¹ Vamuri oioa revara savuru gotaro iva, eau pirivu soata e Jerusalem tomie Banabas abitomi e Taitus tomi eau. ² Eau tsi pirivu soata e Jerusalem, irarova eau abia taukovu veiveia kabiri oio te aporora tai mare tomi tavevire. Eau pepere kukovu mora re gite muraruga, terari vainoa mae eau gama asi bunau. ³ Arimori e Taitus eia taro re Grik ita, gari pou tomi e eau matsi gito gama vei vagaria reia vere eia ga vaiburaso. ⁴ gite tatuagu ari kogono gomai mori ari taukovu, inopakikarie mitou pou kokora oiro maurira te Iesu. ⁵ Arimori oia rogo ita mitou gama noe gitou ga pou otaro oia auruva gitou. terari igoa peperera ari sesere ra ari soio pou tomie mutou. ⁶ Gitoe tau aro erei tsi eau gabu veivera gitou tsi mamuga soko (arimori gitou te ta-aro ari maei. Ge Pago gama rovia tavuvurora igo revira) gitou ta-aro ari aururu gitou gama igoa paga ita somai teaku. ⁷ Oioa garera ita gitou inoa mae Pago abia agaku aigogoru terari vei para ea peperera seserera soio te gitari gama vaiburaso e gitou. Pago abia re Pita aigogoru terari vei seserea soio tegitari vaiburaso to. ⁸ Pago eia oiro pou te Pita, terari igogoru mae Aposel soio te gitoue vararua. ⁹ Oioa rogo are Jeims, Sipasi, Jon tomie gitou e vararua, gitou inoa matagaga tsi gotou vaipuritsia rumara kiraka gitou ino matagaga girogo te Pago eia abia somai teaku. Tegitou tau e mira me Barnabas ga igoa ai gogoru ra rotu, gitou iga mae somai te mira ga mira koramuri ari goio te vararua ga gitou mori ga goio tegitari vaiburaso to-o. ¹⁰ Gitou tagie mitou rari gabutari gitou arogora tsibo morare eau masaga ra rari igoa. ¹¹ Oioa rogo arere Kepas gomaie Entiok te eau kareia oioa matara ira vura gitou veivera tavovurora bunu. ¹² Soko-o vararua sari so gama gomai te Jeims, Kepas ga ari tomie vararua sari, gamae gitou e Juda. Ari mori oioa rogo are gitou vararua ari gomai, eia magiri, eia pou abua oio te gite tauaro ari gamae Juda, eia matau vaure ta-aro ari pepere vagari matomo ra vaiburasora. ¹³ Mate gite Juda tai tsitsi ria kogonora gabutara arere. Ge Barnabas tai gama masaga ari tsitsiria gabutara te gitou. ¹⁴ Ari mori eau inoa mae tavovuro gitou goma tsitsiria peperera seserera, eau veiare Kepas oioa matare vararua kakara mae arige me ta-arore Juda mega pepere vagaria re gitari gama e Juda ga gitou ga pou mae gitou e Juda. ¹⁵ Tsie pigoe mitou temitou pou mae vararua re Juda, mitou gama tarora baugura mae gitou ari gama e Juda. ¹⁶ Mitou rovia mae eita gama matata oioa matara gaurura ge oio vora gaurura tautaurairo oio te Iesu. Mitou tai tautaurairo oiro te Iesu, tera gaurura eita gama ga koramuri ari gari matata ouka. ¹⁷ Ari ge tato vera ga paea gauru ari gari ta-aro kokora oiro te Iesu tai ga pou mae gitari bunuo, mutou gabu vere Iesu eia ta-arora vei vagarira tavuvurora baugu? ouka vau. ¹⁸ Arige eau ga vaipuritsi roua papaga ari eau igo bunu tsi ao, oio eau tsi garia ta-aro ari igo bunu ta gaurura. ¹⁹ Oioa garu ra tsitsiria gaurura eau pou mae ta-aro ari peotsi, eau gama pou mauri rou, arimori eau pou mauri oiro te Iesu. ²⁰ Gitou orai patsitsirie Iesu tomi eau oioa tauvarautu tsi eau gama eau mauri rou, ge Iesu eia pou mauri oiro teaku. Mauri ari oiro oioa vovo arei eia pou mauri oiro ia tavovurora tautau rairo terari abirivu eau. ²¹ Eau ga tau pepea girogo te Pago oioa peperera ouka eau abi matata tavovuro ra ari tsitsiria gaurura ari kokora, Iesu eia peo bunau.