¹ Gitou e Geleisia, "mutou umara momogo! Eretsi taua peperera masori soio tamutou?" oia mata mutou Iesu mori tsi peo oata tauvarautu. ² Atsibo ita mori eau ga suri e mutou. Mavei mutou tautau rairo re Karuru Tabu oioa aigogoru tegitou oioa peperera ari mutou noa o? ³ Mavei mutou momogo? E mutou tsi motou igo gugoru tomie Karuru Tabu igoe mutou veikaruvua aigogoru oioa vagagrira vovo. ⁴ Mavei mutou abia airirigi ari komuko bunau, ea kokora ari ge mutou abia airirigi bunau? ⁵ Mavei a ta-aro ari abia Karuru Tabu soio tamutou eia igoa aigogoru kabiri tamutou, mutou noa peperera mutou oio tautaurairo? ⁶ Mae Abram "tautau soio te Pago eia abia aisa mae ta-aro matata." ⁷ Oioa garu ita mori, mutou ga inoa, mae, gitari mae tautaurairo egitou tsi rature Abram. ⁸ Peperera te Pago veipara soko mae Pago vainoa tautaurairo soio te vararua ari matata. Peperera arei pou soko te Abram eia vei mae, "oio taume, vararua kakara otaro a tabu ga momoge." ⁹ Egitou ari tautau rairo egitou ga momoge tomie Abram, eia ta-arora tautau rairo. ¹⁰ Egitou a vouvouru ari taua tamusi gitou tomia gabutarara tegitou oiro oioa aigogoru tegitou,egitou ga pou oiro oioa masaukara.Mae a peperera te Pago veiao, "Masaukara ga vapoge gitou vararua ira gama tsirimuria a peperera oiro oioa gaurura." ¹¹ Igoei ea matagaga mae ta-aro ita eia gama matata oioa mata re Pago oioa tavovuro ari tsirimuria gauru re vararua ari matata ga pou oioa tautaurairora." ¹² Ari mori agaurura gama oiro oioa tautaurairo,ouka."a ta-aro ari igo gugoru oiro a gaurura ga pou tomi egitou." ¹³ Iesu ea abirivu etatou oioa masaukara tegatou.Peperera te Pago veimae,"Masaukara ga vapoge gitou tauaro ari patsitsiri oioa aobu." ¹⁴ Mave avabira te Abram gomai oio te gatou e vararua oio te Iesu oioa tavovuro ra tautaurairo e tatou ga abia peperera seserera te Karuru Tabu. ¹⁵ Mutou taitanigu, mutou taua somai tegaku eau ga peperea tavovuro ra ta-aro.Oioa tavovuro ari abia Kontrak ta-aro ita gama ga savurea o taua pirigira peperera soio te tara mae agaurura vei vagaria oioa Kontrak. ¹⁶ Igoe peperera veivagaria te Abram tomie isuna tetara.Ea gama pepere ire gite isuna,"ea veia vararua komuko ari mori eia veia ta-aro ita, isuna taume,arimori eia te Iesu. ¹⁷ Igoei eau rovia vera gaurura ea gari mae 430 arevara vamuri,gamaga sabubua a Kontrak e Pago vei garia rawaira o. ¹⁸ Mavei totsibo ari tamagu abia soio te ratura ea gomai oioa tavovurora ari tsiri muimuria gaurura arei gama veigaria.Ouka Pago abiare Abram tsirimuria vaikisira tetara. ¹⁹ Mavei,igoe,avura gabutara ra aretera agauru o?Oioa tavovurora nomuri ra ouka egitou taua a gaurura te isuna te Abram vei vagarira ea ga gari.Vei vagarira gagari vei garia oioa aigogoru tegitou e gaero kabiri tegitou ita. ²⁰ Igoei ta-aro ita kabiri turi e ta-aro ita,Pago mori tsi ita o. ²¹ Arimori a gaurura gama matata tomia vaikisira te Pago?Sesere matomo ouka!Mavei gaurura pou ra waira abia gatou a maurira,tavovuro te gato arige ea maroka sesere matomo tatou ga veigaria tavovuro ra gaurura tsirimuria tavovuro. ²² Peperera te Pago sautora matomoa totsibo kakara oiro oioa purourou ari bunu.Pago igoa maere ga vaikisira tegatou gavagari oiro te Iesu. ²³ Soko oioa tavovuro ra tautaurairo gomai tegatou pou oiro a bigomu auru vara gaurura,mavei tautaurairo ga gari matagaga. ²⁴ Tsi a gaurura gari a tarora bomurira tegatou.Iesu gomai te Pago teie tatou ta-aro matata oioa tavovurora tautaurairo. ²⁵ Mae igoe tautaurairo gari matagaga,tatou gama pou oioa auruvara ta-aro ra bomurira. ²⁶ Mae mutou kakara e rature Pago oioa tavovuro ra tautaurairo oiro te Iesu. ²⁷ Mae komuko oio tamutou abia pupurura oiro te Iesu mutou abite Iesu. ²⁸ Aeri re Juda ouka o aeri re Grik a ta-arora igogoru ouka o a ta-aro pou bunau o tamare o tasema,ire mutou kakara oiei pou ita mori oiro te Iesu. ²⁹ Arige mutou te Iesu, mutou gari e isuna te Abram mutou ga abia totsibo te tamagu vamuri gaurura pou etsi.