¹ Gari matagaga,rature e Iesu vaigarie tatou oio a matagaga. Magiri vavaga,gama ioigoa tavovuro ari bunu ouka ire tatou tauaro gama bunau tera magasai. ² Ino eau Pol,eau veia mutou. Arige mutou vaburasoe e mutou,e rature tamagatou gamaga surie mutou ouka. ³ Eau veiparae mutou kakara. Erei ari vaiburaso a vovomutou, mutou ga magiri vagari tsirimuria vaterira. ⁴ Emutou ari pou marau oio te tamagatou,emutou gama rovia-a vaterira,mutou gama-ga rovia tavovuro te tamagatou. ⁵ Oio vagagarira Karurutabu tomia tautaurairo, tatou ga pou makovu igoa moria tavovuro ari kokora. ⁶ Oiro te rature tamagatou,ta-aro ari vaiburaso a vovorao ga ma paga ita -a,ouka ire e rature tamagatou masage tatou ga sautorea tautaurairo tegatou soio te tamagatou. ⁷ Tatou ga pou kokora.Erei tsi vere mutou gau mara tsitsiria peperera te rature tamagatou. ⁸ Peperera arei te rature tamagatou ire eia tatora e tatou. ⁹ Paga keketu e tatou igoa soio te Rauru. ¹⁰ Tautau rairo tegatou soio te Pago.Eau gama ga igo a tavovuro ari bunu ouka.Tavovuro ari bunu e mega peo ira. ¹¹ Tatuagu mutou karuvu ira tavovuro arere. mutou ga tsitsiri moria tavarautu. ¹² Eari pepere matotomo amutou-o, eau masaga e gitou ga igo garei a tavovuro tegitou. ¹³ Tatuagu arige mutou ga pou matagaga mutou ga matapaea airigo ari bunu. Tatou masaga e gamgatou ga kokorae gitou. ¹⁴ Vaterira e Mosesi veia,araba oiroa.Eme ga masaga e tamimu mae eme morio. ¹⁵ Arige eme kuea, o eme igo bunua eme ga matau ira maurira tetara. ¹⁶ Mae eau veia amutouo, mutou ga tuga toitomia Karuru Tabu. ¹⁷ Tamusiari bunuo, a Karurutabu vateterie mutou ga sautorea ouka. Ira arei eaga veigaria baugura orioa maurira. ¹⁸ Arige Karuru Tabu ga muga eme, eme gama oioa garurura peperera. ¹⁹ Mutou ge rovi ta airigo ari bunu. Tavovuro mae, atoroverira, atemamasira tomia airigo ra totsibo ari gama kokora, ²⁰ tavovurora magasa ma airigo ra puigoro, tavovuro ra biriri, tavovuro ari bunu tera magasa mae, totoro tavue pagoa kogonora, tavovuro ra ate mamasira, tavovurorari biri peo e vararua me vararua ra itsi saea aisamu, ²¹ mae airigora ate mamasira tavue vararua ari pou eiemi mea tavovurora are kasara. Gitou ari igoa tavovuro arei, gitou gama ga goio a mautu ra marokara. ²² Arimori vavuara KaruruTabu tsi maea masagara momogera, tamusi maigi, poukeke, masage titamimu mea kokorara tautarairo, ²³ vaemira tomia tavovurora poukeke oioa gaurura ita vigaria airigo arei. ²⁴ E gitari te Iesu tsi vaipeoa airuru tegitou tomie Iesu oata tauvarautu. ²⁵ Arige tatou pou oioa vagarira te Karuru Tabu, tatou ga tuga tomia Karuru. ²⁶ Tatou umara kogono ari itsi saea aisagitou soio te ta aro ita ita tomia tavovurora a irisu.