7 ¹ Akes Jesús aché ñe'wamá toh ti'kakií aakirií toh pesh kri'ró, toki Capernaumña. ² Inkatamá Centurión as akachihí siervo as, ekamá tis eña chewaruí, archanawa'rií ompirurí. ³ Akes toh Centurión weshkuamá toh Jesusró, i'ká katu'í ancianosró de los Judíos, kakapeía te'kra achana arpeshkerpiró tóh a siervo. ⁴ Eka te'kermá Jesusña ye'tishkra, ti'kri "Ekamá eñaí enkaupiró ekaña, ⁵ Ekama en chewá untaku'ka' ekañá ki'í in sinagoga untasti'hiró." ⁶ Akesh Jesús ta'teshneí ata'a ekareyó akes. Eka akao karaá aa'timá toh centurión katunhí atenta'wá ti'kilerpiró: " Señor onkautí, tasmá entarawá takao awa'tokupiró. ⁷ Akaró te'tishtachi ameshkamá in pañao, ankariké ña aspes ñampa ta siervo entishpé. ⁸ Inka taswá arwá as rawá tas aakari autoridañá, i toh soldados tas katunhaí. Ta'kaawá inhí: "nau", i ekanepé, akuaña, "Te'ku", inká eka te'wá, inta siervoña, "Inkau," i ekaki'wá." ⁹ Akes Jesús weshkuamá inhí, wa'tawarkí ekayo i kawaki cheí pesh krí arachií wetrií ñehí: "Ta'kaawá Israel ña'chaní chanawá tal fe. ¹⁰ I akes taró katunrií wartaoeí te'kri kaoké, y eka te'paskri toh siervo eñaró. ¹¹ Akuí akua tis teshki Jesús neí káaas uyá apinmá naín, asu'natarí i pesh wría'katishhí ekayo nerí. ¹² Eka abriña nabuná ishkuamá kaa akosapaña, iña arwá as ona aakirí anehí pakrí, toh akakí aye'erwa aspersí (taró‌ aspechuri), pesh wrih‌á ka achata tis aakr‌í ekayo. ¹³ Akashk‌í toh Señor chewam‌á, wé arrá enkií ekár‌ó i ti'ki: "Aka'natuti." ¹⁴ Akashki eka neí aakí abriña toh pen anehí pakerró toh õnnirí, i toh patama' techakri. Eka ti'ki: "Ye'erwa par‌ó ta'pikaawá ishtakú." ¹⁵ Toh arwá ‌õnnimá chrechihí kapashkí i Jesús wishki akakiró. ¹⁶ Akashki akat‌í kakate'ki kri'ro i to'r‌ó eyeshkri pPatatishtar‌ó, ne'r‌á: "In profeta a'kaas ishtaki untasña", i toh patishtam‌á en kachew‌á peshpeshk‌á." ¹⁷ Toh in ña'm‌á nabo'cheí toh kri Judea i toh region kis chatarí. ¹⁸ Toh asu'nata de Juan rerimá ti'kiri toh in kri'ró. ¹⁹ Akachki Juan karwa'ni toh asu'nata pok i katunhí toh Señor ti'kilerpiró. "¿Patí toh te'pií, o akuaró awakapiraní?" ²⁰ Akashki eka abriña naboremá, ti'kiri: toh Juan kamu'ta untatunwachi pikapa'barpiró: "¿Pati toh te'kupií o akuaró awakapiraní?" ²¹ Toh che'pe we toh achana kakachichi karpeshk‌í i toh ameshkerur‌í toh akuasa warkua kakachih‌í, i wé toh awá acherenuri peshwá kawishkí. ²² Jesús kakawarpishki ti'kakií: "akes toh ata' sukurra neri toh cherá weshkri. Pesh cherenurí peshwa kakatishkua toh pesh ata'warkuarerí tartesh kera, braswarkirerí karta ‌ṹsker‌á, toh pesh weshketuri weska ishker‌á, toh pesh ‌õnri‌í wartape'ra wakaishker‌á, i toh pesh inkakachiti'ih‌í inña takaka'bar‌á, iña eña we'k‌á. ²³ Toh pesh tas takasteshkertu‌í tasña ameshkra in ishka‌í ekam‌á eña kakate'pé." ²⁴ Akashki toh Juan eña ña'tá nerewa akirimá, Jesús ñehí paki toh pesh kri'ro Juanró ñehía: "¿Iró pawaí nau apaskuwa cheichiweré toh. Aku'sennaña? ¿toh õ'as kaprushkaro onpishña? ²⁵ Iró apashkuwá nau cheichiwer‌é? arwa as, aka'owá kamasa maimainarí? chauwãsa, toh chauriwãí toh kaowa kamaskíwayó i eña ña'pé chirerá. Aakera toh palacioña de los reyes. ²⁶ ¿Irish apaskuwa nauwá cheichiwerewá? ¿profeta as?tas ta'kakaamá, profetaké kreshri. ²⁷ Iñai toh taró kakoskrií: INKA IÑAQ, TUNHAWA TA EÑA ÑA'TA AKI'NEWÁ DE TUFAS, TARÓ PITA' EÑA KI'PITAI PAKI'ÑA.' ²⁸ Ta'pikaawá toh taroh chrii korta, asnani a'kataí Juan ké. Akaróh toh peshlermá onkaka'partuleri Patatishta apiriña'ma kres a'kalera ekaké." ²⁹ Toh pesh inkri'ro weshkermá, toh plato uwã'tawá ti'kakia, ñe'rií toh Patatishtaró justo rií, toh aso tamu'lerwaakirí toh Juan aso tamu'yo. ³⁰ Inkariké fariseos i toh wȅ‌ari'leruri la ley Judia. arkenrí Patatishta akatunró eká to'ma tamu'retiriwakiri Juan yó. ³¹ "¿Akes tashí asken toh pesh inkata cheryo? inkenarera'sa ekaleri? ³² Ekama ye'kenalerá anushtra mercado ña, che'chi'ra arwa'rera toh as akuaróh ñe'rá: "Untasmá flauta pambarchi parishbra, inka pama wi'tútuchiwá. Untasma cansión as ayeshbarchi funebre, inka pamá aka'nutiriwá" ³³ Akes Juan kamuhtamá pan eite'tí vino chani toki te'tií, inka pamá ña'ñawí: "Ekamá demonio as acachua." ³⁴ Te'ki arwa aye'erwá toh e'wãí i tokuaí i pawá ñahñawi "¡chau to'ma arwá glotón misonta ashí tatenta'wa ashí toh impuesto plato uwe'ta i warkua ishta! ³⁵ Ankarike toh sabiduriamá justificado hi toh kri' persh ye'erwá." ³⁶ Inkatama farisea'as Jesusró paki a'ña ekayó. Akashkua Jesús tokuamá toh fariseo akoña, mesa nachréchi'i e'piró. ³⁷ Iña, korta as aakiri kaa uyachatari inka warkua ishtari eka weshkuamá toh mesaña achi'iri toh fariseo akoña, jarro as pe'ki toh alabastro aceite perfumado ayó. ³⁸ Akashkua eka te'tesh akuamá eka asu'ña, eka ata'abriña te'tesh aaki, aka'ni, inka mu'hi ata'ha awatiyayó, aka unra'ni asâ asausyó i akes onnashki ata'a, inka mu'hí toh aceite perfumado. ³⁹ Akashki toh fariseo pakuaakiri toh Jesús ekaín cheí, ameshkí inké, ñe'hí: "In arwá as profetarimá, akashkí eirishki taña o ta cortaña penwakena eirishkí korta warkua ishtai." ⁴⁰ Jesús akawarpishki ti'kií "Simón ña'has tapika'pa." Eka ti'ki: "¿ta'takau achiwishta?" ⁴¹ Jesús ñe'ñí: " Prestamista as chií plato wishkerípi pok chrik as quinientos denario wishpichi inka asma cincuenta. ⁴² Inka eka artamiretumá, ekama perdona kakí pakró akaski, taró kres eña chewara'sa?" ⁴³ Simón akaworpishki ti'kí: "Tasmá ña'awá toh kres perdona ki'iró." Jesús ñe'i "pama eña juzga ishkía." ⁴⁴ Jesús wartapehí neí cortaña ti'ki Simónró: "che'iña in korta. Tasma tokachí pikaoña. I aso tautuchi tata'suka, inka ekama awá tiyayo' tasuwá tata'ha i tauskua asausyó. ⁴⁵ Pamá taúhnashkutuchi, te'bonachiri, i eka as nani chani takashtestua tauhnashkia." ⁴⁶ "Pama tasá aceité muhutichi, i ekama tatá aceite tamuhwachi perfumado. ⁴⁷ Toh karó ta'kaawa, toh warkua wé encheí. Taró akinatis perdonaki'íma akinatis enchewá." ⁴⁸ Akashki eka ti'kií ekaró: "Pi' warkua ishkurimá tish pirpeshkua." ⁴⁹ Toh akualerimá yu'rá ñe'ri: "¿Tasa inhí toh warkua ishkrí karpeshkuaí?" ⁵⁰ Akashki Jesús ñe'hi kortaró: "pi fe pirpeshkua nau senrí."