अध्याय १
1
याकोब देवाआ आने प्रभु येशुख्रिस्ता सेवक, याहोवोनी होगा जगामे फेअलायला विश्वास थोवनारा बारा यहुदी वंशाले नमस्कार
2
मा पावुहु जीया जीया वेले तुमापे जुदया-जुदया परिक्षा आवत्माहा, ताहा तुमा सुशीज मानजा
3
तुमाले माहीत हाय का, तुमा विश्वासाआ परिक्षालिदे सहनशिलता उबजेहे.
4
आने तीया सहनशिलाले आपु कार्म पुरो केरा दया याकेताअता का तुमा पाक्का, पुरेपुर आने केल्लीबी बाबत कोमी नैय अेहेडे पुरे केरा जोजे.
5
काहाका जर तुमाहीमेने केडो ज्ञानाकी कोमी वेरी ते त्याये देवापेनी मागा जोजे काहाका तो त्याले मिली काहाका तो दोष नैय लागुवता बादाले मोनमोकलो देहे.
6
पेन त्याये विश्वासाकी माग जोजे आने सौवशय तेअहो नाहा काहाका जो सौवशो तेहे तो वाराकी उडीजानारा आने दोऱ्यामेनी उचे उडनाऱ्या लाफासारखो हाय.
7
अेहेडा माहाये अेहेडो विचार केरा नै जोजेका प्रभुपेने त्याले काय कमली का.
8
काहाका तो बेन मोनाआ हाय तो होगा मार्गा मे निट नाहा.
9
गोरीब हाय त्या पावुहु आपु मोठापना विषयी अभिमान केअजा
10
आने श्रीमंत पावुहुये गोरीब समया विषयी अभिमान होमजुजा काहाका तो ऐगाहा चाराआफुला सारखे रेनारो नाहा.
11
दिही (सुर्य) तीयाआ मोठा उजवाडा की उग्यो आने त्याचे चारो कोमायो हाती तीया फुल गोली पोड्यो आने तीया रुपा शोभा जातीरिई तीया होज श्रीमंत माहाबी तीया कामा भारामे कोमाय जाये.
12
जो वोखो सहन केहे तो आशिर्वाद हाय, काहाक वोखो सहन किईन वेहे
13
केडाबी परिक्षा वेती ताहा त्याये ओकी आखानै जो जे का देवाय माल लोबीमे टाक्यो काहाका देवाले वाईट गोठी लोब पोडती नाहा.
14
हाती एक एक जावाले तीया स्वौताआ इच्छाकी लोबीमे पोडे हे आने फुलवाय जाहे
15
हाती इच्छा डेडीआरी रिई जायेने पवाले जन्म देई आने पापाआ (दिही) पुरो वेईन मरण उबजावे हे.
16
माआ पोयाआ पावुहु सौताह फसवनुक वेरा नाहा दयाहा.
17
एक ऐकाले हारो दान आने पुरो दान देवातयनी हाय, जो बोदलु तो नाहा आने फिरनारी सावली की नाहा अेहेडा होरग्या उजवाडा रेनारो बाहाका मेने तो उतेहे.
18
आपु तिया उबजावलामे पेअेलो फोल वेरा जोजे म्हणून त्याचे सत्यवचना की सौताहा इच्छा की आपुले जन्म देदो.
19
माआ मोयाला पावुहु ई मानामे थोवा अेकअेक माहाव उनाउलामे उतवाल्यो हाचवीन गोठानारो जोजे आने रोग कोमी जोजे
20
काहाका माहाबा रोग मे देवाआ हारीगोठी मार्य वेअतो नाहा.
21
म्हणुन तुमा ओमघी चोगखी बादा खराब गोठी मेन पुरेपुर सौताहा सुटको केई ल्या आने जो तुमा आत्माले तारण केरुलामे समर्थ हाये ती देवा वचन तुमा अंत:करनामे (मोनामे) पाक्को प्रये ती नम्रतेमे लिल्याआ (मानील्या)
22
वचनाप्रमाणे पालनकेनारे व्या पेन फक्त उनानारेज ऱ्याहा नाहा तेर ज्या प्रमाणे केरा काहाका जर तुमा फक्क उनाता तर तुमा सौताले लोबडी केअता.
23
जो केडो देवावचन उनाहाये पेन तीया नुसार वागतोनाहा तो आरसामे आपु शारीरिक मुय वेनारा माआ होच हाय.
24
तो माहावे सौताहोवे लक्ष दिईन वेअेहे पासे निगी जाये आने आपु केहेडो आथो तो लगेच विहीराम जातेहे.
25
पेन जो छुटारा पुरेपुर बारकाईकी नियमाले पालेहे आने वचन उनासने तो विहीराय नै जाय लानुसार चालेहे तो माहावु जो काय केहे तो त्याई मे आशिर्वादीत वेरी.
26
जेहेकी अेगोही माहावे सौताले भोक्ती (धार्मिक) होमजे आने तेबी सौताहा जीभे वे ताबो थोवतो नाहा ते सौताहा मोनाले (अंतकरनाले) ठोगावे तिया माहाआ भोक्ती (धार्मिक) कामजे कामी नाहा.
27
सौताले जगामेनी बिगडुल्या चाली रितीमेने दुर थोवेहे. अेहेडा माआहा भोक्ती (धार्मिकता) देवा हुबूर शुध्द (चोखी) आने केल्लो बी खराबी नै ठेरे