अध्याय १
1
पौल आने तीमथ्य, ख्रिस्त येशु चेला याहावेने; फिलीपै शहरामने ख्रिस्त येशुम जे पवित्र हाय, तिया होग्गान आने तियाआरी अध्यक्ष आने सेवक तियाहाल सलाम;
2
देव आपु बाहाको आने प्रभु येशु ख्रिस्त याद्वारे तुम्हाल कृपा आने शांती वेअरा जोजे.
पौलाआ कृतज्ञता आने आनंद
3
आईय तुमाल बी यादकिहु तियापेने आय आपु देवाआ आभार माने.
4
माआ हरएक प्रार्थनाम आय तुमामने होग्गा केअता आनंदाकी प्रार्थाना केऊ;
5
पेला दिहापेने आमी लुग तुमा हाऱ्या गोठीकी प्रसाराम जी आमाआरी मिलीन तुमा सेवा केअताहा तिया खातोर देवा उपकारस्तुती कीऊ.
6
आने तियाय तुमाम हारो काम सुरुवात केअयो तो ते ख्रिस्ताआ दिही आवी ताव लुगु तो पुरो पाडी इ माआ विश्वास हाय.
7
आने तुमा बद्दल मान एहकी वाटणे योग्य हाय काहाका माआ बंधनाम आने सुवार्ता प्रचारा मे प्रत्युत्तराम आने समर्थनाम तुमा होग्गा माआ आरी कृपाम मिलीन रीआया तियाकेआता आय, माआ मोनाम तुम्हाल सामाल्ली लेदलो हाय.
8
देव मा साक्षी हाय का, जेहेकी माययु तुमावे खुब प्रीती केअेतो, तेहेकी येशु ख्रिस्त आमावे प्रीती केअेहे.
9
आय एहकी प्रार्थना कीऊ का, तुमा प्रीती ज्ञानाम आने पुरा आजी विचारा आजी जाखो वादतो जाय.
10
या केता की जे श्रेष्ठ तो तुम्हा पोटा जोजे आने तुम्हा ख्रिस्ताआ दिआकेआता हारे आने निर्दोश वेआरा जोजे.
11
आने देवा गौरव आने स्तुती वेआरा जोजे काहका येशु ख्रिसताआ द्वारे जे नीतीमात्वा फोल तियाय पोयईन जा जोजे.
पौलाआ बंदिवासा परिणाम
12
माआ पाऊलाहा, माआ बद्दल ज्या गोठ्या वेल्याहाय तियापने सुवार्ताल अडचण नेय वेआरा जोजे. ते तिया प्रगती शिल वेआया ई तुमा होमजुनु हाय एहकी मांअ इच्छा हाय.
13
काहाका कैसराआ हुजुराआ राजवाडाआ राखनारो आने बीहरे होग्गा जाय तीयाकेआता माआ बंधन ख्रिस्ता संबधआ की हाय इ होग्गान मालुम हाय.
14
आने माआ बंधनाकी प्रभुमने कोआता तेबी पाऊ खेरोज विन ते मोकाला मोनाकी ते वचन आखा जाखो धिर वेअलो हाय.
15
काेअतातेबी जे तिया विरोधी आथा तिया बी ख्रिस्ताआ घोषणाकेअरा लाग्यो; आने काही खेरोच सोता मोनाकी केअरा लाग्या.
16
आय सुवार्ता अखुला बाराम उत्तर द्या खातोर नेमलो हाय इ आखीन ते ती मोयाकी केअते हे.
17
पेन बीहरा हाय ते माआ बंधने जाहके संकटा वेअरा जोजे एहकी तिया इच्छाकी तट पाडाकेअता एक बीहीराकी ख्रिस्ताआ घोषणा केअताहा.
ख्रिस्ता घोषणा वेअहे या बोद्दल पोलाल वेअला आनंद
18
यापने काय वेअयाे निमीत्तकी वेअरी काहाका खेरोपना, होग्गा प्रकार ख्रिस्ता घोषणा वेअतुली ईज, याम आय आनंद कीहु आने केअतो रेहे.
19
काहाका आय जाहु की, ई तुम्हा प्रार्थनाकी आने येशु ख्रिस्ताआ आत्म्याकी पुरवानारा माआ उध्दारा कारण वेअरी.
20
काहाका माआ खुप उपेक्षा आने आशा हाय का, आय केहेकी लाजवानारो नाहा तर पुरो मोनाकी, केअतोआलो तेहकी आमी बी जीवी रीअयोहो किवा मोनु की शरीराकी ख्रिस्ताआ महिमा वेअरी.
21
काहका मान तर जीवुलो ई ख्रिस्त आने मरणु इ हारो हाय.
22
पेन जर आय देहाम जीवुलो ई माआ कामाआ फोल हाय; तर केअलो निवडा जोजे ई माल होमजातो नाहा.
23
काहका आय बेना संबधाकी गुसवालो हाय; तिहने सुटीन जायन ख्रिस्तापाही अवताआ माल खुब उतवाल लागी काहाका देहाम रेअवनुकेअेता ई जाहाखो हारो हाय;
24
तेबी बी माल देहाम रेवनु इ तुमाकेअता जाहाखो गरज हाय.
25
मान एहकी खातरी हाय तियाकेअता का आय रेअनारो आय आने विश्वासाम तुमा वादते आने आनंद वेअरा जोजे ताहा आय तुम्हा होग्गाजागे रेअनारो ई माल मालुम हाय.
26
ई या केअता का तुमाहोवे माआ फासे आवनु वेअरी ताहा माआकेअता ख्रिस्त येशुअ केअता अभिमान केअराकेअता तुम्हाल जाखो कारण वेअरा जोजे.
27
आखा केता ई आतोच का ख्रिस्ताआ शुभवर्तमान शोभा जोजे एहकी मोनाम थोवा; ताहा आय आवीन तुम्हाल भेट देहे का आय दुर रेहे, तेबी माल तुमाबाबतीम ई उनाईन आवा का, ते तुमा एकजिवांकी रीइन सुवार्ताअ विश्वासाकी एकजगाे रीने खुब प्रयत्न कीने मोजबुत रिअया .
28
आने विरोध केअनारा लाेकाहोवेन केहडा विषयी काबराया नाहा, ई तियाहाल तिया नाशाआ पेन तुम्हाा तारणाआ प्रमाण हाय आने ई देवापने हाय.
29
काहाका तियाप विश्वास थोवा जोजे ओतोहज नाहा तर ख्रिस्ताआ हाेवेने तियाकेअता तुम्हाल दुख ही सहन केअरा पोडी एहकी कृपा तुम्हापे वेअली हाय.
30
मायुय युध्द केअलो हाय तो तुम्हाय वेअलो हाय आने आय जोबी की रीअयेलो हाय ताहा ते उन्नातेहे तोस तुमाबी की रीअहले हाय.