¹ आने येशु परमेश्वरा मंदिरा मे ने निगिन जातुलो ताहा तिया शिष्यामाने एक जाआ त्याले आखा लाग्यो, ‘गुरुजी, वेइ केहेंडो नोवाय हाय डोगडाकी याने केहकी कोओ बादलो हाय', ² येशुय तियाल आख्यो “तु इया मोडो कोवो वेतो ने ? इहीनो एक बी डोगडो एक बीहीरा डोगडापे नय रेनारो तीयामेने होगाजे डोगडा ऐठा पोडि जावामे आवी. ³ येशु परमेश्वरा मंदीरा हुमुर जेतुना डोगाप बोठलो आथो. पेत्र, याकोब, योहान आने आंद्रिया इया त्याले ऐखलो आथो ताहा फुच्यो. ⁴ “ई गोठ्या किदी वेरी तो आमाल आख आने जाहा ईया गोठ्या पुऱ्या वेरुलो वेल आवी ताहा केल्लि चिन्हो वेरी ?, ⁵ आने येशु तियान आखा लाग्यो, “तुमाल केडो ठोगे नाय तिहाय तुमा साभालिन रेजा. ⁶ खुब माही मा नाव लिन आवि आने आखि का, ‘माय तो हाय’ आने ते खुब माहाल ठोगी. ⁷ ताहा तुमा भानगोड्या बाबत आने भानगोड्या खोट्यागोठी बाबत उनाय ताहा बिया नाहा आने खेरोज वेनारोज हाय. आने ओताहाम शेवट वेनारा नाहा. ⁸ एक राष्ट्र बिहरा राष्ट्रापे उठी, आने एक राज्य बिहरा राज्यवे उठी, जुदी-जुदी जागाप भुकंप वेरी आने काल पोडी पेन इ आखो होठ्या नाश वेनु सुरवात हाय. ⁹ तुमा सावध वेरा ते तुमयाल न्यायसभाले होपी केरा आने सभास्थान तुमाल ठोकी-तिहान खेरो आखतो तुमा राज्यकर्ते आने राजे तिया हुमोर उभि रा पोडी. ¹⁰ इ वेरा पेहला आखा राष्ट्रान देवा वचन पोचा जोजे. ¹¹ आने ते तुमान अडकाविन होद पुछ केरा ली आवी ताहा पेहलाज काय गोगा तो मा इतवा पेन ताहा जो मनाम आवी तो गोगा, काहाका गोगनारे तुमा नहा पवित्र आत्मा तुमा खातोर गोगी. ¹² पावु पावाल आने बाहाको तिया पोयराल मोरा खातोर दोगोलबाजी की बि दी, आने पोयरे आपु याहाकी-बाहकपे उठी आने ते त्याहाले मारी. ¹³ आने मा नावा खातोर बादे माहे दुरकेरी चुका काडी, पेन जो शेवट हुग टिकी तोज निवडाम आवी, ¹⁴ जाहा तुमा नाशाले जोड देनारी आने बिख लागे ऐहंडी गोठ दानियेल संदेष्ट्याय आखली ‘हुना खराब जागा खराब वस्तु जो-जिही नाय रा जोजे तिया जागाप वेरा, ताहा जे यहुदी हिवालाम हाय ते डोंगुप जाता रेजा. ¹⁵ आने जो केडो कोवा उच्चे बोठो वेरी तो कायबी ला निसे ना उता. ¹⁶ आने एगो खेताम वेरी ता तो तिया जागो केरा खातोर फासाडी नाहा जाहा ¹⁷ तिया दिहाम जि हाने दुध पिते पोयराली बाई आने जि दुध पाजनारी बाई रिती दिहाम तीइयी खुब खारबा रि. ¹⁸ आने प्रार्थना केते रेजा का ई हियालाम नाय वे. ¹⁹ काहा की त्या दिहाम जो दुखे वेरी तो देवाय जग उबजावलो त्यापेलेनी ते आज ने ते किधी नाहा वेया आने किधी नाय वेरी तिया होस. ²⁰ परमेश्वराय जो ते दिही कोमी केला नाय रेता ते केडोज जिवतो नाय रतो पेन जियान तियाय निवडुले हाय तिया. ^{22 21} तेहडांम तुमनेह आखे का, हेराअ, ख्रिस्त ईही हाय'; नाय ता, तो तीही हाय, ताहा तियाअ गोठ नाय मानहा. v 22 काहका, थोडाक लोक आपु खोटा ख्रिस्त आने खोटा संदेष्टे निगी टाकाय आने वेरी ता ते निवडुला लोकाहाल ठोगावा केअेता चमत्कार कामे देखावी. ²³ वेरा ताहा तुमा द्यांन दिन रेजा माय तुमाल पेहलानेज आखो आखि थोवलो हाय, ²⁴ पेन तिया दिहाम बी ई संकटे आविन जाय ताहा. दिही काला पोडी जाय, चांद उजवाडो नाय दे. ²⁵ आकाशामेने तारे तुटी पडी आने आकाशामेने ताकोत आली जाय. ²⁶ ताहा माही माहा पोयराल खुब सामर्थ आने महिमा की वादळाम आवता वेरी. ²⁷ फासे तो तिया देवदुतान मोकली आने चारी होवेनी मोकलिन पृथ्वी ई कोपराम ने ता तीया कोपराम हुग वादला इ वेला ने ता ती वेला हुग तिया निवडुले माहान डोलवी. ²⁸ अंजीरा चाडवापनो हीका. जाहा तिया पाने हुकाते आने पोडते ताहा तुमा उनालो आवि गियो होमजुते. ²⁹ तेहकीज इ आखो वेरी ताहा तुमा होमजी जाहा का, ते दिही खुबुज बाअनाहाये आविन उबला हाय. ³⁰ माय तुमाल खेरे आखु, का जाऊक हुग ऐ गोठ्या नाय वेरे ताऊक हुग इ पिडी जाती नाय रे ! ³¹ बादलो आने पृथ्वी पारवाय जाय पेन मा वचने नाश नाय वेनारो. ³² तीया दिही आने ति वेल केडाल नाहा मालुम, नाहा स्वर्ग दुताले नाहा पोयरो नाहा पेन फक्त बाहकाल मालुम हाय. ³³ वेरा, जागतेऱ्या ! आने प्रार्थना केते रा, काहा का तुमाल नाहा मालुम तो वेल किधी आवी. ³⁴ तो वेल ऐहकी हाय का, एक माहु आपु कोओ सोडीन प्रवासामे जावुलो वेले कोवो सोडे हे नोकराल काम होपी देवनु आने राखवालयाल जागतो रा आखे तेहकीज हाय ³⁵ तिहाल जागतेऱ्या, काहा का तुमाल नहा मालुम लेनारो केहंडी वेला आवी,तो पारगा वेला, आरदी राती,, वेगीवेला कुकडो वाहाय ताहा नेता वेगी वेला केहंडी वेला आवे तुमाल नाहा मालुम. ³⁶ आने तो एकदामसे आलो आने तुमाल निदारीम वेयो ते. ³⁷ माय तुमाल आखु इ आखान आखु जागते ऱ्या.