अध्याय १
1
जियु गोठी आम्हाल पक्की खातरी हाय, तियु गोठी पेअलानेज हुबंराहुबंर वेअनारे आने शब्दा सेवक आथे
2
तियाहाल ते जेहेकी आमाल होपी देदो, ते तेहेकीज आखा जोजे तिया खातोर विषयवारी (माहीती) उल्लेख एकेक गोठ लिखा खातोर खुब माहाय ई काम आथाम लेदलो आथो.
3
तिया खातोर हारामाहा थियफिला मायुय होग्गीज गोठी मुलामने हारखी होद कि लेदो तिया खातोर मान ते हाऱ्या लाग्यो की ई आख्या वेल्या गोठ्या मालुम किइन आपुन केहेकी बरोबर लिखजी ईया मालुम की ले दो
4
तिया खातोर कि जे गोठी शिक्षण (ज्ञान) आपनेन मिलतलो हाय तियु नेकीज आपनेन पुरेपुरे माहीती जाय लेवुलु हाय.
योहानु जल्मो विषय आखाम आल्लो.
5
यहुदिया प्रांताम राजा हेरोदा तिया दिहामे, जखऱ्या नावा एक याजक आथो, तो अबिया याजक कौअवामेने आथो, आने तिया कौअवाली अहरोना कुलामने आथी, आने तियु नाव अलिशिबा आथो,
6
ते बेनी माही देवा आगला नितीमान आथे आने प्रभु होग्याज जे आज्ञा (नियम) वो विधीम खुब हारी रिती चालतले
7
पेन तियान पोयरे नैय आथे, काहालका अलिशिबा वायंटी आथी ते बेनी बी खुब डाये वी गेहेले आथे.
8
फासे ऐहकी वेअयो का, तो तिया कुटुंबामेने ऐकेक देवा आगला याजका काम केअतले आथो.
9
याजका रीतिरिवाजा अनुसार परमेश्वरा कोअमे, धुप शिलगावा जा खातोर चिठ्ठी टाकीन तिया निवड केअराम आली.
10
आने तिही होग्येज माही टोलवीन धुप शिलगावुनु समय बारे प्रार्थना केअहेते उबे आथे.
11
ताहा परमेश्वरा दुत, धुपवेदी हुदिवेअला तियाल उबलो देखायो.
12
तियाल विइन जखऱ्या बीइ गियो.
13
फासो देवादुताय तियाल आख्यो, जखऱ्या बियो नाहा, काहालका तो प्रार्थना उनायाम आलीही, आने तो कौअवाली अलीशिबा तियुल पोयरा वेअरी, तु तिया नाव योहान थोव.
14
ताहा तुल खुब खुशी वेअरी , आने तिया जल्मा वाय खुब माहे खुब खुश वेअरी
15
काहाका तो परमेश्वर नजरी में माेडो वेअरी आने तो द्राक्षारोहो आने होरो किदिहिज पिये नाय, तो तिया याहाकी डेडीमेज रेअताज पवित्र आत्मा कि पोरालो रीई.
16
तो इस्त्राएला पोयरा मैने कौताकाने प्रभु तिया देवावेल फिरवुनु कारण बोनी.
17
आने देवाखातोर निटवेल लाेकान तियार केअरी, बाहाका मोन (हृदय, अंतकरण )पोयरा वेअला आने आज्ञा नैय माननारा धार्मिक गोठी वेल फिरवीन प्रभु खातोर तियार केअली एक जाती उबी केअरी. तो ऐलिया आत्मावाय आने शक्तीवाय आगला चाली.
18
फासे जख-याये देवादुताल आख्यो, “ ई बोनिज ऐहकी आय केहडापेने हमजु? काहाल का आय ढायो माहु हाय आने माआ कौअवाली ढायी वीअ गेहेली हाय.”
19
देवादुताय तियाल आख्यो, आय देवा आगला उबो रेनारो गब्रीएल हाय आने तोआरी गोगा, आने तुल हाऱ्या गोठ्या आखा, मान मोकलुलो हाय.
20
ई पुरोवेअरी तावहुद तुल गोगाय नैय, आने तु मुको रिअहो काहाल का माआ जो शब्दा टेमाम पुरेपुरा खेरो वेअनारो हाय तिया शब्दापे तुयु विश्वास थोव्यो नाहा".
21
ताहा जख-या वाटजोवनारा लोकान तियाल परमेश्वरा कोअमे ओता वाअ काहा रिअयो इया नोवाय लागी.
22
तोअ बारे आलो, ताहा माहा आरी गोगी शक्यो नाहा, ताहा तियाहान मालुम पड्यो, परमेश्वरा कोअमे तियाय दर्शन वेअलो हाय, तोओ तियाहान ईशारो केअतलो पेन तो तेहकीज मुको रिअयो.
23
फासो ऐहकी वेअयो का, तिया सेवा केरूलो समयगालो पुरो किइन तो फासो कौअ गियो.
24
तिया दिहा फासला तिया कौअवाली अलीशिबाल महीना रिया आने ते पाच महिना लुग दोबी रिई, तियुय आख्यो.
25
माहाम माआ वेनारों अपमान दुर केअरा खातोर प्रभुय माआ वेला वेयो, ताहा तियान माआ खातोर ऐहेकी केअयो.
येशु देवा जल्मो विषय आखाम आलो
26
अलिशिबाला साहवो महिनोमे देवाय गब्रिएल दुताल गालील देशु नासरेथ नावु गावा मे,
27
एक कुवारी बायुय मोकल्यो. तियु दाऊदा कौअने योसेफ नावु माहा आरी साखर पुडो वेलो आथो आने तियु कुवारी बायु नाव मरियम आथो.
28
देवदुताय तियुही आविन आख्यो, अभिवांदन! तोअपे कृपा वेली हाय. प्रभु तो आरी हाय.
29
आने ति तिया शब्द उनायने काभाराई गिई आने इया अभिवादना अर्थ कायवेरी तिया ती नोवाय केअरा लागी.
30
देवदुताय तियुल आख्यो, "मरियम, बिहोहो नाहा, देवाय तोउपे कृपा केली हाय.
31
वेआरा! तुल गरोदर (डेडीआरी) रीअ आने तुल पोयरो वेरी तिया नाव तुअ यीशु थोव.
32
तो महान (मोठे) वेरी आने परम प्रधानु पोयरो आखाम आवी आने प्रभु देव तियाल तिया बाहाका दाऊदा राजगादी दी. (राजासन)
33
तो याकुब कुटुंबाप कायम राज्यकेरी (अधिकार चालवी) आने तिया राज्य अंन नैयवे."
34
ताहा मरियमुय दुताल आख्यो, ई केहेकी वेरी? काहाल मायुय आदमील (पुरूषाल) जाअयो नाहा
35
देवदुतुय तियला आख्यो पवित्र आत्मा तोअपे आवी, आने परमप्रधान देवा सामर्थ्य (शक्ती) तो ऊपे सावली केअेरी आने तियाहकी जो पवित्र पोयरो जो,ल्माल आवी तियाल देवा पोयरो आखी.
36
वेअे, तो जातुलामे अलीशिबा बी डायापनाम र्दिवस महिना रेहालो हाय, आने जियुल वायटी आखाम आवतली तियुल आमी सहावो महिनो हाय.
37
काहाल देवाल केल्लीज गोठ अशक्य नाहा.
38
मरियमुय आख्यो, खेरोज "आय प्रभु दासी हाय" तो आखुलो तेहेकी मान वे," ताहा देव दुत तियुहने निघीन जातो रियो.
मरियम अलिशिबाल मिला जाहे.
39
तिया दिहाम मरियम उठी आने उतवालीम यहुदीया देशा डोगुवाला भागुम एक नगरूम गिई.
40
तिही जख-या कौअमे गिई आने अलिशिबाल अभिवादन केयो.
41
जेहेकी मरीयमु अभिवादन अलिशिबा उनाई तियु डेडीमेने पोयरो कुद्यो आने अलिशिबा पवित्र आत्मा की पोराई गिई.
42
तियु माेडो शब्दाकी आख्यो "बाईम तु धन्य हाय आने तो डेडीफोल आर्शिवादीत हाय.
43
प्रभु याहकी मायही आवे ई मान काहीने?"
44
ताहा तुयुय माआ अभिवादना गोठ माआ कानुम पोडी, ताहा माआ डेडीमेने पोयराय आनंदा की कुद्यो
45
जियाय विश्वास थोवलो हाय तो धन्य हाय. काहाल ज्या गोठ्या प्रभु तियाल आखाल्या ते पुरया वेरी?.
मरीयम केली स्तुती गित.
46
मरियमुय आख्यो, माआ जिव प्रभुल मोडो मानेहे,
47
आने देव माआ तारणारो इया खातोर माआ आत्मा खुश वेलो हाय.
48
काहाका तिया दासी नम्र अवश्था वेअेयो. होग्याज पिढ्या मान धन्य आखी.
49
काहालका तो सर्वसामर्थ्य (शक्तीशाली) देव हाय तियाय माआ खातोर खुब मोडो काम केलाे हाय; आने तिया नाव पवित्र हाय.
50
जे तिया भिख राखते है तियापे तिया दया (कृपा) कायम हाय
51
तियाय तिया आथा की सामर्थी कामे केले आथे; जो घंमण्डी (अभिमानी) अंतकरना हाय; तियाय तियहान वेर विखेर कि टाकले हाय.
52
तिया राज्य केअनारान तिया राज्य गाधी पेने कांडी टाकले हाय. आने गरीबाहाने तियाय उच्चे केले हाय.
53
तियाय पुख्यान हारी वस्तु की तृप्त केले हाय.आने धनवानुने (मालदार) खाली
आथाकी फासे मोकलुवुले हाय.
54
दया किन तियाने तिया सेवक इस्त्राएल तियाल मदत केली हाय.
55
आपु वाडवडीलुन तियाय आख्यो तेहेकी अब्राहाम आने तिया पोयरावे दया कायम याद केरावी.आने तियाय तियाल आपु सेवक इस्त्राएलने तियान मदत केली हाय.
56
अलिशिबा आरी मरीयम तीन महीना लुग रीई तिया फासे तिई तिया कौअ गीई.
57
अलिशिबा महीना पुरा विया आने तियुय एक पोयराल जल्म देदो.
58
प्रभु तियाप खुब मोडी दया केली हाय, ई तिया जातीवाले आने पडोसीवाले उनाये ते तिया खुशीम भाग लेदो.
59
फासे ऐहेकी वेयो की, आठ दिहा बाद पोयरा सुंता केअरा खातोर आलेले आथे, तिया बाहाका नावा प्रमाणे तो पोयरा नाव बी जख-या थोवनारे आथे.
60
फासो तिया याहकीय त्याने अखयो, नाहा, तियाहोस तिया नाव योहान थोवुलो हाय.
61
तियाही तियुल आख्यो, तोओ नातेवाईकाम ऐहेडो केडाज नाव नाहा.
62
फासो तियाही तिया बाहाकाल ईशारो किइन पुछ्यो का, तु तीया नाव काय थोवनारो ऐहेडी तोओ इच्छा हाय.
63
ताहा तियाय लिखा खातोर पाटी लिइ हादी आने, ताहा तिया नाव योहान हाय, ऐहेकी लिख्यो, तियापने तिया होग्गान खुपज नोवाय लाग्यो.
64
तियाय टेमाम तिया मुय उगडी गियो आने फासे तिया जिब खुली गिई, आने तो गोगा लाग्यो आने देवा स्तुती धन्यवाद द्या लाग्यो.
65
ताहा तिया आजु बाजुल रेअनाराल भिख लागी आने यहुदीया प्रांताआ होग्गाज गोठी बआरामे अखा लाग्या
66
जियाय केडाय ई उनायो दरेक माहु मोनाम विचार केअतला आथो, तियाल आख्यो ई पोयरो आगला केडा वेरी? प्रभु तियाआरी हाय ऐहेकी केअयता द्यानाम आलो.
67
तिया बाहको जख-या पवित्र आत्मा की पोरायो आने तियाय बी भविष्यवाणी केअेयी; तो आखलो,
68
इस्त्राएलु देव प्रभु, तिया स्तुती वेअे काहाल तियाल तिया माहा भेट लेदी आने माहा किमत वसुल किईन सुटको देदो.
69
तियाय आपु सेवक दावीद तिया कौअवामेने आमा खातोर सामर्थ्याशाली देदोलो हाय.
70
ई देवा तिया पवित्र संदेष्टाद्वारे युगाच्या पेअला दिहामेने आखलो आथो.
71
जो आमा विरोधी हाय, आने जो आमा निंदा केअतलो तियापने छोडवा खातोर वायदो तियान आमाहाल देदो.
72
आमा वाडवडिलान दया देखावा खातोर तोओ ई केअनारो आथो आने तिया आपु पवित्र करारा याद थोवनारो हाय.
73
ई करार एक शंपथ हाय जो तियाय आमा वाडवडील आब्राहामाल देदली आथी.
74
ती ऐहेकी, तुम्हा आपु शत्रु आथुमेने सोडवीन जाहा.
75
माआ हुबुंर पवित्रविइन आने नितीमत्वाने मोरेपर्यंत माआ सेवा-भक्ती हिंमत वाई केअेहो, ऐहेकी आय केअहे.
76
ऐ पोयरा तुल मोडाम मोडा देवा संदेश देनारो आखी काहाल की प्रभु मार्ग सरळ केरा खातोर तिया आगला चालोहो.
77
तिया खातोर की, तिया महाले तिया पापांहा क्षमावाय तारणा अनुभव वेरा जोजे.
78
देवा दये खातोर होरगा दिहा पहाट उजाडेल आने मोअता जाहाकी आंधाराम जे जीवी रेहला हाय तियावे उजवाडो वेअरी.
79
तियावेलाने जे आंधाराम हाय आने मोरना सावली बोठले हाय तियाम उजवाडो दाआ खातोर आने आमा पागा शांती वाटील लिइ जाआ खातोर दिही उगवी आने आमा भेट लिइ."
80
फासो तो पाेयरो मोडो वेअतो गियो आने आत्माम शक्तिशाली वेयो. इस्त्राएल माहाले प्रकट वेरुला दीहालाग तोअ जंगलाम रियों.