अध्याय ११
1
१) इनीज करता मय आकुका परमेश्वर तीनी प्रजाला त्यागी देनोका ,कवज नहा मय भी त अं इस्राएल स अ अब्राहम नो वंश अंन बिन्यामिन नो गोत्र मथी स अ ।
2
२) परमेश्वर नी तीनी तीखी प्रजाला नहा व्याग नो जो तिला ययल थी ज जाननी का तुमु नहा जानतअ पवित्र शास्त्र एलियाह नी कथा म अ काय आकन का तो इस्राएल नी विरोध म परमेश्वर थी विनंती क कर आस का ।( भजन संहिता ९४:१४)
3
३) येय प्रभु ते तअ तुनअ भविष्य दृक्ता ला मारी डाकनस अंन तुनी वेदियीला ढा देन सअ अंन मयज यकलो बची गयी अंन तेये मनो जीवन भी खोजी आसत ।( १ राजा १९:१०,१राजा१९:१४)
4
४) पण परमेश्वर थी तीला काय उतर बेटनो मयत सौतानी करता सात हजार मन्ससला राखी छोरनी आस जेये बालनी समुरथी घुटननहा देकन ।( १ राजा १९:१८)
5
५) ईज रीति थी समय भी अनुग्रह ई थी चुनेल सला कईक लोकस बाकी सतअ ।
6
६) जर ईयी अनुग्रइ थी होना सई तअ किरी कर्मो थी नहा नाहा तो अनुग्रइ किरी अनुग्रइ नहा रनो ।
7
७) किरा परिणाम काय होनो ईयी का इस्राएल तिनी खोज म स अ तो तीसला नहा मियनो पण चनेल लसला मिय अंन बाकीन लोकस कठोर करवा म यनअ ।
8
८) जीस लीखेला स अ परमेश्वर तीसला आज नी दिन सुधी मदता नी आत्मा दिई यवनो सअ अंन ईसडा डोया दोना जा नहा देख अंन ईसडा कान जा नहा वनाय ।( व्यवस्था ४: ,यशायाह ६:९-१०, यशायाह २९:१०,यहे १२:२)
9
९) अंन दाऊद आकका तीसना खावाना तीसनी करता जाल अंन कन्दी अंन ढोकर अंन दण्ड नी कारण होय जाई ।
10
१०) तीसना डोथा पअ आदोरा होय जाई तीसज नहा देखत अंन हमेशा तीसनी पीढला ज्ञुकाडी न थव।( भजन संहिता ६९:२३)
11
११) त अ मय आकुका तेय हीनी करता ठोकर खान का वदशी जात कवज नहा पण तीसना वदरवाना नी कारण विसरजात न सला उदधार मियनो का तीसला जलन होय ।( व्यवस्था ३२:२१)
12
१२) आमि सुधी तीसना वदरवाना जगत नी करता धन अंन तीसनी समय बिसरजात नी करता सम्यति नी कारण होय तीसनी भरपुरी थी कतला कअ होई ।
13
१३) मय तुमु बिसरजात वायसला गोट आकुका जव का मय बिसरजात वाय सनी करता प्रेरित आस मय मनी सेवा नी बडाई करु आस ।
14
१४) तावुक कोन्सी पवार थी मय मनो कुटुम्ब सला थी जलन करवावीन तिसनास मथी कईक ना उदधार करावी स ।
15
१५) किसाका जव भी तीसना त्याग करी देवाना दुनिया नो मिलाप नो कारण ज्ञोना त काय तिसना ग्रइण करी जावाना मरीलस म थी जिवतो उठवानी बराबर नहा ज्ञोवाव काई ?
16
१६) जव भिट मनो पयलो पेडा पवित्र ठइयर नो त पुरा लोट मस ईलो भी पवित्र स अन जड पवित्र ठइरी त फानगी भी ईसज होयी ।
17
१७) अंन कदाच कईक फानगी तोडी वेन अन जंगली जेतुन होयन तीसना म साडी देन अन जेतुन ना थलमा नी चिकना ना भागी होनो आस ।
18
१८) त फानगीसप घमंड नहा कर सा ,अन कदाच तु घमंड करस त गोठ ध्यान म थव का तु थकगा ला नहा पन मुयकांड तुला समाथ आस।
19
१९) फिरी तु आकस फानगी ईनि करता तोडी देन का मला साडा जईत।
20
२०) सारा ते त बिन विश्वासी नी वजय री तोडी देन ,पन तु त विश्वासी थी बनी लो रइय स ईनि करता अभिमानी नहा होस ,पन डर थव ।
21
२१) किसाका जव परमेश्वर नो स्वाभाविक फानगी नहा छुटु नी त तुला भी नहा छोलाव ।
22
२२) ईनि करता परमेश्वर नी दया माया अन काडाय ला देख वदरी गय ,तिसला कडी देवाना ,पन तुप दया माया ,जर तु तिनाम टिकरी नहात तुला भी काडी देवाम यही ।
23
२३) अन ते भी जर बिनी विश्वासी मन नहा रइसा नात साडी देवाम यईति किसाका परमेश्वर तिसला नेवगंती साडी सकी ।
24
२४) किसाका जर तु ता जेतुन थी जो स्वभाव थी जंगली आस काडी गय अन स्वभाव नी विरुद्ध सारी जेतुन म साडी गया तो तो स्वाभाविक कानगी आस आपनाज जेतुन म साडी किसा नहा गय ।
25
२५) एय भावुसहोन नात ईस नहा होय का तुमु सौताला बुद्धीमान समजी लेवा इनि करता मय नहा चाइतो का तुमु ईस भेद थी अनजान रइवा का जाव लुगी समाज पुरी रीति थी वसम नहा करी लेत ताव लुगी इस्राएल नो यव भाग ईसज जीध्दी रही ।
26
२६) अन ईज रीति थी भडा इस्राएल उद्धार मिई जीस लीखेला आस छोडवनारो सिय्योन थी यही अन अभक्ति ला याकुब थी दुर रही ।( यशायाह ५९:२०)
27
२७) अंन तिसना हारी मनी ईज गोठ होई जव का मय तिसना पाप ला दुर करी देईस ।( यशायाह २७:९, यशायाह ४३:२५)
28
२८) ते शार्यो गोढयो नि हिसाब थी त तुमनी करता ते परमेश्वर ना बैरी स ,पन निवाडी लेवा नी हिसाब थी जुंन डयल नी वजय री प्यार स ।
29
२९) किसाका परमेश्वर ना वरदान थी अन वाहिरला थी कवज फसय नहा खरकतो ।
30
३०) किसाका जिस तु न पयल परमेश्वर नी आज्ञा नहा मान न पन आमी तिसनी आज्ञा नहा मानवा थी तु प दया होनी ।
31
३१) तिसज ते भी आज्ञा नहा मानन का तुप जि दया होय स ईनाथी तिसप भी दया होय ।
32
३२) किसाका परमेश्वर न भडसला आज्ञा नहा मान वानी वजय बन्द करी थवनो मंजे ता भडसप दया करी।
33
३३) यहा परमेश्वर नो धन अन बुध्दि अन ज्ञान कतलो शीरीयस स,तिना विचार किस अथाई अन तिनो रस्तो किस शारो आस ।
34
३४) प्रभु नी बुध्दि ला कोय वयकना ? का कोय तिना सहारो करनारो बनी गया आस ।( अय्युब १५:८, यिर्म २३:१८)
35
३५) का कोय पयल तिला काय देना स जिनो बदलो तिला देवाला जाही ? ( अय्युब ४१:११)
36
३६) किसाका तिनी गुम थी अन तिनीज वजय थी अन तिनीज करता भडाज आस तिनी महिमा युगानुयुग होती रही ।( आमीन )