अध्याय ४
1
परमेश्वरा हुमबुर आने येशू ख्रिस्ता साक्षी बोनवीन जो बाद्दा जीवता आने मोला न्याय केनारो हाय, आने तिया फास्से आउला आने तिया राज्य जागे हाय आय शपथ दिन तुल आखु का,
2
वचनु सुसमसचार प्रचार केजा, सुवेळी अवेळी तियारुम रेजा आने लोक काय केरा जोजे इ तियान होमजावा, आने जाहा ते वाईट कामे केरा लागे ताहा तियाहान चेतावनी देजे लोकाहान र्धेर्य की होमजावीन हीकव
3
माय ए गोठ्या इयाखातोर आखीरियोहोका एहडो टेम आवी का जाहा लोक हाऱ्या गोठ्या उनाय नाय. आने ते तिया इस्सा होस हिकवुनारा लोक ते टोलवी ली
4
ते सत्य नाय उनाय आने काल्पनिक गोठीप ते मोन लागवी
5
पेन तु केहडीबी परीस्थिती आवी जाय पेन तु तोप नियत्रण थोव, आने दुख खेडीले, सुवार्ता प्रचार के आने तुल जी सेवा होपली हाय ति तु पुरी के
6
काहाका आमी मा अर्पण वि रियोहो आने इ जगामने जावुला मा टेम आवी गियो हो
7
माय दोवडुनू शर्यतिम दोवडुतो रियो आने आम्ही माय दोवडी पारवायो आने मान विश्वास हाय
8
का मा खातोर नितीमत्तवा मुकुट थोवलो हाय तो न्याय केनारो नितीमान प्रभु मान दि आने मानुज ओथो नाहा ता तुम्हा बाद्दान दी जे प्रेभूकी तीया आवुला वाट जो वी रीयेहे हो
9
माही जोते म्हारी आवाय तोते म्हारी आवुला प्रयत्न केरा
10
काहाका इ जोगी मोहाम पोडीन देमासुय मान सोडी देदो आने थेस्सलनीका सेहराम निगी गियो, क्रेस्केस गलतीया हिवालाम आने तीत दालमतीया हिवालाम गियोहो.
11
लुक मा आरी हाय, आने जाहा तु आवोहो ताहा मार्कुल बी तो आरी लेतो आवजे काहाका सेवा केरूलाम तो मान कामुम आवी
12
तुखिल माय इफिस सेहराम मोकल्यो.
13
जाहा तुम्हा आवाहा माहा त्रोवस सेहराम कार्पासा को थोवलो मा झोगो लेता आवजा, आने तेहकीज मा पुस्तके, विशेषकीन चर्मपत्रा गुंडाल्या वालीन थोवल्या हाय ते बी लेतो आव
14
आलेक्सांद्र तांबाटाय मा खुब लुकसान केयो पेन तियाय जेहकी केयो देव तियाल तेहकी फल दि
15
तियायने तु बी वाचाय रेजे काहाका आपु गोगल्या गोठी खुब विरोध केतलो.
16
मा पेहल्या बचाव केरुला आथो ताहा मा आरी केडोज उभो नाहा रियो, बाद्दाय मान सोडी देदलो देव के तियाहान इ गोठी हिसाब नाय दा पोडे
17
पेन मा आरी प्रभु उभी रियो आने मान सोकती देदी काहाका मा की सुवार्ताहा खुब प्रचार वि सेके आने त्या प्रचारुल परराष्ट्रीय उनाय सेके मान तियाय सिंहा मुयामने मान वाचाव्यो
18
प्रभु मान पापायने वाचावी आने तिया होरगा राज्याम सुखरूप लिजाय, तिया महीमा सदासर्वकाळ वेतो रे आमेन
19
प्रिस्कीला अक्किला आने अनेसिफरा कोमुऱ्या लोकांहान सालाम आखजे
20
एरास्त करिंय सेहरामुज थामबी गियो आने प्रफिमाल मायु मिलेता सेहरामु रा देदो काहाका तो आजारी आथो.
21
तु हियाला आगल्यो आवुला प्रयत्न के काहाका युबुल, पुदेन, लीन क्लौदिया आने तो बाद्दा बिजा पाऊ तुल इतवुताहा
22
प्रभु तो आरी रे आने देवा कृपा तुम्हा बाद्दा आरी रे