¹ १ इनिकरता मय जो प्रभु म बन्दी स तुम ला विनंती करु स क जि बुलाहट ती तुमु वायरेल आतल तीनी योग्य चाल चाला ।

² २ मन्जे बट्टी दिनता अन नम्रता सहित अन धिरज धरीन मया ती यक भिसरानी सही लेवा ।

³ ३ अन मेल नी बन्धन म आत्मा नी यकता यवानी यत्न करा । ⁴ ४ यक ज आन्ग स , अन यक ज आत्मा , जीस तुमला जो वायरेल आतल सोताला वायराती यक ज आशा स ।

⁵ ५ यक ज प्रभु स , यक ज विश्वास , यक ज बाप्तिस्मा ,

⁶ ६ अन बट्ट सनी यक ज परमेश्वर अन आबो स , जो बट्ट नी उपर अन बट्ट नी मध्य म , अन बट्ट म स । ⁷ ७ पन हामुस मती बट्टसला मसीह नी दान नी परिमाण ती अनुग्रह मियनो स ।

⁸ ८ इनी करता तो आक स , ' तो उपर चळनो , अन बन्दिसला बोंधी न ली गयो , अन मनसला दान देनो '। ⁹ ९ तिना चळवाती , अन काय अर्थ मिय स खाली ई क तो धरती नी निचली जागास म उतरनोलोबी ।

¹⁰ १० अन जो उतरी गयो यो तोज स जो बाटा वादयानी उपर चळी बी गयो क बटा काय परिपूर्ण कर । ¹¹ ११ अन तो कतलक ला प्रेरित निवळ करीन , अन कतलकला भविष्यवक्ता निवळ करीन अन कतलाक सुसमाचार वनाळनार निवळ करीन, अन कतलाक ला रकवायो अन शंदेश देनारा निवळ करीन दी देनो ।

¹² १२ जिना ती पवित्र लोग सिद्ध होय जाय अन ना काम कराय , अन मसीह ना शरीर उन्नति पायी ।

¹³ १३ जाव लुगु क आपु बट्ट न बट्ट विश्वास , अन परमेश्वर न पोर्य नी वयकात म यक नाहा होय जात अन यक सिद्धी मनुस नाहा बनी जावुत अन मसीह ना पूरा डील - डौल सुदी नाहा वदी जाय। ¹⁴ १४ क आपु आगय ला नायन पोर्य नाहा रवुत, जो मनसनी ठग- यिद्या अन चतुराई ती तीसनो भ्रम नी युक्तीस नी , अन उपदेश नी बट्टी यक वायु ती उछले अन इस-तत फिरावात स ।

¹⁵ १५ पन प्रेमम खरा बोला अन बट्यो गोट्यो म तीम जो मुनका स, मन्जे मसीह म वध त जाय,

¹⁶ १६ जिनाती बट्टा शरीर बट्टी यक जोण नी मदद ती यक हारी मियीन, अन यक हारी होय न, तो प्रभाव नी अनुसार जो बट्टा यक अंग नी ठीक - ठीक काम करवानी द्वारा तीसम होय, सोताला वधा व स क तो प्रेम म उन्नती करती जाय । ¹⁷ १७ इन करता मय ई आकु स अन प्रभु म जताण देवस क जिस भिसरी जाती न लोग तीसनो मन नी अनर्थ नी रीति प चालत स, तुमु आमी ती फिरी इस नाहा चाला ।

¹⁸ १८ किसाका तीसनी बृ‌द्धि आंधारी होय गय स अन ती अज्ञानता नी वजयती जो तीस म स अन तीसनी मन नी कडोरता नी वजय ती ते परमेश्वर नो जीवनती अलग करे ल स ।

¹⁹ १९ अन ते सुन होय न लुच्चीयनाय म लागी गय स क बट्टा प्रकार ना गंदा काम लालसा ती करा करत । ²⁰ २० पन तुमु मसीह नी इसळी शिक्षा नाहा ले न ।

²¹ २१ पन तुमु खर - खर तीनी वना न, अन जीस यीशु म खरा स , तीमज सिखाळे ल बी।

²² २२ क तुमु तुमनी चाल-चलन न जुना मनुसत्व ला जो भळकाव नारी अभिलाषांनी अनुसार भ्रष्ट होता जाय स, उतारी टाका। ²³ २३ अन तुमनी मन नी आत्मिक स्वभाव मे न व बन त जावा ,

²⁴ २४ अन नवा मनुसत्व ला पोवी लेवा, जो परमेश्वर नी अनुसार खरा नी धार्मिकता, अन पवित्रता । म सृजा जाय ला से। ²⁵ २५ इनी वजयती खोटा बोल‌वाना छोळीन, बट्ट यक तुमना पोडोसी नी हारी खरा बोला, किसाका आपु आपस म यक भीसराना अंग स ।

²⁶ २६ रग त करा, पन पाप ना करसा; सूर्य बुळ ताव सुदी तुमनी रग नाहा रय ।

²⁷ २७ अन नाहा शैतान ला मौको देसा ।* ²⁸ २८ चोरी करनारा आजु चोरी नाहा कर; पन सारा काम करवा म तुमना हाथ ती महेनत करा । इनिकरता क जीनाती प्रयोजन होय, तीला देवाला तीप काय रय।

²⁹ २९ कोय गंदी गोट तुुमनी मुुय मती नाहा निग, पन जरुरत नी अनुसार तीज निग जो उन्नति नी करता सारा रय, कीसाका तीनाती वनानारा प अनुग्रह होय।

³⁰ ३० परमेश्वर नो पवित्र आत्मा ला शोकित नाहा कर, जिनाती तुम प छुकारा ना दिन नी करता छाय देयली स । ³¹ ३१ बट्टा प्रकार नी कडवाहट अन प्रकोप अन रग , अन कलह , अन निन्दा बट्टा बैर-भाव समद तुगनाती दूर कराय जाय ।

³² ३२ यक भिसरा प कृपालु , अन करुणामय होय , अन जिस परमेश्वर मसीह म तुमना अपराध माफ कर नो तीसज तुमु बी यक भिसरानो अपराध मापा करा ।