अध्याय १२
1
१) ईनि करता अ भावुस होन मय तुमला परमेश्वर नी दया स्मरण देवालीन रावन्यो करु का आपना शरीर ला जिवत अन पवित्र अन परमेश्वर ला भावता होयन बलिदान करीन चढावा ईज तुमनी आत्मिक सेवा आस ।
2
२) अंन ईज दुनिया ना सद्दश नाहा बनसा पन तुमनी बुध्दि थी नवी होय जावाती तुमनी चाल चलन भी बदलती जाई तिना थी तुमु परमेश्वर नी भोयो अन भावती अन भावती अन पुरो मन थी ईछा अनुभव थी मालुम करत रईवा ।
3
३) किसाका मय आशीर्वाद नी वजयरी जा मला मियना स तुमु स्मरी इर यक सनाला आकु का जिस समझवाना हुई तिना थी वदार कोय भी सौताला नाहा समझसा पन जिस परमेश्वर न हर यक ला हिसाब थी वाडी देनो आस तिसज का सुबुद्धि नी हारी आपला समज ।
4
४) किसाका जिस आपनी शरीर म मुकत अंग आस अन बट अंगों सना पकनी मापक काम नहा ।
5
५) तिवी गत आपुन मुकत स मसीह म पक शरीर होयन थकलस्म पक बिसरा ना अंग आसत ।
6
६) अन जव का तो अनुग्र नी मायक जा आपला दियला आस ; हामला जात जात ना वरदान बेटीला आस ; त जिला भविष्यवाणी नो वरदान भेट नो स ता तिनो परिनाम नी रिसाब थी भविष्यवाणी करा ।
7
७) नात सेवा करवा नो वरदान मियनो हुई त तो सेवा म लागी रवा ; नात कोला शिखाल नारो होई त तो सिखालवाम लागी रवा ।
8
८) जे संदेशक होईत तो शदेश आकवा म लागी रवा दान देनार हुई त पुरो मन थी देवा ; जो रक्षा कर तो खुशी थी करा ,जे दया करत ते दिल थी करा ।
9
९) प्रेम निष्कपट होई ; बुराईला घृणा करा ; सारा करवा म ।( आमोस ५:१५)
10
१०) भाई चारा नो प्यार थी पक बिसरा ला स्नेह थवा परसार करवा म यक बिसरा थी वधी जावा ।
11
११) प्रयत्न करवा म आय साल नहा आत्मिक उमिद म भराय ल रवा प्रभु नी सेवा करत रवा ।
12
१२) आशा नि बारा म खुशीम ; कलेश नी बारा म सांत रवा प्रार्थना नी बारा म यक मन रवा ।
13
१३) पवित्र मन्सला जाकाय जरुरी हुई तिनाम तिसनी मदत करा बिसरा सनी मदत करत रवा ।
14
१४) आपला सताल नारसला आशिर्वाद देवा ; श्राप नाहा देशा ।
15
१५) खुशीया मनाल नार स नी हारी खुशीया मनाला ; अन ललनार सीन हारी लला।( भजन संहिता ३५:१३)
16
१६) आपुनम यक मन थवा अभिमान नाहा थलशा पन दीनो सनी हारी संगति थवा आपनी दृष्टी म बुध्दिमान नाहा होस ।( नीतिवचन ३:७, यशायाह ५:२१)
17
१७) गलत नी बदलाम कोना गलत नाहा करषा ,जो गाढयो भट मनस नी नजुक सारी स तिसनी चिंता कर्या करा ।
18
१८) जहा लुगी होय ताव लुगी तुमु भी सर मन्स नि हारी मेल मिलाप थवा ।
19
१९) ओ मन प्रीयो बदलो नहा लेशा पन परमेश्वर ला गुरशा नो मोको देवा किसाका लिखेला आस बदलो नहा लेशा मना काम स प्रभु आकस मयज बदलो लेईस ।( व्यवस्था ३२:३५)
20
२०) पन तुनो दुश्मन भुख्यो हुईत तिला भाकर खावाल नाहात पिक्षे लेवानो हुईत तिला पानी पिवाल किसाक ईस करवाथी तु तिना मुन्ढका प आंगना इंगार नो ढिगलो करस ।( नीति वचन २५:२१-२२)
21
२१) बुराई थी नाहा हार सा पन भलाई थी बुराई ला जीकी लेवा ।