¹ 1तुमाहामे लोडाया ने भनगुड्या किहिने आवतेहे? तुमा आवयवाम ज्या खाराब वासना हाय तीयाकी लोडाया केतेहे तियामने का नाय का? ² तुमा लोब तेताहा पेन तुमाहाल मिलतो नाहा, तुमा मायटाकताहाने हेवो केताहा, पेन तुमाहाल मिलवुता आवतो नाहा तुमा भाडगड ने लोडाया केताहा तेबी तुमाल मिलतो नाहा, काहाका तुमा मागता नाहा ³ तुमर मरगतेहे आने तुमाहाल मिलतो नाहा. काहाका तुमा खाराब वासना राखीन मागतेहे, तेहेकी आपु चैनीखातोर खोर्चो तियाहाल मागतेहे ⁴ इं देवा आरी हारो व्यवहार नेय केनारी पीडी जगा आरी चालुलो काहाका देवा आरी दुष्मनी हाय इं तामा जाता नाहा का? काहाका जो केडो जगाआरी चाला इच्छा केएहे तो देवा आरी वैरी दुष्मनी हाय ⁵ काहा आपुमे रेनारो पवित्र आत्मो मोना इच्छा ऐहेकी तुमाहाल वाटेहे का? ⁶ पेण तो खुबुज कृपा केअह, काहाका शास्त्रलेख ऐहेकी का, “देव गोर्वो केनाराहा विरोध केहे, पेन नम्रहाय तियावे कृपा केहे ⁷ तियाहान देवा आरी ऱ्याहा आने पुथाल ओटकावा ताहा तो तुमाहायने दुर नाहा पोडी ⁸ तुमा देवा पाही आवा ताहा तो तुमापाही आवी ओ पाप्याहा, तुमा आथ चोखो केरा ओ बेनमोना माआहा मोने चोखे केरा ⁹ दु:खी व्या, शोक क्या आने रोडा, तुमा ओहवुलो शोकाम व्ये, तुमा खुशी नाराजीम व्ये ¹⁰ परमेश्वरा हुबुर नोमीन ऱ्या, ताहा तो तुमाहाल उच्यो केरी ¹¹ पावुहु , एकबिहीरा बोद्दल खराब गोगाहा नाहा जो पावुहू बोद्दल खाराब गोगेहे ने आपु पावुहुल दोष लागवेहे नियमशास्त्रा बोद्दल खाराब गोगतेहे आने नियमशास्त्राले दोष लागवुतो. पेन जाहा तु नियम शास्त्रल दोष लागवुयो ताहा नियम पालनारों नाहा पेन न्यायाधिश हाय. ¹² जो तारण केरुलाम ने नाश केरुलाम ताकोत हाय ऐहेडो नियमशास्त्र देनारो ने न्यायाधीश एकुज हाय ताहा शेजाऱ्याल दोष लागवुनारो तु केडो ? ¹³ ओ! तुमा जो आखताहा का, “आजे नेता हाकाल आपु इ गावाल जाहु तिही वोरोह पोय रिहु आने वेपारो किहने कामावुहु . ¹⁴ पेन हाकाल काय वेरी इ तुमाहाल मालुम नाहा रेतो. तुमा उमोर कोती तुमा काय वाफी होस हाय ती एक घेडी देखाही आने देखाती नाहा ¹⁵ तिया बोद्दलाम तुमा एहेकी आखा का, “परमेश्वरा इच्छा वेरी ताहा आपु जिवते रिहु आने इं किहु का तो किहु ¹⁶ आमी तुमा आपु योजना अभिमान (सोताहाल मोडो होमजुलो) देखावताहा ऐहेडा प्रकाश बादा अभिमान (सोताहाल मोडो होमजुलो) वायबार हाय ¹⁷ ताहा हारो केरुलो होमजायनेबी जो तो केअतो नाह तियाल तो पाप हाय.