¹ १) जो विश्वास म कमजोर स तिला आपनी संगती म ली लेवा तिनी शंका प गाठयो करवा नी करता नहा ।

² २) किसाका यकला विश्वास आस का भडाज खावाना सारा आस पन जो विश्वास म कमजोर स ,तो साक पालो ज खाय स । ³ ३) अन खानारो न खावालनारो यरुज नहा समझ सा अन खानारो अन खावालनारो प गलती नहा खालसा किसाका परमेश्वर न तिसला स्वीकार नो आस ।

⁴ ४) तु कोय स त बिसर नो सेवक प गलती खायलनारो ? तिना सांत खाना का वदरी पलवाना तिना स्वामी थीज सम्बन्ध थव स , पन ता सांत ज करी देवात किसाका प्रभु तिला सांत करी शक स । ⁵ ५) कोय त यका दिन ला बिसरा थी वधीन मान स , अन कोय त भड दिन ला यक सरखाज मान स ,आपनी ज मनम तई करी लेवा ।

⁶ ६) जो कोन्स दिन ला मान्तो हुई त तो प्रभु नी करता मानतो हुई ,जो खाय स तो प्रभु नी करता खाय स किसाका तो परमेश्वर ला धन्यवाद कर आस ,अन जो नहा खातो हुई त तो प्रभु नी करता नहा खातो अन परमेश्वर ला धन्यवाद कर आस । ⁷ ७) किसाका हामुस मथी नहा कोय सौतानी करता जिवतो नहा सौतानी करता मर ता ।

⁸ ८) किसाका जर हामु जीवत स त प्रभु नी करता जीवत आस अन जर मरवा त प्रभु नी करता मरवा फिरी हामु जिवुत का मरवा हामु प्रभु नाज सत ।

⁹ ९) किसाका मसीह ईनि करता मरनो अन जीवतो भी उढनो तो मरीलस नो अन जीवतसनो बेनिसनो प्रभु होय । ¹⁰ १०) तु सोतानो भाव म गलती किसा काल से? तु फिरी सोतानो भाव ला किसा यरुज समझ ; आपु न भडज न भडज परमेश्वर नो न्याय नी राजगाधी नी सुमुर उभ रइवा ।

¹¹ ११) किसाका लिखेला आस; मनो जिवन नी कसम का इर एक जनो मनी सुमुर गुलगा टेकवी ; अन दरेक नि जिभ परमेश्वर ला स्वीकारी करी ।( यशायाह ४५:२३, यशायाह ४९:१८) ¹² १२) त फिरी हामना मरी दरेक परमेश्वर ला जिना तिना हिसाब देही ।

¹³ १३) ईनि करता आगय थी आपु यक बिसरसप गलती नहा लगालसा पन तुमु ईज मानी लेवा का कोय आपन नी सुमुर ठेस नहा त ठोकर लागवानी वजय नहा थवसा । ¹⁴ १४) मला मालुम आस अन प्रभु यीशु थी मालुम पलना स का कोन्सी वस्तु फयल थी गन्धी नहा पन जो तिला गंन्धी समझस आस तिनी करता गंन्धाज स ।

¹⁵ १५) जर तुनो भाव तुनी बाकर नी वजय री नाराज होय त फिरी तु प्यार नी रीति थी नहा चालतो जिनि करता मसीह मरनो तिला तु तुनी बाकर नी वजय थी नाश नहा कर स । ¹⁶ १६) आमी तुनि भलाई नी चुगल नहा शेवाव ।

¹⁷ १७) किसाका परमेश्वर ना राज्य खावाना पीवाना नहा ; पन धार्मिकता अन मिलाव अन ति खुशी आस जो पवित्र आत्मा थी होय स । ¹⁸ १८) जो कोय ईस रीति थी मसीह नी सेवा कर आस तो परमेश्वर ला पसंद स अन मन्स सम मानवानी योग्य ठयर आस ।

¹⁹ १९) ईनि करता आपुन त्यो गोठयो सनो प्रयत्न करा जिना थी मेल मिलाप अन यक बिसरा नो सारा होय । ²⁰ २०) बाकर नी करता परमेश्वर ना काम नहा बिगाडस ; भडाज त साराज त आस पन ता मनुस नी करता खराब आस जिला तिनी बाकर थी दुःख लाग स!

²¹ २१) सारा त ई स का तु नहा मांस खाथ अन र्दाखरस पिय नहा अन काय ईसला कर जिनाथी तुनो भाव ढोकर ना लाग । ²² २२) तुनो जो विश्वास स तिला परमेश्वर नी सुमुर तुनो मनम थव धन्य सत ते जे ति गोठ म जिला ते सारी समझत स सौताला गलत नहा समझ तो ।

²³ २३) पन जो शक करीन खाय स तो सजा नी करता खायली देन सत किसाका तो विश्वास थी नहा खातो अन जा काय विश्वास थी नहा ता पाप आस ।