¹ १ जिनी गत ते लोक म लुचे भविष्यवक्ता आतला तिनाज गत तुमुमाबी लुचे उपदेशक हुई जो नाश करनारो ढोंगी नो उद्घघाटन दबी दबीन करी अन तो प्रभु ला जो तिला मोल लेनास नकार करी अन आपनी आपला जल्दीज विनाश म टाकी दीई

² २ अन पका तिनीगत लुचाय करी जिनाथी सत्य नी रस्तानी निंदा करी (रोम2 :24 ,यहे 36: 22)

³ ३ अन ते लोभ नी करता गोट वदारीन तुला आपनो लोभ ना कारन बनावी अन जो सजानी न आज्ञा तिय पयलति होय गय स तिला यवाल जराकबी वार नहा अन तिनो विनाश उगतो नहा ⁴ ४ किसाका जव परमेश्वर ते दुत ला जो पाप करनोपन नहा छडनो पन नरक मा मोकलीन आंधार कोटडीम टाकी देना तिनामका न्यायनि दिन सुधी बंदी रही

⁵ ५ अन जुनो युग नी संसार लाभी नहा सोडनो पन भक्तीहीन संसार प मठो जलप्रल मोकलीन धार्मिकता नो प्रकार नुहानो हारी आठ जनासला वचाडीलेनो (उत्प 6:5-8 उत्प 7:23 )

⁶ ६ अन सदोम अन गोमोरा नी नगरला विनाशनो ईसडी शिक्षा देनो का तिला भस्म करीन राखम मियावि तव भक्तीहीन लोकला शिक्षानी करता एक उदाहरण बनी (यहू 1:7 उत्प ,19:24 ) ⁷ ७ अन धर्मीलुतला जो अर्धमीयोनी चाल चलन थी खुब दुःखी आतलो तिला छुटकारो देनो (उत्प,19:12-13,15 )

⁸ ८ किसाका तो धरमी तिसनी वचम रव लागो अन तिसला अधरम कामसला देख देखीन अन वनाय वनायन दररोज तिनो खरो मनला तकलीब देव लागो

⁹ ९ तो प्रभुनि भकतसला परीक्षामति खाहडी लेवानो अन अधरमिसला न्याय नि दिन सुधी डंडनी दसाम थवानो बीमाहीत स ¹⁰ १० विशेष करीन तिसला जो अशुद्ध अभिलाषानी पसय शरीर नि रीतीथी चालत अन प्रभुना यरुज मानत अन सारो अन हटी स अन उचकाम मालला सारा खराब आकवाती बीवतो नाह

¹¹ ११ तरुबी स्वर्गदुत जो शक्ती अन् ताकत म तिनाति मोटो स प्रभु नी आगय सारा माटो आकीन दोस नहा लगाडत ¹² १२ पन यमंस बुदि निर्बुद्ध जानवरनी गतस जो धरवानी अन नाश हावानी करता पयदा होन आस अन जि गोट नाहा मालुम रत्यो तिसनो बाराम बिसरला खरो खाटो आकिन ते आपनी भ्रटतामा सोताज सडी जाई

¹³ १३ बिसरसना खराब करवानी बदलमा तिसनाज खराब हुई तिसला दिन मदयान सुख विलास करवाना सारा लाग स यो कलंक अन दोष स जव ते तुमनी हारी खात पितस ते आपनी गुमति प्रेम भोज करीन भोग विलास करत स

¹⁴ १४ तिना ध्यानम व्याभिचार बसलो आस अन तो पाप करा शिवाय रुकि नहा सकतो ते चंचल मनवाला ला फुसलावी लय तिसना मनला जा लोभ करवानो अब्यास होय गयोस सन्ताप नो पोरयोस आस ¹⁵ १५ तो सीदो रस्ताला छोडीन भटकी गय आस अन बऔर ना परयो बीलामनो रस्ताप होय गयस जो अर्धमनी मजुरी ला बारी जाननो (गिन,22: 5 - 7 )

¹⁶ १६ पन तिना अपराधना विसय उलाहना देवाम यना यहा सुधी अबोल गदीने मनस नी बोलीथी ते भविष्यद्वक्ताला गांडो होवाथी रोकनो (गिन,22:26-31 ) ¹⁷ १७ ते मनस सुकायलो हीर अन वारावादुनथि उडेल वादयो आस ईसनी करता कायम आंदारौ थोवलो गयोस

¹⁸ १८ ते नकामा घमंडनी गोट्यो करी करीन लुचायना काम थी ते मनुसला शारीक ईच्छाम फसाडी लेतस जो भटकेलमथी आमी लीगीज रनोस

¹⁹ १९ तो तिसला आजाद होवानी सपत देयस पन तो सडाहट नो दास आस कीसाका जो मनुस तिनाथी हारी गयास तो तिना दास बनी जाय स ²⁰ २० अन जव तो प्रभु अन उद्धार करता यीशु मसीहनो वयकत ती दुनीयानी हरेक प्रकारनी अशुद्धताथी बची गयो अन आजु फिसी हारी गय तव तीनी फासयनी परीस्थीती पयलतीबी खराब होय गय

²¹ २१ कीसाका धार्मिकतानो रस्तो नहा जानवाम ज तिनी करता सारा रता का तिला जानिन ता पवित्र आगनाथी फिरीन जात जि तिला सोयवार गयली

²² २२ तीप ईकाहवत सारी बटसका कुतरा छाडनी गुम अन आंगयाडली डुकरी गाराम जावानि करता आजु चाली पडनी (निति,26:11)