¹ पौल आने तीमथ्य ख्रिस्त येशू चेला याहावेने फिलीपै शहरामने ख्रिस्त येशुम जे पवित्र हाय, तिया बाठान आने तियाआरी चालक व सेवक तियाहाल सलाम. ² देव आपु बाहाको व प्रभु येशू ख्रिस्त याद्वारे तुम्हाल कृपा व शांती वेरा जोजे. पौलाआ कृतज्ञता आने आनंद ³ माल तुमा जी आठवण हाय तियापेने आय आपू देवाआ आभार माने . ⁴ माआ हरएक प्रार्थनाम आय तुमामने बाठा केता आनंदाकी प्रार्थाना केऊ. ⁵ पेला दिहापेने आमी लुग तुमा हाऱ्या गोठीकी प्रचाराम जी आमाआरी मिलीन जाले या केता तुमा केता देवा उपकारास्तुती कीऊ. ⁶ आने तियाय तुमाम हारो काम सुरुवात केयो तो ते ख्रिस्ताआ दिही आवी ताव लुगू तो पुरो पाडी इ माआ विश्वास हाय. ⁷ आने तुमा बाराम माल एहकी वाठेणु हारोज हाय काहाका माआ बंधनाम आने शुभवर्तमाना संबधाआ प्रत्युत्तराम व समर्थनाम तुमा बाठा मा आरी कृपाम मिलीन रीया तियाकेता आय मा मोनाम तुम्हाल सामाल्ली लेदले हाय. ⁸ देव मा साक्षी हाय का माल ख्रिस्त येशुअ कालावालाम बाठाकेमा कोतो उतावाल लागी हाय. ⁹ आय एहकी प्रार्थना कीऊ का तुमा मोया ज्ञानाम व पुरा आजी विचारा आजी जाखो वादतो जाय. ¹⁰ या केता की जे श्रेष्ठ तो तुम्हा पोटा जोजे आने तुम्ह ख्रिस्ताआ दिाकेता हारे व निर्दोश वेरा जोजे. ¹¹ आने देवा गौरव व स्तुती वेरा जोजे काहका येशु ख्रिसताआ द्वारे जे नीतीमात्वा फल तियाय पोयईन जाजोजे. पौलाआ बंदिवासा परिणाम ¹² मा पाऊ माआ बध्दोल ज्या गोठ्या वेल्याहाय तियापने शुभवर्तमानाल अडचण नेय वेरा जोजे. ते तिया प्रगती शिल वेया ई तुमा होमजुनू हाय एहकी मां इच्छा हाय. ¹³ काहाका कैसराआ हुजूराआ राजवाडाआ राखनारो व बीहरे बाठे जाय तीयाकेता माआ बंधन ख्रिस्ता संबधआ की हाय इ बाठाहाल मालुम हाय. ¹⁴ आने माआ बंधनाकी प्रभुमने कोता तेबी पाऊ खेरोज विन ते मोकाला मोनाकी ते वचन आखा जाखो धिर वेलो हाय. ¹⁵ काेतातेबी जे तिया विरोधी आथा तिया बी ख्रिस्ताआ घोषणाकेरा लाग्यो आने काही खेरोच सोता मोनाकी केरा लाग्या. ¹⁶ आय शुभवर्तमानासंबधा तिया आरी चालुच उत्तर दा खातुर नेमलेा हाय इ आखीन ते ती मोयाकी केते हे. ¹⁷ पेन बीहरा हाय ते माआ बंधने जाहके संकटा वेरा जोजे एहकी तिया इच्छाकी तट पाडाकेता एका बीजाकी ख्रिस्ताआ घोषणा केताहा. ख्रिस्ता घोषणा वेहे या बोद्दल पोलाल वेला आनंद ¹⁸ यापने काय वेयाे निमीत्तकी वेरी काहाका खेरोपना बादा प्रकार ख्रिस्ता घोषणा वेतुली ईच याम आय आनंद कीहु व केतोरेहे. ¹⁹ काहाका आय जाहु की ई तुम्हा प्रार्थनाकी व येशु ख्रिस्ताआ आत्म्याकी पुरवानारा माआ उध्दारा कारण वेरी. ²⁰ काहाका माआ खुप उपेक्षा व आशा हाय की आय केहेकी लाजवानारो नाहा तर पुरो मोनाकी केतोआलो तेहकी आमी बी जोगीरीयोहो किवा मोनु की शरीराकी ख्रिस्ताआ महिमा वेरी. ²¹ काहका माल तर जीवुलो ई ख्रिस्त आने मरणु इ लाभ हाय. ²² पेन जर आय देहाम जीवुलो ई माआ कामाआ फल हाय तर केलो निवडा जोजे ई माल होमजातो नाहा. ²³ काहका आय बेना संबधाकी गुसवालो हाय तिहने सुटीन जायन ख्रिस्तापाही एकेता माल खुब उतवाल लागी काहका देहाम रेवनुपेक्षा ई जाहाखो हारो हाय. ²⁴ तेबी बी माल देहाम रेवनु इ तुमाकेता जाहाखो आवश्यक हाय. ²⁵ माल एहकी खातरी हाय तियाकेता की आय रेनारो आय आने विश्वासाम तुमा प्रगती व आनंद वेरा जोजे ताहा आय तुम्हा बाठाजागे रेनारो ई माल मालुम हाय. ²⁶ ई या केता की तुमाहोवे माआ फासे आवनु वेरी ताहा माआकेता ख्रिस्त येशुअ केता अभिमान केराकेता तुम्हाल जाखो कारण वेरा जोजे. ²⁷ आखा केता ई आतोच का ख्रिस्ताआ शुभवर्तमान शोभा जोजे एहकी ईतवीन थोवा (मोनाम थोवा.) ताहा आय आवीन तुम्हाल भेट देहे का आय दुर रेहे तेबी माल तुमाबाबतीम ई उनाईन आवा का ते तुमा एकजिवांकी रीन शुभवर्तमानाआ विश्वासाकी एकजुटीकी लढत स्थिर रेतेह. ²⁸ आने विरोध केनारा लाेकाहोवेन केहडा विषयी काबराया नाहा ई तियाहाल तिया नाशाआ पेन तुम्हाा तारणाआ प्रमाण हाय व ई देवापने हाय. ²⁹ काहाका तियाप विश्वास थोवा जोजे ओतोहच नाहा तर ख्रिस्ताआ हाेवेने तियाकेता तुम्हाल दुख ही सोसा पोडी एहकी कृपा तुम्हापे वेली हाय. ³⁰ मायुय युध्द केलो होय तो तुम्हाय वेलो हाय व आय जोबी की रीयो हाय ताहा ते ऐहकता तोस तुमाभी की रीहले हाय.