¹ जियु गोठी आम्हाल नक्की खातरी हाय, तियु गोठी पेलानेज हुबराहूबर वेनारे आने शब्दा सेवक आथे ² तियाहाल ते जेहकी आमाल होपी देदो, ते तेहकीज आखा जोजे तिया खातुर विषयवारी (माहीती) उल्लेख एकेक गोठ लिखा खातुर खुब माहाय ई काम हाथाम लेदलो आथो. ³ तिया खातुर हारामाहा थियफिला मायुय होगीच गोठी मुलामने हारखी होद कि लोदो तिया खातुर मान ते हाऱ्या लाग्यो की ई आख्या वेल्या गोटया मालुम किन आपुन केहकी बरोबर लिखजी ईया मालूम की लोदो ⁴ तिया खातुर कि जे गोठी शिक्षण (ज्ञान) आपणेन मिलतलो हाय तियु नेकीच आपणेन पुरेपुरे माहीती जाय लेवुलु हाय योहानु जन्मा विषय आखाम आललो. ⁵ यहुदिया देशा राजा हेरोदा तिया दिहामे, जखऱ्‍या नावा एक याजक आथो, तो अबिया याजुक कौअवामेने आथो, आने तिया कौअवाली अहरोना कुलामने आथी, आने तियु नाव अलिशिबा आथो, ⁶ ते बेनी माही देवा आगला नितीमान आथे आने प्रभु बाद्या जे आज्ञा/ नियम विधीम खुब हारी रिती चालतले ⁷ पेन तियान पोयरे नैय आथे, काहालका अलिशिबा वायंटी आथी ते बेनी बी खुब डाये वी गेहेले आथे. ⁸ फासो ऐहकी वेयोकी, तो तिया कुटूंबामेने ऐकेक देवा आगला याजका काम केअतले आथो. ⁹ याजका रीतिरिवाजा अनुसार परमेश्वरा देवलाम मे, धुप शिलगावा जा खातुर चिठ्ठी टाकीन तिया निवड केराम आली. ¹⁰ तिही बादेज माही टोलवीन धुप शिलगावुनू समय बारे प्रार्थना कालावाला केरा उभेले आथे. ¹¹ ताहा परमेश्वर(देवा) दुत धुपवेदी हुधिवेला तियाल उभलो देखायो. ¹² तियाल विन जखऱ्‍या भी गियो. ¹³ फासो देवादुतूय तियाल आख्यो जखऱ्या बियोमा काहलका तो प्रार्थना उनायाम आलीही, आने तो कौअवाली अलीशिबा तियुल पोयरा वेरी, तु तिया नाव योहान थोव. ¹⁴ ताहा तुल खुब खुशी वेरी, आने तिया जन्मा वाय खुब माहे खुश वेरी ¹⁵ काहाका तो परमेश्वर नजरी में माेडो वेरी आने तो द्राक्षारस आने मद्य मोद किधीहिच पिये नाय, तो तिया याहाकी डेडीमेच रेताच पवित्र आत्मा कि पोरालो रीई. ¹⁶ तो इस्त्राएला पोयरा मैने कौतान प्रभु तिया देवावेल फिरवुलू कारण बनी. ¹⁷ आने देवाखातुर निटवेला लाेकान तियार केरी, बाहका मन हृदय अंतकरण पोयरा वेला आने आज्ञा नैय माननारा धार्मिक गोठी वेल फिरवीन प्रभु खातर तियार केली जाती उभी केरी. तो एलिया आत्माकी आने शक्ती (सामर्थ्य) आगला चाली. ¹⁸ ताहा जख-याये देवादुताल आख्यो “ ई बतिज ऐहकी आय केहडापेन हमजू? काहाल का आय ढायो माहू हाय आने माआ कौअवाली ढायी वी गेहली हाय.” ¹⁹ देवादुताय तियाल आख्यो, आय देवा आगला उभो रेणारो गब्रीएल हाय आने तोआरी गोगा, आने तुल हास्या गोठ्या आखा, मान मोकलुलो हाय. ²⁰ ई पुरोवेरी तावहुदा तुल गोगाय नैय, आने तु मुको रिह्यो काहाल का माआ जे शब्दा समयापे (टामईप) पुरेपुरा खेरो वेनारो हाय, तिया शब्दापे तुयू विश्वास थोव्यो नाहा. ²¹ ताहा जख-या वाटजोवनारा लोकान तियाल परमेश्वरा भवनाम ओती वा काहा रियो इया नोवाय लागी. ²² तो बारे आलो, ता तिहीने लोकाआरी गोगी नैय शक्यो, ताहा तियान मालुम पड्यो परमेश्वरा भवनाम तियाय दर्शन वैयो, तो तियाना ईशारो केअतलो, पेन तो तेहकीज मुको रियो. ²³ फासो ऐहकी वेयो की तिया सेवा केरूलो समयगालो पुरो किन तो फासो कौअ गियो. ²⁴ तिया दिहा फासला तिया कौअवाली अलीशिबाल महीना रिया (दिवस रिया/ डेडआरी आथी) आने ते पाच महिना लुग दोवी रिई तियुय आख्यो. ²⁵ लोकाम माआ वेनारों अपमान/ अनादर दुर केरा खातोर प्रभुय माआ वेला वेयो, आने ताहा तियान माआ खातुर ऐहकी केयो. (येशु देवा जन्मा विषय आखाम आलो) ²⁶ अलिशिबाला साहवो महिनोमे देवाय गब्रिएल दुताल गालील देशु नासरेथ नावु गावा मे ²⁷ एक कुवारी बायुल मोकल्यो तियु दाऊदा कौअने योसेफ नावु माहा आरी साखर पुडो वेलो आथो आने तियु कुवारी बायू नाव मरियम आथो. ²⁸ देवदुताय तियुही आविन आख्यो अभिवांदन तोउपे कृपा वेली हाय प्रभु तो आरी हाय. ²⁹ आने ति शब्द उनायने काभाराई गिई आने इया अभिवादना अर्थ कायवेरी तिया नी नोवाय (विचार ) केरा लागी. ³⁰ देवदुताय तियुल आख्यो मरियम बिहोहमा देवाय तोउपे कृपा/दया केली हाय. ³¹ वे तु गरोदर (डेडीआरी) रियो आने तुल पोयरो वेरी तिया नाव तु ईशू (यीशु) थव. ³² तो महान (मोठे) वेरी आने परम प्रधानु पोयरो आखाम आवी आने प्रभु देव तियाल तिया बाहाका दाऊदा राजगादी दी. (राजासन) ³³ तो याकुब कुटूंबाप कायत राज्यकेरी (अधिकार चालवी) आने तिया राज्य अंन नैयवे ³⁴ माहा मरियमुय दुताल आख्यो ई केहकी वेरी? काहाल मायुय आदमील (पुरूषाल) वेयोनाहा जायो नाहा ³⁵ देवदुतूय तियला आख्यो पवित्र आत्मा तोअपे आवी, आने परमप्रधान देवा सामर्थ्य (शक्ती) तो ऊपे उति तियाहकी जो पवित्र पोयरो जन्माल आवी तियाल देवा पोयरो आखी ³⁶ वेअे तो जातुलामे अलिशिबा डायापना भी गरोदर (गर्भ, डेडीआरी, दिवस महिना) रेहाला हाय, आने जियुल वायटी आखाम आवतली तियुल आमी सहावो महिनो हाय.

³⁷ काहाल देवाल केललीज गोठ अशक्य नाहा ³⁸ मरियमुय आख्यो, खेरोज आय प्रभु दासी हाय तो आखुलो तेहेकी मान वे, ताहा देव दुत तियुहने निघीन जातो रियो. मरियम अलिशिबाल मिला जाहे. ³⁹ तिया दिहाम मरियम उठी आने उतवालीम यहुदीया देशा डोगुवाला भागुम एक नगरूम गिई. ⁴⁰ तिही जख-या कौअमे गिई आने अलिशिबाल अभिवादन केयो. ⁴¹ जेहकी मरीयमु अभिवादन अलिशिबा उनाई तियु डेडीमेने पोयरो कुद्यो आने अलिशिबा पवित्र आत्मा की पोराई गिई. ⁴² तियु माेडो शब्दाकी (उचा आवाज) आख्यो (स्त्रीयोमे) बाईम तु धन्य हाय (आर्शिवादीत) आने तो डेडीफल आर्शिवादीत हाय (धन्य) ⁴³ प्रभु याहकी मायही आवे ई मान काहीने ?. ⁴⁴ ताहा तुयूय माआ अभिवादना गोठ माआ कानुम पडी, ताहामाआ डेडीमेने पोयराय आनंदा की (खुशविन) कुद्यो ⁴⁵ जियाय विश्वास थोवलो हाय तो धन्य हाय (आर्शिवादीत हाय) काहाल ज्या गोठ्या प्रभु तियाल आखाल्या ते पुरया वेरी मरीयम केली स्तुती गित. ⁴⁶ मरियमुय आख्यो माआ जिव प्रभुल मोठाे मानेहे. ⁴⁷ आनि देव माआ तारणारो इया खातोर माआ आत्मा खुश (आनंदीत) वेलो हाय. ⁴⁸ का तिया दासी नम्र अवश्या/ परिस्थीती आमीने विन बाद्याच पिढ्या मान धन्य आखी ⁴⁹ काहालका तो सर्वसामर्थ्य (शक्तीशाली) देव हाय तियाम माआ खातुर खुबमोठो काम केलाे हाय, आने तिया नाव पवित्र हाय. ⁵⁰ जे तिया भिख राखते है तियापे तिया दया (कृपा) कायम हाय (पिढ्यानपिढ्या) ⁵¹ तिया हाता की सामर्थी कामे केले आथे जो घंमण्डी (अभिमानी) अंतकरना आही तियाहान वेर विखेर कि टाकी ⁵² तिया राज्य केअनारान तिया राज्य गाधी पेने कांडी टाकले हाय, आने गरीबाहाने तियाय उच्चे केले हाय. ⁵³ तियाय पुख्यान हारी वस्तु की तृप्त केले हाय आने धनवानुने (मालदार) खाली हाथाकी फासे फिरवुले हाय. ⁵⁴ दया किन तिया सेवकुल इस्त्राएल तियाल मदत केली हाय. ⁵⁵ आपु वडीलुन तियाय आख्यो तेहकी अब्राहम आने तिया पोयरान दया कायम याद केरावी आने तियाय तियाल आपु सेवक इस्त्राएलने तियान मदत केली हाय. ⁵⁶ अलिशिबा आरी मरीयम तीन महीना लुग रीई तिया फासे तिई तिया कौअ गीई. योहान बापतिस्मा देनारा जन्म ⁵⁷ अलिशिबा महीना पुरा विया आने तियुय एक पोयराल जन्म देदो. ⁵⁸ प्रभु तियाप खुब मोडी दया केली हाय ई‍ तिया जातीवाले (सगासंबधी) पडोसीवाले (आजुबाजूवाले) उनाये ते तिया आनंदाम (खुशीम) भाग लेदो. ⁵⁹ फासे ऐहकी वेयो की आठ दिहा बाद पोयरा सुंता केरा खातुर आलेले आथे तिया बाहाका नावा प्रमाणे (नावाहोश) तो पोयरा नाव भी जख-या ठोवनारे आथे. ⁶⁰ फासो तिया याहकीन तियान आख्यो नाहा तिया होश तिया नाव योहान राखवाम आवी ⁶¹ तियाही तियुल आख्यो तोओ नातेवाईक (परिवार कुटूंब) ऐहअे केडाज नाव नाहा. ⁶² फासो तियाही तिया बाहाकाल ईशारो किन पुद्यो कि तु तीया नाव काय थोवनारो ऐहडी तोओ इच्छा हाय. ⁶³ ताहा तियाय लिखा खातुर पाटी लिहादी ताहा तिया नाव योहान हाय ऐहकी तियाय लिख्यो ताहा तिया बादाहान खुपच आश्चर्य (नवाय) लाग्यो. ⁶⁴ तियाय समयुप तिया मुय उगडी गियो फासे तिया जिभ खुली गिई, आने तो गोगा लाग्यो आने देवा स्तुती धन्यवाद दाआ लाग्यो. ⁶⁵ ताहा तिया आजु बाजुल रेनाराल भिख लागी आने तियु आखज गोठी चर्चा यहुदीयाम प्रांताआ (देशाम) बादाज डोगाम देशाम लोक ईया बादयाज गोठीबद्दल आख्या लाग्या ⁶⁶ तियाय केडाय ई उनायो देरक लोक मनाम विचार केअतला आथो तियाल आख्यो ई पोयरा आगला केडा वेरी ? प्रभु तियाआरी हाय ऐहकी केयता लक्षाम (ध्यानाम) आलो. ⁶⁷ तिया बाहको जख-या पवित्र आत्मा की पोरायो आने तियाय बी भविष्यवाणी (भविष्या) आख्यो ताहा आखलो ⁶⁸ इस्त्राएलु देव प्रभु तिया स्तुती वेअे काहाल तियाल तिया लोका भेट लेदी (बातमी) आने लोका किमत वसुल किईन सुटको देदो. ⁶⁹ तियाय आपु सेवक दावीद तिया कौअवामेने आमा खातुर सामर्थ्याशाली (शक्तीशाली) तारणारो देदोलो हाय. ⁷⁰ ई देवा तिया पवित्र संदेष्टा युगाच्या (आवनारा दिघ्याम) पेला दिहमेने आखलो आथो. ⁷¹ जो आमा विरोधी हाय, आने जो आमा थंटामस्करी (निंदा वेयरभाव) केअतलो तियापने छोडवा खातुर वायदो (अभिवचन) तियान आमाहाल देदो. ⁷² आमा वाडोवडिलान (पुर्वजा) दया देखावा खातुर तोओ ई केअनारो आथो आने तिया आपु पवित्र करारा याद थवनारो हाय. ⁷³ ई करार एक शंपथ हाय जो तियाय आमा वाडवडील आब्राहामाल देदली आथी. ⁷⁴ ती ऐहकी, तुम्हा आपु शत्रु (विरोधी) हाथुमेने छोडवीन जाहा ⁷⁵ माआ हुबूर पवित्रविन आने नितीमत्वाने (नियमअनुसर) आयुष्यभर (मरेपर्यंत) माआ सेवा-भक्ती हिंमत के साथ कौअहो ऐहकी आय केअहे. ⁷⁶ ऐ पोयरा तुल मोडाम मोडा देवा संदेश देनारो आखी काहाल की प्रभु मार्ग सरळ केरा खातुर तिया आगला चालोहो. ⁷⁷ तिया खातुर की तिया लोकाल तिया पापांहा क्षमा माफी तारणा अनुभव वेराजोजे. ⁷⁸ देवा दये खातुर होरगा दिहा वाट (पहाट) उजाडेल आने (मोलाल दाटी देवुलू) मोता जाहाकी आंधाराम जे जीवी रेहला हाय उजवाडो वेरी छायेम जो जंग आ हाय तियाप उजवाडो पाडी. ⁷⁹ तियावेलाने जे आंधाराम हाय आने मरना (छाये) सावली. (अनुभवाम) बोठले हाय तियाम उजवाडो दाआ खातुर आने आमा पागा शांती वाटील लिजाआ खातुर दिही उगवी करी आने आमा भेट (तियाल ) मिलहो. ⁸⁰ फासो तो पाेयरो मोडो वेअतो गियो आने आत्मात सामर्थ्यशाली (शक्तीशाली) वेयो इस्त्राएल लोकाला प्रकट वेरा खातुर दिहाखातुर तोओ वेरूला देहालाग जंगलाम रियों