toh nonchererishkra i toh yas chereri in chaparña, i toh awamá ta'tuwá. ¹⁵ Ankariké toh tiwiwa ku'eñañá taenrimá, inmá atá weshkerñaí aturusá eña asyó tohya sukuenki'rerá i awá eña pakerá chiraá. ¹⁶ Inkatamá as naní toh tenwá atukuamá, armu'tua vasijas asyó i tu'tuwá wasá awa'ké. Kres entukuá, candela tukañá, toh taroh tokuamá kamas kiwá chemiro. ¹⁷ Akes as naní uhtuwá, toh ari'repií, as naní chituwá aúhá toh tuke na apaspi akamasña. ¹⁸ Akes weshkua katirohwá, toh taroh akachumá, akatawishpé we'rí, i taroh akachitumá akachkencheía, akarteshpé. ¹⁹ Akashkua akakí aarkí aarkí te'kri ekaña, inkarike nabo'retirí ekaña toh pesh we'aakriríshkrá ²⁰ akashkua ti'kiri: "Pikakí pi kakí pi arkí ara'naña a akri picheremiró." ²¹ Inkarikí Jesús kakawarpishki ti'kakí "takaki taarkima atá Patatishta aña'weshkeñaí, tohró to'ké ki'rerá." ²² Inkatamá, eka ãas tokí puru'ña toh asu'natayó i ti'kakí: Napr‌á toh aso atenké" akashkuá eka tokrí. ²³ Akashkua eka tape'rem‌á, eka okí. Akes ompish a'kaas pe'ki aso aaké, i puru'má asoró umusta ishki, i ekaremá ishña aakri. ²⁴ Akashkuá toh Jesús asu'nate te'kra ekaña unmasahurí, ti'kirá "¡Kachawistá kachawishta! ¡Iña onnapiruwá!" I eka wakí arkapashki ompisró i asowá akayá ishki i katirá tawarkri. ²⁵ Akashki eka ti'kakí piña'aakisá pifé?" I eka akati'ri i akesh wa'tawarkrí ekapé arkape'rí: "¿Tasa inhí toh ompischá katunwaí i asorí, i weshkerí? ²⁶ I eka tawetape'ra neri Gadarenos, tóh aaki tu'tasña al lago de Galilea. ²⁷ Akesh Jesús puru'chi'chrewamá ku'na, eka kartapukí arwa tisyo kaa uya chata toh walash kakachií ki'ri ekamá kaowa anu'tu iñari, kaoña chani chituri, kaso'ñapé. ^{28 29} Akes Jesusró chewamá, kapaski taenhí eka aki'ña i ñehí ña as a'kayó: "¿Iró pikachusa Jesús tasyó, Patatishtá a'ká ayé? pikapa awá ta tormenta takautí ³⁰ Akashk‌í Jesús akapeí: "¿Tasa pipinhá?" I eka ñehí: "León", toh walash wé tokerwaakirí ekaña. ³¹ I eka akape'rá aakrí katuntipir‌ó kawarkuañ‌á. ³² Akashkua war‌í wrihatis aakri to'ña e'r‌á toh coliná. Toh walash akape'ri ta'kawishkua tokepir‌ó i t‌á kawishki. ³³ Akashkuá toh walashmá apaskr‌í toh arwañ‌á chir‌á i wariñ‌á natokr‌í, i toh wri'ama chre'ra ner‌í sik‌í tapak aso briña ne aso to'kr‌í. ³⁴ Taroh war‌í chan‌á rerim‌á cher‌í toh tu'teshk‌í, i tro'ra na ñe'r‌í kaañ‌á katu ishkerñar‌í. ³⁵ Akashku‌á peshm‌á apaskr‌í cheremiró toh tu'teshkiró, akashkua cherem‌á Jesús napaskrí toh arw‌á tar‌óh walash ekaña apasku‌á aakir‌í, chrecha'ar‌ó Jesús, ata'ña, akaoway‌ó, en tishk‌í'‌á ekam‌á akati'rí. ³⁶ Toh tar‌ó cheriwakr‌ímá, kakape'r‌í inkekar‌ó toh, arwá walash warkuá akachí en tishkisá. ³⁷ Akashkua toh pesh kri'ro toh asowá chata de Gadarenos akape'rí Jesusró nepiró to'ña chi'ía akes ekaró wé akati'ri. Akashkuá eka tokí puruña wartape'í nepiró. ³⁸ Toh arwá waloash apaskerwa akir‌í ekaña Jesusr‌ó akape‌í ta wishpir‌ó ekay‌ó nepir‌ó, inkarike Jesús tunhí ti'kihía: ³⁹ "Pikaoña nau i na ña'cheu in kri'r‌ó in patatishki pay‌ó. "Toh arwamá tá sukuhí neí ne'ía toh kaa uyá kri'ró toh Jesús ishkró ekayó. ⁴⁰ Inkatamá Jesús wartape'í te'bonamá ente'kiá ti'kirí, toh krí'ró awaka ishkrí. ⁴¹ Inña arwa as apin Jairo, tohma lider asri toh sinagogaña, te'ki achanyopé tishki aaki Jesús ata'chiñá i akapeí nepiró akaoña. ⁴² Toh aye'aspes akachií aye'ma, kuí ukuapok akachí akuí'aá onna ishkí inka Jesús ta'tesh naaishkí pes wrí'ama arkiskí pakri. ⁴³ Akashkí tohña korta as aakirí a urí pakuaruri kui ukuápok paki i aplato'má ohshche'wakirí chaná arpeshtayó, to'krike intishtirí asyó chaní. ⁴⁴ Eka Jesús asu'ña te'ki penhí akaowá abrí, i tohro waripé toh aurimá techakí. ⁴⁵ Jesús ñe'í: "¿Tasa tayá tawe'wasá?" Toh kri'ro arkase'remá Pedró ñe'hí: "Kachiwishta pesh wri'aña piraskrá pirkiskerá." ⁴⁶ Inka Jesús ñehí: "Toh asña tawe'imá, tas ari'awá tarpun tarpaskí tasñá." ⁴⁷ Akashki toh korta chewamá erretú apastipikií, te'ki akati'yo chre'tesh aaki eka aki'ña i eka ñe'í peshkr‌í peshwakiña, toh eka penwaakirí i akesh waripe entishkiraí. ⁴⁸ Akashkí eka ti'kí: "Taye'kortá tu fe pichaná pirteshkuá en naú." ⁴⁹ Eka kapashka ishkuama, as te'ki toh akaoña chi'ía lider de la sinagoga, ñehía: "Piye'kortamá onní. Kita'kauti." toh achiwishta." ⁵⁰ Akes Jesús weshkuamá inhí, Jairoró ti'kí akatiutí; ekayapé ameshku ekamá entishpé." ^{51 53} Eka akaoña na bonamá as naní ta'kawishtí toketipiró, Pedro, Marí Juan y Jacobo (Santiago), toh ayé atus akakirí. ⁵² Inkatamá kri'ro ñe'ra aka'na ishkrí eka rishkra eka ti'kakí aka'nuti'iwá ekamá ontihí. ⁵⁴ Ankarike ekamá asawaña suku'i, toh ye'ro kapashkí, ñe'í: "Ye'ayé, ishtakú." ⁵⁵ Toh eka akuasamá te'kí i ekamá ishtakí waripé. Eka katunhí asira wiskerpiró. ⁵⁶ Peshtusma máh tawarkrí, ankarike eka ti'kakií katunhí as naní ti'kilertipiró toh tu'teshkiró.