2 २. तुनी माय अन आबा नो आदर कर ई पयली आज्ञा स जिनी हारी प्रतिज्ञा बी स ।
3 ३. क तुना सारा होय , अग तू धरती प मुकता दिन जीवतो रय। 4 ४. अन ऐ आबा लोग , तुम न पोर्य ला रिस नाहा देसा पन प्रभु नी शिक्षा अन चेतावणी दे त तीसनो पालन पोषण करा। 5 ५. ऐ दासो, जो लोग संसार नी अनुसार तुम न स्वामी स तुमनो मन नी सिधाई ती भीव त, अन कोंय त, बींस मसीह नी, तीस ज तीसनी भी आज्ञा माना।
6 ६. अन मनस ला खुश करनारस नी मायक देखावानी करता सेवा नाहा करा , पन मसीह ना दासो नी मायक मन ती पपरमेश्वर नी इच्छा प चाला ।
7 ७. अन ती सेवा ला मनस नी नाहा , पन प्रभु नी जानीन सुइच्छा ती करा ।
8 ८. किसाका तुमु जानत स , क जो कोय जीसळा सारा काम करी भले दास होय, भले स्वतंत्र , प्रभु ती तीसज मीयी । 9 ९. अन ऐ स्वामि , तुमु भी धमकीसला सोळीन तीसनी हारी तीसज व्यवहार करा किसाका जानत स , क तीसना अन तुमनो भेनी नी स्वामी स्वर्ग म स , अन तो कोनोज पक्ष नाहा करतो । 10 १०. इनी करता प्रभु म अन तीनी शक्ति नी प्रभाव म ताकत वाला बना ।
11 ११. परमेश्वर ना बट्टा हथियार बांधी लेवा , क तुमु शैतान नी युक्ति नी आगय हुब रय सकत । 12 १२. कीसाका हामनो ई मल्लयुद्ध , रगत अन मांंस ती नाहा पन प्रधानस अन अधिकारियो ती , अन ई संसार नी अंधकार न शासको ती , अन ती दुष्टता नी आत्मिक सेना ती स जो वादया म स ।
13 १३. इनि करता परमेश्वर ना बट्टा हथियार बाँधी लेता क तुमु खराब दिन म सामना करी सकन , अन बट्टा काय पूरा करीन स्थिर रय सक । 14 १४. इनि करता खरा ती तुमनी कमर कसीन , अन धार्मिकता नी झिलम पोवीन ,
15 १५. अन पाग म मेल न सुसमाचार नी तैयारी न जोडा पोवीन ,
16 १६. अन ते बट्ट नी हारी विश्वास नी ढाल लीन स्थिर रवा जिनाती तुमु ते दुष्ट न बट्ट सीलगता तीरसला होलावी सकत । 17 १७. अन उद्धार नो टोप , अन आत्मा नी तलवार जो परमेश्वर नो वचन स , ली लेवा ।
18 १८. अन दर टाईम अन दर प्रकार ती आत्मा म प्रार्थना , अन विनती कर त रवा , अन जाग त रवा क बट्ट पवित्र लोग नी करता लगातार विनती करा - करा , 19 १९. अन मनी करता बी क मला बोलवानो टाईम इस प्रबल वचन देवाय क मय हिम्मत ती सुसमाचार नो भेद आकी सकु ,
20 २०. जिनी करता मय साकयोती जकडायलो राजदूत स । अन यी बी क मय तीनी बारा म जिस मला जोय हिम्मत ती बोलु । 21 २१. तुखिकुस जो प्रिय भाव अन प्रभु न विश्वासनी लायक सेवक स , तुमला बटयो गोटयो आकी क तुमु बी मनी दशा जाना क मय किस काय रव स ।
22 २२. तीला मय तुमनी जाग इनि करता मोकली स , क तुमु हामनी दशा जा ना , अन तो तुमना मन ला शान्ति देय। 23 २३. परमेश्वर आबो अन प्रभु यीशु नी घुम ती भावस ला शांती अन विश्वास सहित प्रेम मिय ।
24 २४ जो हामनो प्रभु यीशु मसीह ती अमर प्रेम थवत स , ते बट्ट प अनुग्रह होतो रय ।