¹ १. पौलुस नी गुमती जो तो जीवन नी सपत नी मायक जो मसीह यीशु म स , परमेश्वर नी इच्छा थी मसीह यीशु नो प्रेरित स ।

² २. लाडको पोरयो तीमुथियुस ना नाव , परमेश्वर आबो अन हामनो प्रभु मसीह यीशु नी गुमती तुला अनुग्रह अन दया अन शांती मियती रही। ³ ३. जो परमेश्वर नी सेवाम आपन पूर्वज नी रीत प शुध्द बुध्दि थी आकुस , तीनो धन्यवाद होय का आपनी प्रार्थना ओ म रात दिन तुला लगातार याद करु स।

⁴ ४. अन तुनी आसवानी याद करी करीन तुनाथी मनाथी भेंट करवानी लालस करु आसका आनंद थी भरी जाई ।

⁵ ५. अन मला तुनी तो निष्कपट विश्वास नी याद थवुस , जो पयल तुनी नानी लोइस , अन तुनी माय युनीके म भी आतली , अन नक्की होनो स , का तुम भी स । ⁶ ६. ईनी कारण मय तुला याद देवाळु स , तु परमेश्वर नो तो वरदान जो मनी हात थवानी द्वारा तुला मीयनो स , उजवालो रही ।

⁷ ७. कीसाका परमेश्वर हामला डरनो नाहा , पन सामर्थ अन प्रेम अन संयम नो आत्मा देयलो स। ⁸ ८. ईनी करता हामनो प्रभु नी साक्षी थी अन मना थी जो तिनो बंधाय लो स , लाजवास नहा पन तिनो परमेश्वर नी सामर्थ नी गत सारो समाचार नी करता मनी हारी दुख उठाव।

⁹ ९. जो हामनो उध्दार करनो , अन पवित्र रवाना करता वारनो अन ई मनो कामती गत नहा पन सोतानी इच्छा अन तो दया नी गत स , जो मसीह यीशु म अनादी काल थी हाम प होनो स।

¹⁰ १०. पन जव हामनो उधारकर्ता मसीह यीशुला प्रगट होवाथी प्रकाशित होनो जि म मृत्यू नो नाश करनो अन जीवन अन अमरता नो तो सारो समाचार थी प्रकाशित होनो।

¹¹ ११. जिनी करता मय प्रचारक अन प्रेरित अन उपदेश भी ठहरानो । ¹² जिनी करता मय , यो दुख लाभी उठाडु स , पन लागवातो नहा , किसाका जिप मय विश्वास थवनो स जानु स , अन मला मालुम स , का ति मनी सारी गोट ला ति दिन सुधी रखवाली करी सकत स ।

¹³ १३. जो खरी गोट तु मनाथी वनानो स तिला तो विश्वास अन प्रेम नी हारी जो मसीह यीशु म स सोतानो आदर्श बनाविन थव ।

¹⁴ १४. अन पवित्र आत्मा थी जो हाम म बस लो स , इस सारी गोट नी रखावाई करा। ¹⁵ १५. तु जानस का , आसिया वाले बट मनाथी फिरी गयस जिसम फुगिलुस अन हिरमुगिनेस स।

¹⁶ १६. उनृसिफुरुस नी घराना प प्रभु दया करे किसाका ते वदार दाव मनो जीव ला ठंडा करना , अन मनी साकय थी लाजवाना नाहा।

¹⁷ १७. पन जव तो रोम म यनो , तव खुब लागनी नी हारी मला होती न भेंट करना।

¹⁸ १८. ( प्रभु कर का ति दिन तिप प्रभु नी दया होय। अन जी जी सेवा तो इफिसुस म करनो स तिलाभी तु सारी रीत जान स।