¹ Mutoue titamigu arige ita oio tamutou paru oioa airuru, kokora mutou ari pou vavaga oioa tavovuro ra kiraka ga mutou ga abirivue gitari igoa airuruo gomai abigomu te Pago mutou ga kaka tavue mutou, gama ga paru oioa tsirovora . ² Mutou itaita koramuri ari borea aitsi kumura te titamimutou tomi mae a garu ari Iesu vainoe tatou. ³ Arige ta-aro ita gabu vere eia oio matata, aramori maurira bunu oioa airuru, eia kogono rivu eia. ⁴ Gitari igoa aigogoru, gitou ga matarivu soiroa mauri gitou, gitou oio ioigoa aigogoru te Pago.Gitou igoa tarari itsi sae gitou. ⁵ Tsimoro, tsimae a tauaro ita ita, mausaka ga garitavue eia. ⁶ Ta-aro ari rovi ari veiveia peperera te Pago ga gabutara tsigia totsibo ari kokora tomi eari vaimimaria peperera. ⁷ Mutou gama ko-ono ire Pago eia gama ta-aro ra kogonora tsimae, a papaga ari mutou veigaria oio a mauri ra tamutou ga inoa vavuara. ⁸ Ta-aro ari oigoa tavovuro ari bunu eaga vapogea masaukara, eari ioigoa tavovuro ari kokora oiroa vagagarira karurutabu eaga abia Maurirari kokora arogo kakara. ⁹ Tatouga ioigoa airigo ari kokora re eia ga vigaria vavuara. ¹⁰ Tsimora gauru ari kokorare, tsi ga emi e vararua tomie gitari tautau ra iro. ¹¹ Apepererari eau kikesia soio tamutou ere, eau tsi kikesiao. ¹² Gite vararua ari vera gari kokora oioa mature vararua,Pol pepere vararua gitou ire gitou ga vaiburaso. ¹³ Gita tauaro ari vaiburaso rivue gitou-o,gitou gama tsitsiria gauru ra.Aramori gitou masaga vere mutou ga vaiburaso. ¹⁴ Aramori eau gama itsi saea aisagu ira rova tavovurora magasa vere mutou ga vaiburaso ire gitou ga abia aisa kerira. ¹⁵ Ta-aro ari vaiburaso,ta-aro gama vaiburaso, ea gama tsibo kerira, ara mori tsibo seserera, tatou ga gari araba. ¹⁶ Oio tegite verarua ravaira tegitou e Israeli, gomai kara igoei, giorgi te Pago ga poutomie gitou. ¹⁷ Soko igoei kara vamuri, gama ino taroe vararua ita ouka, ire eau mararani ra te Iesu oioa vovogu. ¹⁸ Tsi mae teitamigu maraoa girogo te Iesu gagi pou tomia karuru tamutou, sesere!..