¹ तोनाराहा, तुमाहाल बी होरगाम तोनारा हाय इ इतवीन तुमा आपु आवत्याहा आरी न्यायी ने हारा व्यवहाराकी चाला. प्रार्थना आने रोजने रेवुलो-वागुलो ² प्रार्थनाम तियारीम रेजा ने तियाम उपकारस्तुती केअते जागते रेजा. ³ आने आमा केअताबी प्रार्थना केजा एहेकी का ख्रिस्ता जिया दोबली गोठीम आय बादालो बी हाय तो आखा केआता देवाय आमा केअता वचना केअता बानो उगडावे. ⁴ काहाका माल जेहेकी आखा जोजे तेहेकीज आय ती दोबली गोठ उगडी केरावाय ⁵ बिहीरा लोकाहाआरी हारी रितीहाकी वागुलो हाय, हारो समय साधी ल्या. ⁶ तुमा गोगुलो सदा हाराे कृपाकी खरा हारी चवी होस केअलो सारखो वेरा जोजे काहाका, एकएकाल केहेकी केहेकी उत्तर देवाय ताे तुमाहाल होमजाय. सालाम आने समाप्ती ⁷ माआ मोयालो पावुहु तुखिक प्रभुम विश्वास सेवक आने मा हेगात्या दास ओ मा बोदल बाद्या गोठ्या तुमाहाल आखी. ⁸ आय तियाहाल तियाज कामा केअता तुमाही मोकलुलो हय का, काहाका आज्ञा बोद्दोल ज्या बाद्द्या गोठ्या तियाय तुमाहाल आखीन तुमा मोनाम सामाधान वेरा जोजे. ⁹ आय तियाहा आरी विश्वासु आने प्रिय पावुहु ओनेसिम जो तुमाम नेज हाय तीयाल बी मोकलुलो हाय. ते तुमाहान तिहीने होग्या गोठ्या आखी मोकली ¹⁰ मा आऱ्यो बंदीवानाम हाय अरिस्तार्ख तुमाहाल सलाम आखेहे, तेहेकीज बर्णबा पावुहु मार्क ओबी तुमाहहाल सलाम आखेहे. (तिया खातोर तुमाहान आज्ञा मिल्याहा हाय तो जाहा तुमाही आलो ताहा तुमा तीयाल राखी लेजा.) ¹¹ युस्त आखतेहे तो येशु बी तुमाहाल सलाम आखेहे, सुंता वेअलाहामे ने एज एक देवा राज्याकेअता मा हेगात्या हाय आने तियाहाकी माआ मोन हारो वेयोहो. ¹² ख्रिस्त येशु दास एपफ्रास तो तुमाहाम नेज हाय तो तुमाहाल सलाम आखेहे, तो तिया प्रार्थनाम सादा तुमा खातोर जिवतोडीन विनंती की रियोहा का देवा बाद्दी इस्साहाकी तुमा पुरेपुर हाय तुमा पुरी खात्री वीन मजबुत ऐहेडे उबी रेजा. ¹³ तुमा केअता जे जो लावदिकीया ने हेरापलीत हाय तियाहा केअता तो खुबूज कोष्ट किरीयोहो एहेकी तिया बाबत आय साक्ष दिहू. ¹⁴ मोयालो वैद्य लुक ने देमास अे तुमाहाल सलाम आखताहा. ¹⁵ लावदिकीयामेने पावुहु आने जुफा ने तियु कोअमे टोलवानारी मंडळी तियाहान सलाम देजा. ¹⁶ इ पत्र तुमाहाम वाची लिईन लावदिकिया मंडळीबी वाचाम आवे आने लावदिकीया होवेने पत्र तुमाबी वाचजा. ¹⁷ आर्खिपालाल आखा का जी सेवा तुल प्रभुइहिमे मिल्ली हाय ती पुरी केरा खातोर तियाहाय कालजी लेजा. ¹⁸ आय पौल सवताहा आथुकी लिखलो सलाम, आय बंधनाम हाय इया इत थोवा तुमा आरी कृपा रे.