¹ १. शमौन पतरस नी गुमथी जो यीशु मसीह नो दास अन प्रेरित स ,ते लोकनो नाव जिसम हामनो परमेश्वर अन उध्दारकर्ता यीशु मसीह नी धार्मिकता थी हामनो जिस खुबकिमती विश्वास मियनो आस ।

² २. परमेश्वर नी गुमथी हामनो प्रभु यीशु नी वयकानथी अनुग्रह अन शान्ती तुमला खुबमुकती मियती । ³ ३. किसाका तिनो प्रभु सर्व सकतिमान बठा काय जीवनम अन भक्ती थी सम्बन्ध थव आस हामला तिनी वयकात नी करता देन स जो हामला आपनीज महिमा अन सदगुण नी गत वारनो स

⁴ ४. जिनाथी तो हामला बहुमूल्य अन पक्का मोटी प्रतिज्ञाए देनो स तिनाम ईनि करता तु तिला सडाहट थी छोडीन जो संसार म खराब अभिलाष ओ थी होय स ईश्वरीय सांभाव नी सहभागी हो जावा। ⁵ ५. अन ईनी करता तुमु बठी परकानी कोसीस करिन आपनो विश्वास प सारागुन अन सारागुन पज समज

⁶ ६. अन समझ प समझ अन संयम प धीर अन धीर प भक्ती

⁷ ७. अन भक्ती प भाईचारे नी प्रीती प प्रेम वदावता जावा ⁸ किसाका ईमती ई गोटयो तुम म वर्तमान रवा अन वदती जाई त तुमला हामनो प्रभु यीशु मसीह नी वयकात म निक्कम्मे अन नहा होय देवाव

⁹ ९. किसाका जिम ई गोट नाहा तो आंधयो स अन झाका देखाय स अन आपनो पैयलो पाप थी धवीन शुध्द होवाला विसरायन बटनो स

¹⁰ १०. ईनी कारणति ऐ भाउस हामला हादनो अन तिला निवड करनो अन तैयार करीन सारी रीते यज्ञ करतो जा किसाका ईस कवरवाती तुला कवज नाहा ठोकर लागाव

¹¹ ११. अन ईज रितती हामनो प्रभु ती उद्धार करता येशु मसीह नो सार्वकालिक राज्य मा मोटा आदर नी हारी प्रवेश करी सकाय ¹² १२. पन ईनीकरता तुमु ईगोट जानताका अन जो खरा वचन तुमला मिईलास तिम टीकी रवा तरुबी हाय तुमला ईगोटनी करता सुधी लेवानी करता कायम तयार रहीस

¹³ १३. अन हाय ईनि करता खरज समजुला जाव लागु हाय ई डेरामस ताव लागु तुमला सुधी दिहीस अन उभारतो रहीस

¹⁴ १४. किसाका हाय जानुस का मसीहनो वचनी खरा खरा मनो डेरापति पडवानो टाईम जलदि यनारोस जिसका हामनो प्रभु यीशु मसीह मला देखाडनोल

¹⁵ १५. ईनिकरता हाय वायदो करीस का मनो दुनिया थी जावानि पसला तुमु यो बटयो गोटयो कायम याद करसा ¹⁶ किसाका जवहामु तुमला हामनो प्रभु यीशू मसीहनी स्वसकतीनो यनारा दिनना समाचार दीहीस तो तहा चतुरथी बनावली कहानी अनुकरन नाह करनो हामु तिनो प्रताप देखनो

¹⁷ १७. अन तो परमेश्वर आबानो आदर अन महीमा मिय जवतो परतापमय महीमाती ईगोट पनी यो मनो सारो पोरयोस जिनाती हाय खुब खुस स

¹⁸ १८. अन जोव हामु तिनीहारी पवित्र पहाड आतला तव स्वर्गथी ईसडो आवाज येवु लागो वनाना ¹⁹ १९. अन हामुस्प जो भविष्यवकतानो वचन आस ती ई घटनाथी मजबुत उभा स अन तुमु यो सारो करस का जो याहा समजिन तिप ध्यान देनो का ताहा एक दिवो स जो आंदारनी ठिकानाप तिज टाईमला उजाया देतो रहस जावलुग पौ न फटे अन सकायनो तारो तुमनी ह्दयमा नाहा चमकी उटे

²⁰ २०. पन पयला ई जानी लेवाका पवित्रशास्त्र नी कोनसीबी भविष्यवानी कोनोबी आपनो विचारधारानी पुरा नाहा होता

²¹ २१. किसा कोयबी भविष्यवानी मनुषानी मरजीती कवज नाहा होति पन भक्त लोक पवित्र आत्मानी गुमती उभराय जायन परमेश्वर नी गुमती बोलु लागो